Biiyaʼ guiraʼ ni nuu lu sitiu riʼ

guyé lu índice

 CA TESORO ZEEDA LU BIBLIA | MARCOS 9, 10

Ti visión ni ruquidxi fe stinu

Ti visión ni ruquidxi fe stinu

9:1-7

Bixuiʼlú ximodo biʼniʼ sentir Jesús ora guca transfigurar ne binadiaga guníʼ Bixhoze pabiáʼ nadxii laa. Nánnanu bidii ni stipa laabe para guni huantarbe ca yuubaʼ ni chitídibe. Laaca nabé bidxagayaa Pedro, Santiago ne Juan ora bíʼyacaʼ visión riʼ. Ni bizaaca riʼ gucané ni laacabe chúʼcabe seguru Jesús nga Mesías, ne jneza ngue bíʼnicabe nácacabe discípulo stibe. Biaʼ treinta y dos iza despué, bietenaláʼdxiruʼ Pedro ni bizaaca que, ne biquidxi ni fe stibe lu guiráʼ «ni bicaa ca profeta» stiʼ Dios (2Pe 1:16-19).

Neca qué nidúʼyanu visión riʼ, peru cadúʼyanu maʼ cayaca cumplir ni. Ca dxi riʼ, maʼ naca Jesús ti Rey ni napa poder. Ne maʼ cadi candaa zunitilube guiráʼ ca binni malu ne zedanebe ti guidxilayú cubi (Ap 6:2).

¿Ximodo riguidxi fe stiluʼ ora gúʼyaluʼ cayaca cumplir ca profecía ni zeeda lu Biblia?