Hebreos 5:1-14

  • Jma risaca Jesús que ca sumo sacerdote (1-10)

    • «Casi Melquisedec» (6, 10)

    • «Biziidibe guzuubabe diidxaʼ pur ca yuubaʼ ni gudíʼdibe» (8)

    • Pur laabe zanda guilá ca ni guzuubaʼ diidxaʼ ne guicaacaʼ guendanabani ni qué zaluxe (9)

  • Gudixhená Pablo ca ni naca casi baʼduʼ (11-14)

5  Ne hombre cuícabe para gaca sumo sacerdote la?* ribícabe laa para gacané binni guni adorar Dios modo maʼ gudixhe gaca ni, ne para gudii ca ofrenda ne ca sacrificiu* pur ca pecadu.  Zanda guiabe ca ni ruchee purtiʼ caʼruʼ guiene chaahuicaʼ, purtiʼ laabe laaca rucheebe,  nga runi laaca naquiiñeʼ gudiibe ofrenda pur ca pecadu stibe, cásica rúnibe pur binni.  Qué zanda diʼ gaca tuuxa sumo sacerdote* de laasi, sínuque Dios nga ribí tu gaca ni, cásica gulibe Aarón.  Nin Cristu qué nusisaca laca laa, sínuque Dios nga bisisaca laabe ne gulí laabe para gácabe sumo sacerdote, ne gudxi laabe: «Lii nga xiiñeʼ; yannadxí maʼ bedagacaʼ bixhózeluʼ».  Ne laaca cá lu Stiidxaʼ Dios: «Sacerdote lii para siempre casi Melquisedec».  Dxi bibani Cristu ndaaniʼ guidxilayú, gunábabe ne biʼniʼ rogarbe Dios de guidubi ladxidoʼbe nulá laabe de guendaguti, dede biinabe ne bicaabe ridxi, ne bicaadiaga Dios laabe purtiʼ bizuubabe stiidxaʼ.*  Neca Xiiñiʼ Dios laabe, biziidibe guzuubabe diidxaʼ pur ca yuubaʼ ni gudíʼdibe.  Despué de bizuubabe diidxaʼ lu guiráʼ cosa,* maʼ zanda guilá ca ni guzuubaʼ stiidxabe ne guicaacaʼ guendanabani ni qué zaluxe pur mediu de laabe, 10  purtiʼ biʼniʼ nombrar Dios laabe para gácabe sumo sacerdote casi Melquisedec. 11  Nápadu stale ni ñábidu laatu de Cristu, peru nagana para gusiénedu ni laatu, purtiʼ huaxiéʼ rucaa íquetu guiziiditu.* 12  Para tiempu riʼ la? maʼ ñanda ñácatu maestru, peru naquiiñeʼ chuʼ tu gusiidiʼ laatu sti biaje —ca cosa ni biziiditu primé— ni zeeda lu Stiidxaʼ Dios.* Nuutu casi baʼduʼ, leche si zanda guetu, qué zanda goto gueta* casi ti binni huaniisi. 13  Purtiʼ ca binni reʼ leche si la? caʼru’ guiénecaʼ ca cosa ni jneza rusiidiʼ Stiidxa Dios, purtiʼ zeeda gácacaʼ casi ti baʼduʼ. 14  Peru ca ni maʼ zanda gó gueta* casi ti binni huaniisi la? maʼ naguidxi fe sticaʼ ne siempre riquiiñecaʼ* xquendabiaanicaʼ* para guiénecaʼ xii nga ni jneza ne ni cadi jneza.

Nota

Biiyaʼ Glosario.
Biiyaʼ Glosario.
Biiyaʼ Glosario.
O «purtiʼ bidxíbibe laa».
Lit. «Despué de guca perfeccionarbe».
Lit. «nanene riénetu».
O «ca cosa elemental ni zeeda lu Stiidxaʼ Dios».
O «alimento sólido».
O «alimento sólido».
O «runi entrenarcaʼ».
O «discernimientu sticaʼ».