1 Juan 1:1-10

  • «Diidxaʼ ni rudii guendanabani» (1-4)

  • Sanu lu biaaniʼ (5-7)

  • Naquiiñeʼ guni confesarnu ca pecadu stinu (8-10)

1  Cuséʼndadu carta riʼ ra nuutu para güínedu laatu de ni* maca xadxí de nuu.* Bicaʼdiágadu laabe, biduyadxíchidu laabe, gudánadu laabe ne canacaabe diidxaʼ ni rudii guendanabani  (dxandíʼ, dxi bihuinni guendanabani que, laapedu bidúʼyadu ni ne cudiʼdu testimonio ne cayuínedu laatu de laani, dxiqué guyuu guendanabani ni qué zaluxe riʼ ra nuu Bixhózenu peru despué bidúʼyadu ni).  Cayuínedu laatu ni maʼ bidúʼyadu ne ni maʼ binadiágadu ti chúʼnetu laadu tobi si,* cásica nuudu tobi si né Bixhózenu ne Xiiñiʼ, Jesucristu.  Nga runi cucaʼdu guiráʼ ndiʼ para guizaa guendanayecheʼ stinu.*  Racaláʼdxidu gábidu laatu ni gudxi Jesús laadu: Dios nga biaaniʼ ne gastiʼ guelacahui ra nuu.  Pa guininu «Nuunu tobi si* né laabe», peru canazárunu lu guelacahui la?* cusiguiinu ne cadi nabáninu casi ná ni dxandíʼ.  Peru pa canazanu lu biaaniʼ* cásica nuu Dios lu biaaniʼ la? nuunu tobi si,* ne rusiá rini stiʼ Jesús, Xiiñibe, guiráʼ pecadu stinu.  Pa guininu «Qué rucheʼnu»,* caguítenu laca laanu ne gastiʼ ni dxandíʼ luguianu.  Fiel Dios ne runi ni jneza,* nga runi pa guni confesarnu ca pecadu stinu la? zuni perdonarbe ca pecadu stinu ne zusiabe laanu de guiráʼ ni cadi jneza.* 10  Pa guininu «Qué huacheʼnu»,* casi ñaca nininu rusiguii Dios ne qué ricaanu stiidxabe.*

Nota

Raríʼ caniʼbe de Jesús.
O «maca nuu dede ti principiu».
O «unidu».
O «gaca gozo stinu completu».
O «unidu».
Raríʼ caniʼbe pa cayúnirunu cosa malu.
Raríʼ caniʼbe pa cudiʼnu lugar guni guiar Dios laanu.
O «unidu».
O «Qué gápanu pecadu».
O «justo laa».
O «injusticia».
O «Qué huayuni cometernu pecadu».
Lit. «gastiʼ stiidxabe luguianu».