Ir al contenido

Ir al menú secundario

Testigu xhte Jehová

ditsa

¿Xhi ní na Galrnabee xhte Dios?

¿Xhi ní na Galrnabee xhte Dios?

¿Xhi rnibiú?

  • Tuby ni nu laʼn lazdonu

  • Tuby ni kɨt rannu

  • Tuby Galrnabee ni nu guibá

 NI RNÍ BIBLIA

«Abdzɨny dxi ni yáan irate guelrnabee xte lo guɨchliu laznaa Xtadnɨ Dios ne Jesucrist ax laany inabeeny iduibtiampte ne par chazy.»(Apocalipsis [Revelación] 11:15, Xtiidx Dios Cun Ditsa.)

«Chiy Xtadnɨ Dios gúnny laaby rey [...] Ne guelrnabee xtenby quɨt chúuti dxi ldullni.»(Lucas 1:32, 33.)

XHA RAKNÉ GAKBENU NI RNÍ BIBLIA

  • Nani tuby galrnabee ni na sak ni zele gakné kad tubynu (Lucas 11:28).

  • A zed guiub, Galrnabee reʼ guyn dek irate bniety ibain nasáʼ lo tuby Guixliú kuby ne kɨtru chuʼti galguidx (Apocalipsis [Revelación] 21:3, 4).

 A NUʼ DE RSON PAR CHOLDILAAZNU NI RNÍ BIBLIA?

Nuʼ, iguienu tiop de rson:

  • Jesús bliu ni guyn Galrnabee xhte Dios. Laani bliu de xhpuɨni inabdeb gued Galrnabee xhte Dios ne gak voluntá xhtenni lo Guixliú (Mateo 6:9, 10). Zegakza bliuni xha gak ni kanabdeb.

    Chi gubainni lo Guixliú, Jesús bguian de bniety ni rlian, bziakni de bniety rakxú ne axht guzbainni benguty (Mateo 15:29-38; Juan 11:38-44). Pur ni beiny bliuni irate de galnazák ni guyn Galrnabee xhte Dios pur de xhpuɨni chi inabeeni lo Guixliú reʼ (Apocalipsis [Revelación] 11:15).

  • Irate de galnagán ni kayák lo Guixliú rliu dek zed guiub gued Galrnabee xhte Dios. Jesús guníʼ dek ants guedné Galrnabee xhte Dios de galnazák lo Guixliú, zuʼ guerr, galzí ne xuduuxh (Mateo 24:3, 7).

    Na dxi reʼ rannu irate de galnagán ki. Pur ní, nanpaknu dek Galrnabee xhte Dios zed guiub gunzak lo Guixliú reʼ.

 GUNBIU XHGAB LO GALRNABDIDX REʼ

¿Xha gak galnabáin chi zuló Galrnabee xhte Dios lo Guixliú?

Gunbebiu xhi rní Biblia lo MATEO 5:5 ne 2 PEDRO 3:13.