Biiyaʼ guiraʼ ni nuu lu sitiu riʼ

guyé lu índice

 MODO RÚNINU XHIIÑAʼ DIOS

«Bizuubaʼ stiidxaʼ bixhózeluʼ ne jñaaluʼ»

«Bizuubaʼ stiidxaʼ bixhózeluʼ ne jñaaluʼ»

Dxi guyuu Jesús ndaaniʼ Guidxilayú, bisietenaláʼdxibe mandatu riʼ: «Bizuubaʼ stiidxaʼ bixhózeluʼ ne jñaaluʼ» (Éx 20:12; Mt 15:4). Guniʼbe ca diidxaʼ riʼ purtiʼ dede nahuiinibe bizuubabe stiidxaʼ jñaabe ne bixhózebe (Lu 2:51). Ne dxi maʼ huaniisibe, biyúbibe modo gapa jñaabe guiráʼ ni iquiiñeʼ despué de gátibe (Jn 19:26, 27).

Tiempu nabáninu riʼ, ca xpinni Cristu ni nahuiiniʼ rusihuínnicaʼ rusisácacaʼ bixhózecaʼ ne jñaacaʼ ora ruzuubacaʼ stiidxacabe ne ora riníʼnecaʼ laacabe né respetu. Mandatu de guzúʼbanu stiidxaʼ bixhózenu ne jñaanu qué gapa diʼ ni padxí guiluxe ni. Neca maʼ nagola bixhózenu ne jñaanu, naquiiñeʼ guzúʼbanu stiidxacabe ne gucaʼdiáganu ca conseju stícabe (Pr 23:22). Sti modo rusihuínninu rusisácanu bixhózenu ne jñaanu ni nagola nga, ora gudiʼnu laacaʼ ti ndaa bueltu ora caquiiñeʼ cani, güínenu laacabe diidxaʼ ne ora gucaadiaga chaahuinu laacabe (1Ti 5:8). Pa nahuiininu o maʼ huaniisinu, tobi de ca modo gusisácanu bixhózenu ne jñaanu nga cadi gusaananu de guinínenu laacabe.

GÚʼYASITU VIDEU NI LÁʼ ¿XI GUNEʼ PARA GUINIENIÁʼ BIXHOZEʼ NE JÑAAʼ?, ZANDA GUICÁBITU CA PREGUNTA RIʼ:

  • ¿Xiñee rábiluʼ ziuu ora zaca nagana para lii guiníʼneluʼ bixhózeluʼ ne jñaaluʼ?

  • Ora guiníʼneluʼ bixhózeluʼ ne jñaaluʼ, ¿ximodo rusihuínniluʼ rusisácaluʼ laacabe?

  • ¿Xiñee nabé risaca gúniluʼ stipa guiníʼneluʼ bixhózeluʼ ne jñaaluʼ? (Pr 15:22).

    Güíneluʼ jñaaluʼ ne bixhózeluʼ diidxaʼ zanda gacané lii guibániluʼ galán