Biiyaʼ guiraʼ ni nuu lu sitiu riʼ

guyé lu índice

 MODO RÚNINU XHIIÑAʼ DIOS

¿Ñee cabeenduluʼ ni galán ora ruundaluʼ folletu Guidúʼndanu Stiidxaʼ Dios guiráʼ dxi la?

¿Ñee cabeenduluʼ ni galán ora ruundaluʼ folletu Guidúʼndanu Stiidxaʼ Dios guiráʼ dxi la?

¿Ñee guiráʼ dxi ruundaluʼ textu ne comentariu ni zeeda lu folletu Guidúʼndanu Stiidxaʼ Dios guiráʼ dxi la? Pa qué rúniluʼ ni la? galán pa nuzulú ñuundaluʼ ni. Stale tu laa ruundaʼ ni guiráʼ siadóʼ ne riníʼ ique xi ná ni laga cayuni xhiiñaʼ (Jos 1:8; Sl 119:97). ¿Xiruʼ zanda gúniluʼ para cueenduluʼ ni galán ora gúʼndaluʼ textu ni riaba guiráʼ dxi? Biindaʼ contextu stiʼ versículo ca para ganda guiéneluʼ ni jma. Guníʼ ique xiixa relatu zeeda lu Biblia ra yenándacabe principiu ni riete lu textu ca. De racá, biiyaʼ paraa zanda chinándaluʼ ni ná principiu ca lu xquendanabániluʼ. Pa chinándanu ni ná Stiidxaʼ Dios ora quixhe íquenu gúninu xiixa la? cudiʼnu lugar gábini laanu xi gúninu ne nabé ribeendunu ni galán (Sl 119:105).

Guiráʼ hermanu ni nuu Betel lu guidubi Guidxilayú, ruundacaʼ guiráʼ siadóʼ folletu Guidúʼndanu Stiidxaʼ Dios guiráʼ dxi. Lu ca últimu iza riʼ, huaree stale adoración matutina lu JW Broadcasting®, zanda guidxélanu cani lu categoría stiʼ videu PROGRAMA ESPIRITUAL. ¿Padxí últimu bíʼyaluʼ tobi de ca videu riʼ? Zándaca ni peʼ caquiiñeluʼ nga biete luni. Guzéʼtenu ti ejemplu, ¿ximodo zanda gacané ni bizaaca Lot laanu?

DESPUÉ DE GÚʼYALUʼ VIDEU NI LÁʼ CADI GANNAXHIINU GUIDXILAYÚ (1JN 2:15), ZANDA GUICÁBILUʼ CA PREGUNTA RIʼ:

  • ¿Xi principiu bisiénecabe lu adoración matutina riʼ?

  • ¿Ximodo rusiidiʼ relatu stiʼ Lot laanu cadi jneza nga gannaxhiinu guidxilayú nin guiráʼ ni nuu ndaaniʼ ni? (Gé 13:12; 14:12; 19:3, 12, 13, 24-26).

  • ¿Ximodo rusihuínninu nadxiinu Jehová ne cadi nadxiinu guidxilayú nin ni nuu ndaaniʼ ni?

¿Ximodo zanda gusihuínninu rusisácanu Stiidxaʼ Dios guiráʼ dxi?