Ir al contenido

Ir al menú secundario

Testigu xhte Jehová

ditsa

¿Par labiu xhi ná Biblia?

¿Par labiu xhi ná Biblia?

¿La rnibiú dek nani...

  • ... tuby librɨ ni ka xhgab xhte bniety?

  • ... tuby librɨ dixhiú?

  • ... Xhtidx Dios?

 NI RNÍ BIBLIA

«Irate ni zéed lo xquiits Dios, pur Dios zéedni.» (2 Timoteo 3:16, Xtiidx Dios Cun Ditsa.)

XHA RAKNÉ GAKBENƗ NI RNÍ BIBLIA

Rdxielpaknɨ ni rkaznɨ gakbenɨ lo galnabáin xhtennɨ (Proverbios 2:1-5).

Zakbepaknɨ xhi iguienɨ lo galnabáin xhtennɨ (Salmo 119:105).

Kueznɨ chuʼ tuby guixliú zak (Romanos 15:4).

 ¿A NUʼ DE RSON PAR CHOLDILAAZNƗ NI RNÍ BIBLIA?

Nuʼ, iguienɨ chon de rson:

  • Tuby lozi xhgab ka laʼnni. Kuarent nguiu bakuá Biblia. Kuani zik tuby mil shop gayuaaʼ iz. De bniety ni bakuá Biblia más kɨt bambe saʼtideb, tuby lozi xhgab bakuadeb laʼnni. Irate de didx ni ka laʼn Biblia rzub guia laa Dios ne galrnabee xhtenni.

  • De nguiu ni bakuá Biblia purzi didxli gunideb. De bniety ni rkua de librɨ rkuatzdeb de mal ni ruin guɨdx xhtendeb. Per de nguiu ni bakuá Biblia kɨt bkuatztideb mal ni beindeb nikza ni bein de bniety ladxdeb (2 Crónicas 36:15, 16; Salmo 51:1-4).

  • Irate ni rní Biblia rakpakni. Tiop gayuaaʼ iz ants kua laʼn Biblia dek initlo guɨdx xhte Babilonia. (Isaías 13:17-22). Ne kɨt soltiz kua xha initlo guɨdxki, axht kua laa bniety ni niunni (Isaías 45:1-3).

    Zien ru de ni kua laʼn Biblia gukní zikpak ni kuani. Chi rakbenɨ nde, ¿la rninɨ dek napakni xhtidx Dios? (2 Pedro 1:21.)

 GUNBIU XHGAB LO GALRNABDIDX REʼ

¿Xha gakné Xhtidx Dios naré?

Gunbebiu xhi rní Biblia lo ISAÍAS 48:17, 18 ne 2 TIMOTEO 3:16, 17.