1 Timoteo 3:1-16

  • Ni caquiiñeʼ guni ca ni racalaʼdxiʼ gaca superintendente (1-7)

  • Ni caquiiñeʼ guni ca ni racalaʼdxiʼ gaca siervu ministerial (8-13)

  • Secretu sagradu stiʼ devoción piadosa (14-16)

3  Dxandíʼ ca diidxaʼ ni chiguiniee’ ri’: pa cayuni ti hermanu stipa para gaca superintendente,* jneza ni cá ique guni.  Peru naquiiñeʼ guibani ti superintendente jneza ti cadi chuʼ tu guiníʼ laa, cadi gapa chupa chonna gunaa, sínuque xheelaʼ si, gapa xpiaʼ* lu guiráʼ ni guni, guiníʼ ique ante guni xiixa,* gaca ordenadu, gaca tobi ni ridxaagalú binni ra lidxi,* gaca tobi ni nanna gusiidiʼ.*  Cadi gácabe tobi ni rixudxi, tobi ni ridinde,* sínuque gácabe tobi ni riuu razón. Cadi gácabe tobi ni ridinde diidxa’,* nin tobi ni nadxii bueltu.  Naquiiñeʼ gácabe ti hombre ni nanna guni mandar* familia stiʼ, tobi ni ruzuubaʼ ca xiiñiʼ stiidxaʼ ne raca portar ca xiiñiʼ bien*  (purtiʼ pa qué ganna ti hombre guni mandar* familia stiʼ, ¿ximodo gápabe congregación stiʼ Dios yaʼ?).  Cadi gácabe ti hombre ni nacubi guca xpinni Cristu, cadi málasi gucaani laa gaca orgulloso ne guicaa condena ni gucuaa Binidxabaʼ.*  Gácabe ti hombre ni riníʼ binni bien de laa,* ti cadi cuʼ binni xquéjabe ne pur laani guiábabe lu trampa stiʼ Binidxabaʼ.*  Ne ca siervu ministerial la?* naquiiñeʼ gácacaʼ responsable,* cadi gusiguiicaʼ, cadi xhúdxicaʼ,* cadi nisi bueltu maʼ cá íquecaʼ* ne pur laani gusaana de gácacaʼ honradu,  naquiiñeʼ gápacaʼ fe ni ná secretu sagradu* ne cadi guixélecaʼ de laani, ne gápacaʼ ti conciencia* nayá. 10  Primeru guihuinni pa zanda gúnicabe dxiiñaʼ riʼ,* ne pa guirutiʼ riguu xquéjacabe la? oracaruʼ maʼ zanda gácacabe siervu ministerial. 11  Ne ca gunaa la? naquiiñeʼ gácacaʼ binni de respetu,* cadi guiniʼcaʼ xiixa para guninacaʼ stobi.* Naquiiñeʼ gapa xpiaʼcaʼ* lu guiráʼ ni gúnicaʼ ne gácacaʼ binni fiel lu guiráʼ cosa. 12  Ca siervu ministerial cadi gápacaʼ chupa chonna gunaa, sínuque xheelasicaʼ, gácacaʼ tuuxa ni nanna guni mandar* ca xiiñiʼ ne familia stiʼ. 13  Purtiʼ ca hombre ni runi xhiiñaʼ jneza la? nabé riníʼ binni bien de laacaʼ, ne randa riniʼcaʼ de fe ni nápacaʼ Cristu Jesús sin guchiiñaʼ gastiʼ laacaʼ. 14  Maʼ cadi candaa ziaaʼ ra nuuluʼ, peru cucaaʼ ca diidxaʼ riʼ para lii, 15  purtiʼ pa guindaaʼ la? maʼ nánnaluʼ ximodo gaca portarluʼ ndaaniʼ lidxi Dios, laani nga congregación stiʼ Dios ni nabani, ni runi apoyar ne runi defender ni dxandíʼ.* 16  Nanna dxíchinu risaca secretu stiʼ devoción para Dios:* «Beeda gaca Jesús binni, guníʼ Dios nacháʼhuibe* dxi biʼniʼ laabe espíritu sti biaje, bihuínnibe nezalú ca ángel, biʼniʼ predicar binni de laabe ndaaniʼ guiráʼ guidxi, biʼniʼ cré binni laabe, bibiguétabe guibáʼ ne bisisaca Dios laabe».

Nota

O «tobi ni runi supervisar ne rapa». Biiyaʼ Glosario, superintendente.
O «gaca moderadu».
O «gapa buen juiciu».
O «gaca hospitalariu».
O «tobi ni nuu capacitadu para gusiidiʼ».
O «cadi gaca tobi ni riguu golpe».
O «ni runi discutir».
O «guni dirigir».
O «guzuubaʼ ca xiiñiʼ diidxaʼ ne gácacaʼ seriu».
O «guni dirigir».
Lit. «Diablu». Biiyaʼ Glosario.
O «ni riníʼ binni ni cadi nuu ndaaniʼ congregación bien de laa».
Lit. «Diablu». Biiyaʼ Glosario.
Biiyaʼ Glosario.
O «gácacaʼ seriu».
Lit. «cadi gueʼ xhaatacaʼ vinu».
O «cadi guni codiciarcaʼ».
Biiyaʼ Glosario.
Biiyaʼ Glosario.
O «Primeru guihuinni pa nuucabe capacitadu».
O «gácacaʼ seria».
O «cadi gácacaʼ calumniadora».
O «gácacaʼ moderada».
O «guni dirigir».
Lit. «columna ne apoyo stiʼ ni dxandíʼ».
Lit. «secretu sagradu stiʼ devoción piadosa». Biiyaʼ Glosario, devoción piadosa.
O «justo laabe».