Biiyaʼ guiraʼ ni nuu lu sitiu riʼ

guyé lu índice

 MODO RÚNINU XHIIÑAʼ DIOS

«Lagusaʼbiʼ ca dios stiʼ xcaadxi guidxi»

«Lagusaʼbiʼ ca dios stiʼ xcaadxi guidxi»

Neca caʼruʼ gata ti ley ra ná cadi naquiiñeʼ guni adorárcabe bidóʼ, nanna Jacob Jehová si nga naquiiñeʼ gaca adorar (Éx 20:3-5). Nga runi, ora gudxi Jehová laabe guibiguétacabe Betel, gudxi Jacob familia stiʼ ne guiráʼ ni nabeza ra lidxi gusáʼbicaʼ o gunitilucaʼ guiráʼ ca bidóʼ nápacaʼ. Ngue runi, gudaañe Jacob ne bicaachiʼ guiráʼ bidóʼ ne ca arete ni zándaca biquiiñecabe casi amuletu (Gé 35:1-4). Guizáʼ guyuulaʼdxiʼ Jehová ni biʼniʼ Jacob.

Ca dxi stinu riʼ, ¿ximodo zanda guni adorarnu Jehová si yaʼ? Primé la? naquiiñeʼ gucáʼnanu ca cosa ni riquiiñecabe para guni adorárcabe bidóʼ o guni practicárcabe espiritismo ne xcaadxi cosa ni riquiiñeʼ Binidxabaʼ para quiteʼ binni. Ndiʼ riníʼ caquiiñeʼ gusáʼbinu o gunitilunu intiica cosa napa espiritismo ne gápanu cuidadu xi ridúʼyanu, xi ridúʼndanu ne xi rucaʼdiáganu. Gunabadiidxaʼ laca lii: «¿Ñee ruundaʼ libru o ruuyaʼ película ni cuzeeteʼ de vampiru, zombi o cosa ni napa espiritismo la? ¿Ñee ruundaʼ, ruuyaʼ o rucaadiaʼgaʼ xiixa ni ruluíʼ cadi malu peru cuzeeteʼ ni de magia, brujería o de ni runi dañu stobi la?». Naquiiñeʼ gucáʼnanu guiráʼ ca ni nanalaʼdxiʼ Jehová (Sl 97:10).

DESPUÉ DE GÚʼYALUʼ VIDEU NI LÁʼ «LAGUCAALÚ BINIDXABAʼ», ZANDA GUICÁBILUʼ CA PREGUNTA RIʼ:

  • ¿Xi guendanagana bidxaagalú Palesa, ti gunaa ni cacaa estudiu?

  • ¿Xiñee galán guyúbinu gacané ca ancianu laanu pa ruchiiñaʼ xiixa ni napa espiritismo laanu?

  • Bicaalú Binidxabaʼ ne bidxiña ra nuu Dios (Snt 4:7, 8).

    Pa racaláʼdxinu gapa Jehová laanu, ¿xi caquiiñeʼ gusáʼbinu o gunitilunu?

  • ¿Xi ti cosa risaca biʼniʼ Palesa?

  • ¿Ximodo zanda gucáʼnanu ni rusiidiʼ ca demonio neza ra nabézanu?