Biiyaʼ guiraʼ ni nuu lu sitiu riʼ

guyé lu índice

 MODO RÚNINU XHIIÑAʼ DIOS

Guni defendernu ca norma moral stiʼ Jiobá

Guni defendernu ca norma moral stiʼ Jiobá

Jiobá Dios nga riguixhe norma moral. Guzéʼtenu ti ejemplu: maʼ gudíxhebe guichaganáʼ ti hombre ne ti gunaa ne cadi naquiiñeʼ guilaa xquendaxheelacaʼ (Mt 19:4-6, 9). Nanaláʼdxibe intiica clase de inmoralidad sexual (1Co 6:9, 10). Riguíxhebe principiu ni caníʼ ximodo gacuʼ ca xpínnibe lari ne ximodo guzuchaahuicaʼ, ndiʼ nga ni runi laacaʼ gadxé de xcaadxi binni (Dt 22:5; 1Ti 2:9, 10).

Ca dxi stinu riʼ, stale binni qué riná chinanda ca norma stiʼ Jiobá (Ro 1:18-32). Pur modo rácucaʼ lari, modo ruzuchaahuicaʼ ne pur ni rúnicaʼ rusihuínnicaʼ zinándacaʼ moda. Qué rituílucaʼ pur modo nabánicaʼ ne riniʼcaʼ mal de ca binni ni zinanda ca norma moral stiʼ Dios (1Pe 4:3, 4).

Ca testigu stiʼ Jiobá caquiiñeʼ gápanu valor para guni defendernu ca norma moral stiʼ Dios (Ro 12:9). ¿Ximodo zanda gúninu ni yaʼ? Ora rusiénenu binni né respetu xi riuulaʼdxiʼ Dios ne ora rinándanu ca norma stibe lu xquendanabáninu. Casi ora cuinu xi lari gácunu ne modo guzuchaahuinu, galán guinabadiidxanu: «¿Guná nga ca norma ni zinandaʼ: ca norma stiʼ Dios la? o stiʼ binni guidxilayú? Pur modo racuaʼ lari, ¿ñee rusihuinneʼ nacaʼ ti xpinni Cristu la?». Ora cuinu xi programa o película guidúʼyanu, galán guinabadiidxanu pa ziuulaʼdxiʼ Jiobá ni o pa zucaa ni laanu guiníʼ íquenu casi riníʼ ique binni guidxilayú. Laaca galán guiníʼ íquenu pa qué zusirá ni fe stinu (Sl 101:3). ¿Ñee zacané ni cuinu guidúʼyanu riʼ familia stinu ne xcaadxi binni la? (1Co 10:31-33).

¿Xiñee nabé risaca guni defendernu ca norma moral stiʼ Dios? Purtiʼ maʼ cadi candaa zunitilú Jesucristu ca guidxi malu ne guiráʼ guendaquéiquiiñeʼ peru zalá cani guzuubaʼ stiidxaʼ Dios (Eze 9:4-7; 1Jn 2:15-17). Nga runi, guni defendernu ca norma moral stiʼ Dios ti gusisacaʼ binni laabe ora gúʼyacaʼ rinándanu ca norma stibe (1Pe 2:11, 12).

Pur modo racuaʼ lari ne modo ruzuchaahueʼ, ¿ñee rusihuinneʼ zinandaʼ ca norma moral stiʼ Dios la?

GÚʼYASITU VIDEU NI LÁʼ GUCA XHAMIGU JIOBÁ: TI HOMBRE NE TI GUNAA, ZANDA GUICÁBITU CA PREGUNTA RIʼ:

  • ¿Xiñee naquiiñeʼ chinándanu ca norma stiʼ Dios?

  • ¿Xiñee dede nahuiiniʼ xiiñiʼ binni nga naquiiñeʼ gusiidiʼ laacabe ca norma stiʼ Dios?

  • ¿Ximodo zanda gacané ca joven ne cani huaniisi xcaadxi binni para cueenducaʼ ni galán de guendanachaʼhuiʼ stiʼ Dios?