Biiyaʼ guiraʼ ni nuu lu sitiu riʼ

guyé lu índice

 MODO RÚNINU XHIIÑAʼ DIOS

Guidxaaganu ca binni ni nadxii Jiobá

Guidxaaganu ca binni ni nadxii Jiobá

¿Xiñee caquiiñeʼ guidxaaganu ca binni ni nadxii Jiobá? Purtiʼ ca binni ni guidxaaganu zanda gucaacaʼ laanu gúninu ni jneza o ni cadi jneza (Pr 13:20). Guzéʼtenu ti ejemplu, rey Jehoás biʼniʼ «ni jneza nezalú Jiobá» dxi bidxaaga sumo sacerdote Jehoiadá (2Cr 24:2). Peru dxi gutiʼ Jehoiadá bidxiideche Jehoás Jiobá pur bidxaaga binni ni qué runi ni jneza (2Cr 24:17-19).

Lu primé siglu que, apóstol Pablo bichaaga congregación stiʼ ca xpinni Cristu casi ti «yoo roʼ» ne ca hermanu de congregación que casi vasu o traste ni riquiiñeʼ ra yoo. Nácanu traste ni riquiiñeʼ «ora aca xiixa risaca» ora qué ridxaaganu ca binni ni runi cosa ni qué riuulaʼdxiʼ Jiobá, neca nácacaʼ familia stinu o hermanu (2Ti 2:20, 21). Nga runi, guyúbinu guidxaaganu ca binni ni nadxii Jiobá ne ni riguu gana laanu gúninu ni nabe.

DESPUÉ DE GÚʼYALUʼ VIDEU NI LÁʼ CADI GUIDXAAGANU BINNI NI QUÉ RUNI NI JNEZA, ZANDA GUICÁBILUʼ CA PREGUNTA RIʼ:

  • ¿Ximodo zanda guidxaaganu binni ni qué runi ni jneza sin gudiʼnu cuenta?

  • ¿Xi gucané guionnaʼ xpinni Cristu ni rihuinni lu videu riʼ gusaana de guidxaagacaʼ ca binni ni runi ni cadi jneza?

  • ¿Xi principiu zeeda lu Biblia zanda gacané laanu para cuinu tuu nga ca binni guidxaaganu?

¿Ñee nacaʼ casi ti vasu ni riquiiñeʼ «ora aca xiixa risaca» la? (2Ti 2:21).