Romanos 14:1-23

  • Cadi guni juzgarsaanu (1-12)

  • Cadi quíxhenu xiixa ni guireenda ñee tuuxa (13-18)

  • Guyúbinu modo chuʼnu en paz ne gacanesaanu (19-23)

14  Pa nuu ti hermanu napa debilidad lu fe stiʼ la? laguidxaagalú laa né guendanayecheʼ, peru cadi guni juzgartu binni purtiʼ si gadxé opinión napa.  Ti hombre ni napa fe la? ró intiisi, peru ti hombre débil la? ró puru si verdura.*  Ni ró la? cadi guni despreciar ni qué ró, ne ni qué ró la? cadi guni juzgar ni ró, purtiʼ maʼ gucuaa Dios laa né guendanayecheʼ.  ¿Lii tu nácaluʼ para guni juzgarluʼ mozo stiʼ stobi yaʼ? Xpixuaanabe nga guiníʼ pa cayúnibe jneza o pa cucheebe. Zanda gúnibe ni riuulaʼdxiʼ Jehová* purtiʼ laa zacané laabe.  Nuu tu ná jma risaca ti dxi que sti dxi, ne nuu tu ná biaʼca risaca guiráʼ dxi. Cada tobi naquiiñeʼ chuʼ seguru jneza ni runi cré.  Purtiʼ ni rusisaca ti dxi la? runi ni para Jehová.* Ne ni ró la? ró para gusisaca Jehová,* purtiʼ rudii xquixe peʼ Dios. Ne ni qué ró la? qué ró para gusisaca Jehová,* peru rudii xquixe peʼ Dios.  Nin tobi de laanu cadi nabani para laasi, ne nin tobi de laanu qué zati para laasi.  Purtiʼ pa nabáninu la? nabáninu para Jehová,* ne pa gátinu la? zátinu para Jehová.* Nga runi, pa nabáninu o pa gátinu stiʼ Jehová* laanu.  Purtiʼ para ndiʼ nga guti Cristu ne bibani sti biaje: para gaca Señor stiʼ ca ni maʼ guti ne stiʼ ca ni nabani. 10  Peru ¿xiñee runi juzgarluʼ hermanu stiluʼ yaʼ? ¿O xiñee runi despreciarluʼ hermanu stiluʼ yaʼ? Guiranu nga zuzuhuaʼnu nezalú tribunal stiʼ Dios. 11  Sicaríʼ cá lu Stiidxaʼ Dios: «Purtiʼ dxandíʼ nabaneʼ —ná Jehová—,* ne zuzuxibi guiráʼ binni xañeeʼ ne guiráʼ binni zuni aceptar nezalú xcaadxi naa nga Dios». 12  Zacá nga laani, cada tobi de laanu zabidxi Dios cuenta. 13  Nga runi, maʼ cadi guni juzgarsaanu. Lagucaa ique cadi gúnitu xiixa ni gusirá fe stiʼ* tuuxa hermanu o ni cueechú laa. 14  Xpinni Señor Jesús naa ne nannaʼ dxiicheʼ gastiʼ cadi nabiidiʼ.* Ora nabiidiʼ xiixa cosa para ti binni la? para laasibe nga nabiidiʼ ni. 15  Peru pa guninaluʼ ti hermanu stiluʼ pur ni goloʼ la? maʼ cadi cusihuínniluʼ nadxiiluʼ laa. Guti Cristu pur laabe, nga runi cadi gusiraluʼ* fe stiʼ hermanu stiluʼ pur ni goloʼ. 16  Nga runi, neca para laatu ruluíʼ jneza ni cayúnitu, peru pa pur laani guiníʼcabe mal de laatu la? cadi gúnitu ni. 17  Cadi pur ni gó binni o pur ni gueʼ nga ziuu lu Reinu stiʼ Dios,* sínuque naquiiñeʼ gácabe nachaʼhuiʼ,* chuʼbe en paz né binni ne chuʼbe nayecheʼ purtiʼ racané espíritu santu laabe. 18  Ti binni ni napa ca cualidad riʼ naca esclavu stiʼ Cristu, ziechené Dios laa ne ziuulaʼdxiʼ binni ni guni. 19  Nga runi, gúninu biaʼ gándatiʼ para chuʼnu en paz né binni ne para gacanésaanu. 20  Maʼ cadi guchialuʼ dxiiñaʼ ni maʼ biʼniʼ Dios pur ni goloʼ. Nayá guiráʼ guendaró, peru malu ni para ti binni pa gó ni ne pur laani guirá fe stiʼ sti binni.* 21  Jma galán cadi goloʼ beela ne cadi gueluʼ vinu ne cadi gúniluʼ xiixa cosa pa pur laani guirá fe stiʼ hermanu stiluʼ.* 22  Biʼniʼ casi ná fe stiluʼ, peru ora lii si né Dios. Dichoso nga hombre ni qué runi condenar laca laa pur ni quixhe ique guni. 23  Peru pa nápabe duda ne gobe la? maʼ guca condenarbe, purtiʼ bíʼnibe ni sin fe. Ndiʼ nga laani, guiráʼ ni guni binni sin fe la? maʼ pecadu ni.

Nota

O «vegetal».
Biiyaʼ Glosario.
Biiyaʼ Glosario.
Biiyaʼ Glosario.
Biiyaʼ Glosario.
Biiyaʼ Glosario.
Biiyaʼ Glosario.
Biiyaʼ Glosario.
Biiyaʼ Glosario.
Lit. «cadi quíxhetu xiixa ni guni tropezar».
O «impuro».
O «cadi gunitiluluʼ».
Biiyaʼ Glosario.
O «justo».
Lit. «gaca tropezar stobi».
Lit. «gaca tropezar hermanu stiluʼ».