Ir al contenido

Ir al índice

Testigu xhte Jehová

Select language ditsa

 LECCIÓN 13

¿Xhi rní xhtidx Dios zedial gak kun de religión?

¿Xhi rní xhtidx Dios zedial gak kun de religión?

1. ¿Lá güen ná irate de religión?

Lo irate de religion nuʼ de bniety ni ná nadolaaz ne nzák ná xhmoddeb. Ne güenza ná gakbeen dek sakdeb par Dios ne ruʼni garzáʼ pur laadeb. Per nalaaz ná dek zien de kos nadxab ni kayák ná pur de religión (2 Corintios 4:3, 4; 11:13-15). Lo de noticy rkuadiagnu dek de religión ruchdeb lo terrorismo, rgutydeb zien de bniety, riedeb lo guerr, ne rzakzideb de bniʼny. ¡Xhi nalaaz rzien de bniety ni ná güen, ni reldilaazpak ni rliuʼ de religión reʼ! Bily Mateo 24:3-5, 11, 12.

Religión ni rliuʼ didxlí rzubguia lá Jehová, ni rliuʼ dixhiú rniyaa Dios. Ndé rliuʼ didxhiú de Dios, dek nabáin de bniety ni aguty kun de didx ni kɨt rliuʼti xhtidx Dios. Per Jehová rkaz dek de bniety gakbeepakdeb didxlí xhtenni. Bily Ezequiel 18:4 ne 1 Timoteo 2:3-5.

2. ¿Xhi rní xhtidx Dios zedial gak kun de religión?

De bniety ni rní rzed xhtidx Dios rnideb dek rkazdeb laani, per ni rkazpakdeb ná Guixliú xhte bendxáb, per Dios kɨt guyntideb engañ (Santiago 4:4). Xhtidx Dios rbelá irate de religión ni kɨt rliuʼ didxlí «Babilonia la Grande», zik bdilá guɨdx ni guʼ auyak rut bdika de religión ni rliuʼ dixhiú chi guk Diluvio lo tiémp xhte Noé. A zedial, Dios initló irate de religión ni ruyn engañ ne ruyn mal de bniety guixliú. Bily Apocalipsis (Revelación) 17:1, 2, 5, 16, 17 ne 18:8.

Per Jehová rnalaazni de bniety güen ni nuʼ lo de religión ni rliuʼ dixhiú lo guixliú reʼ, pur nii kateʼni laadeb. ¿Xha kateʼ Dios laadeb? Kaliuʼni laadeb didxlí. Bily Miqueas 4:2, 5.

 3. ¿Xhi na par guyn de bniety ni ná güen?

Religión ni rliuʼ didxlí rchagni saʼ de bniety

Jehová ruʼ garzáʼ pur de bniety ni rkazpak laani ne rkazdeb guyndeb ni ná güen. Pur nii rnabni lodeb kuelaazpakdeb religión ni rliuʼ didxhiú. Bel didxlipak rkazdeb laani ziguelpakdeb ichagdeb galnabáin xhtendeb par guyndeb zik ni rní Dios. Bily Apocalipsis 18:4.

Lo siglo primero zien de bniety ni ná güen bkuadiagdeb kun galrkitlaaz didx ni bliuʼ de apóstoles. Jehová bliuʼ de bniety reʼ xha ibaindeb par gapdeb tuby galnabáin nasáʼ, gukbeedeb xhi guyndeb kun galnabáin xhtendeb ne gupdeb esperánz. Zik laadeb, dunún na par ikuadiagnu xhtidxni lo xhkalnabainu Jehová rkin gak ní mazruʼ sak par dunún. Bily 1 Tesalonicenses 1:8, 9 ne 2:13.

Jehová rkitlaaz chi de bniety rdiedeb lo religión ni rliuʼ didxhiú ne riudeb lo religión ni rliuʼ didxlí. Iratedeb nadeb xhamigu Dios, nuʼ zien de sáʼdeb ni rkáz laadeb ne zak ibaindeb ne kɨt chuʼti dxi gatydeb. ¿Lá rkazbiú ikabiú de galnazák ki? Bily Marcos 10:29, 30 ne 2 Corintios 6:17, 18.

4. ¿Xhi guyn Dios par guynzakni lo guixliú ne chuʼ galnasáʼ?

Chi Jehová initló religión ni rliuʼ didxhiú guedneni galnaldiulaaz lo Guixliú. Nde kɨtruʼ gunty engañ ne kɨtruʼ ilaʼ saʼ de bniety. Irate de bniety guixliú guyndeb adorar tubyzi ni napak Dios. ¿Á kɨt ná nde de didx zák? Bily Apocalipsis 18:20, 21 ne 21:3, 4.