Biiyaʼ guiraʼ ni nuu lu sitiu riʼ

guyé lu índice

 MODO RÚNINU XHIIÑAʼ DIOS

Iquiiñenu ca publicación stinu jneza

Iquiiñenu ca publicación stinu jneza

Jesús guníʼ: «Qué niguixe tu [pur] irá ndi [...]. Yanna laguni cani sin guiaxa tu» (Mt 10:8). Rúninu ni guniʼbe riʼ ora qué runi cobrarnu binni pur gusaananenu laacaʼ ti Biblia o xiixa publicación (2Co 2:17). Peru risaca ca publicación riʼ purtiʼ rusiidiʼ cani ni dxandíʼ de Stiidxaʼ Dios. Para gaca imprimir cani ne chindá cani ra nuu ca congregación ni nuu lu guidubi Guidxilayú la? raca stale gastu ne stipa. Nga runi, naquiiñeʼ guicaanu biaʼ caquiiñesinu.

Biiyaʼ chaahuiʼ pa zusaananeluʼ binni xiixa publicación, dede né ora cayuni predicarnu ra nuu stale binni (Mt 7:6). Ante gudiiluʼ xiixa publicación tutiica binni, biʼniʼ stipa pur guiníʼneluʼ binni para gúʼyaluʼ pabiáʼ riuuláʼdxibe guiziidibe. Guníʼ ique pa zanda guicábiluʼ neca tobi de ca pregunta stiʼ recuadru riʼ. Pa gúʼyaluʼ huaxiéʼ riuuláʼdxibe la? jma galán gusaananeluʼ laabe ti tratadu. Peru, pa guidxaaganu ti binni ni guinabaʼ laanu ti publicación la? né stale guendanayecheʼ zudiʼnu laa tobi (Pr 3:27, 28).