2 Corintios 3:1-18

  • «Carta ni caníʼ bien de laadu» (1-3)

  • Rúninu ni ná ti pactu nacubi (4-6)

  • Jma risaca pactu cubi (7-18)

3  ¿Ñee caquiiñeʼ gusiénedu laatu sti biaje tu laadu la? ¿Ñee caquiiñedu ti carta ni caníʼ bien de laadu para gánnatu tu laadu, casi riquiiñeʼ caadxi hombre la? ¿O ñee caquiiñeʼ gucaatu ti carta ni caníʼ bien de laadu la? Cadi zacá diʼ nga laani,  sínuque laatu nga zeeda gácatu casi ti carta ni cá ndaaniʼ ladxidoʼdo, ne guiráʼ binni runibiáʼ ni ne ruundaʼ ni.  Purtiʼ maʼ bihuinni zeeda gácatu casi ti carta stiʼ Cristu ni bicaʼdu casi xpinni Dios. Qué nicá ni né tinta, sínuque gucuá ni né espíritu stiʼ ti Dios ni nabani, ne qué nicá ni lu guié, sínuque gucuá ni ndaaniʼ ladxidóʼ binni.  Ndiʼ nga confianza nápadu Dios pur Cristu.  Cadi pur stipa stidu nga zanda* gúnidu xhiiñaʼ Dios, sínuque Dios nga racané* laadu para gúnidu dxiiñaʼ riʼ.  Pur laabe nga maʼ nuudu listu* para ganda gúnidu ni ná ti pactu* nacubi ne cadi ni ná ley, sínuque ni ná espíritu.* Purtiʼ runi condenar ley binni para gatiʼ, peru espíritu la? rudii guendanabani.  Yanna, ley ni runi condenar binni para gatiʼ ni gucuá lu guié que, bedandá ni né stale gloria ra nuu ca xiiñiʼ Israel dede qué ganda gúʼyacaʼ lú Moisés pur biaaniʼ* ni caree lú, ti biaaniʼ ni zanitilú.  Pa bihuinni gloria stiʼ Dios dxi gucuaa binni ley que, ¿ñee cadi jmaruʼ si zahuinni gloria stiʼ Dios ora guicaa binni espíritu la?  Pa gupa ley ni runi condenar que gloria, ¡jmaruʼ si stale gloria zapa modo gaca tuuxa ti binni nachaʼhuiʼ nezalú Dios!* 10  Dede ley ni gucuaa gloria que biniti gloria stiʼ purtiʼ beeda ti gloria jma risaca que laani. 11  Yanna, pa neca zanitilú ley ni beeda né stale gloria que, ¡jmaruʼ si stale gloria naquiiñeʼ gapa ni qué ziuu dxi guinitilú que! 12  Cumu nápanu esperanza riʼ la? nga runi cadi naquiiñeʼ gusiguiinu ora guininu. 13  Ne qué rúninu ni biʼniʼ Moisés, purtiʼ laa gudixhe ti velu lú para cadi guʼyaʼ ca xiiñiʼ Israel biaaniʼ* stiʼ ley ni nexheʼ guinitilú. 14  Peru casi ora nuteeguʼ ti velu xquendabiaaniʼ ca binni que. Ne dede yanna, ora riuundaʼ ni cá lu pactu* yooxhoʼ que, nuchiiruʼ velu que lúcabe, purtiʼ Cristu si nga zanda cuee ni. 15  Dede yannadxí, cada guiuundaʼ ni bicaa Moisés, nuchii ti velu ladxidóʼcabe. 16  Peru ora guibiguetaʼ tuuxa ra nuu Jehová la?* riree velu que. 17  Espíritu que nga Jehová,* ne ra nuu espíritu stiʼ Jehová la?* raca binni libre. 18  Ne guiranu, laga cusihuínninu casi espeju gloria stiʼ Jehová* sin guchiʼnu lunu, laa cuchaa modo laanu ne ziyácanu casi laa ti jmaruʼ si gusihuínninu gloria stiʼ, casi peʼ modo runi Jehová,* Espíritu que.*

Nota

O «nuudu capacitadu para».
O «runi capacitar».
O «capacitadu».
Biiyaʼ Glosario.
Biiyaʼ Glosario.
O «gloria».
O «justo».
O «gloria».
Biiyaʼ Glosario.
Biiyaʼ Glosario.
Biiyaʼ Glosario.
Biiyaʼ Glosario.
Biiyaʼ Glosario.
Biiyaʼ Glosario.
O zándaca «espíritu stiʼ Jehová».