Biiyaʼ guiraʼ ni nuu lu sitiu riʼ

¿GUYUU TU BIZÁʼ CANI LA? O MÁLASI GUYUU CANI

Pabiáʼ sicarú modo runiibináʼ pulpo

Pabiáʼ sicarú modo runiibináʼ pulpo

Ca ingenieru ni ruzáʼ robot cayúnicaʼ ti aparatu ni iquiiñeʼ ca doctor ca ora guni operarcaʼ binni ti cadi ugacaʼ xiroobape’. Ra yenándacabe modo runiibiná’ pulpo guleecabe ti método nacubi para guni operárcabe.

Guníʼ ique ndiʼ: Ca pulpo ca nápaca’ xhono na’ca’, cumu ridópacani ne rigaacani la? randa rizíbicani, ruáʼcani ne riguiécani xiixa, neca nabéʼ ra nuucani. Ne cadi randa si ruzechuname ladu tiica si, sínuque laaca ruquídxime gadxé gadxé parte de ca name ora caquiiñeʼ gúnime ni.

Ca investigador ca nacaʼ nabé risaca pa gúnicaʼ ti aparatu naguudxi ne riniibi casi ná’ ca pulpo ca para guni operar doctor binni sin ugaca’ xiroobaʼ. Nga zacané guni operárcabe ca binni ni caquiiñeʼ xiixa operación jma nagana.

Biiyaʼ modo runiibi pulpo ca náʼ.

Yanna riʼ maʼ cayuni practicarnécabe ti aparatu casi ti robot, ni napa náʼ casi ná’ pulpo para guni operárcabe. Aparatuhuiiniʼ ca ziuula ni 135 milímetru, ti náhuiiniʼ ca zanda guindisani ne síbini xiixa órganu ni nabé naguudxi sin guninani, laga sti chu ca cayuni operar. Doctor Tommaso Ranzani, tobi de cani nuu lu grupu ni bizáʼ aparatu ca, guníʼ sicaríʼ: «Rábidu ndiʼ nga ti aparatu jma nacubi ne jma galán ni zacané laadu gúnidu xcaadxi cosa ni qué ñanda ñaca dxiqué».

Nabé risaca ti aparatu naguudxi para guni operar ca doctor ca.

¿Xi rábiluʼ yaʼ? Modo runiibináʼ pulpo ca, beeda gaca ni pur evolución la? o guyuu tu bizáʼ laacame.