馬太福音 7:1-29
7 「你哋 唔好 再 挑 人哋 嘅 錯 *，噉 上帝 就 唔會 挑 你哋 嘅 錯 。
2 因為 你哋 點樣 挑剔 人 ，亦 都 會 點樣 被 挑剔 ；你哋 用 乜嘢 工具 量 嘢 俾 人 ，人哋 都 會 用 乜嘢 工具 量 俾 你哋 。
3 你 點解 望 實 弟兄 眼 入面 嘅 嗰 條 刺 ，但係 冇 留意 到 自己 眼 裡面 有 梁木 *呢 ？
4 你 自己 眼 裡面 有 條 梁木 ，又 點 能夠 同 弟兄 講 ，『等 我 幫 你 拎 走 眼 裡面 條 刺 啦 』？
5 虛偽 嘅 人 啊 ！拎 走 你 自己 眼 裡面 嘅 梁木 先 啦 ，噉樣 你 先 睇 得 清楚 點樣 幫 弟兄 拎 走 佢 眼 裡面 條 刺 。
6 「唔好 將 神聖 嘅 嘢 俾 啲 狗 ，亦 都 唔好 將 珍珠 掉 去 啲 豬 度 ，如果 唔係 ，佢哋 只會 用 腳 亂 咁 踩 ，仲 調轉 頭 攻擊 你哋 。
7 「不斷 懇求 ，就 會 俾 你哋 ；不斷 去 搵 ，就 會 搵 到 ；不斷 敲門 ，就 會 開門 俾 你哋 。
8 因為 懇求 嘅 ，就 會 得到 ；去 搵 嘅 ，就 會 搵 到 ；敲門 嘅 ，就 會 開門 俾 佢 。
9 如果 你哋 嘅 仔 問 你哋 攞 餅 ，你哋 有 邊個 會 俾 嚿 石頭 佢 吖 ？
10 又 或者 佢 想 要 條 魚 ，但係 就 俾 條 蛇 佢 呢 ？
11 你哋 雖然 係 罪人 *，都 識得 送 好 嘅 嘢 俾 仔女 ，更 何況 你哋 嘅 天父 ，佢 唔係 更加 會 將 好 嘅 嘢 賜 俾 嗰啲 懇求 佢 嘅 人 咩 ？
12 「所以 ，無論 係 乜嘢 事 ，你哋 希望 人哋 點樣 對 你哋 ，你哋 就要 點樣 對 人 。其實 ，呢個 就係 法典 同埋 先知書 所 教 嘅 道理 。
13 「你哋 要 穿 過 窄門 。因為 通向 滅亡 嘅 門 係 闊 嘅 ，路 係 容易 行 嘅 ，入去 嘅 人 亦 都 多 ；
14 而 通向 生命 嘅 門 係 窄 嘅 ，條 路 係 唔 易 行 嘅 ，搵 到 嘅 人 亦 都 少 。
15 「你哋 要 小心 假先知 。佢哋 係 披 住 羊皮 嘅 狼 ，貪得無厭 ，嚟到 你哋 呢度 ，想 吞噬 你哋 。
16 你哋 睇 佢哋 嘅 果實 ，就 可以 認得 出 佢哋 嘞 。人 冇 可能 喺 荊棘 嗰度 採摘 到 葡萄 ，喺 野 草 嗰度 採摘 到 無花果 㗎 嘛 ，係咪 ？
17 同樣 ，好 嘅 樹 會 結 好 嘅 果實 ，壞 嘅 樹 會 結 壞 嘅 果實 。
18 好 嘅 樹 結 唔 出 壞 嘅 果實 ，壞 嘅 樹 亦 都 結 唔 出 好 嘅 果實 。
19 所有 結 唔 出 好 果實 嘅 樹 都 要 斬 落嚟 ，揼 落 火 度 燒 咗 佢 。
20 所以 ，只要 睇 佢哋 嘅 果實 ，就 可以 認到 佢哋 嘞 。
21 「唔係 每 個 同 我 講 『主 啊 ，主 啊 』嘅 人 ，都 可以 入去 天上 嘅 王國 ，只有 嗰啲 照 住 我 天父 吩咐 *去 做 嘅 人 ，先至 可以 入去 。
22 到 咗 嗰個 日子 ，會 有 好 多 人 同 我 講 ：『主 啊 ，主 啊 ，我哋 唔係 奉 你 嘅 名 講 過 預言 ，奉 你 嘅 名 驅趕 過 邪靈 ，奉 你 嘅 名 施行 過 好 多 奇跡 咩 ？』
23 到時 我 就要 同 佢哋 講 ：『我 完全 唔 識 你哋 ！你哋 呢啲 唔 遵守 上帝 法律 嘅 人 ，走開 ！』
24 「所以 ，聽 咗 我 呢啲 說話 又 跟住 去 做 嘅 人 ，就 好似 一 個 睿智 嘅 人 ，將 間 屋 起 喺 岩石 上面 。
25 就算 落 大雨 ，有 洪水 ，打 大風 ，間 屋 都 冇 因為 噉 而 倒冧 ，因為 佢 嘅 根基 起 喺 岩石 上面 。
26 至於 嗰啲 聽 咗 我 嘅 說話 但係 冇 去 做 嘅 人 ，就 好似 一 個 愚蠢 嘅 人 ，將 間 屋 起 喺 沙 上面 。
27 噉 落 大雨 ，有 洪水 ，打 大風 ，間 屋 就 因為 噉 而 倒冧 ，被 徹底 摧毀 。」
28 耶穌 講完 呢啲 說話 之後 ，民眾 對於 佢 嘅 教導 方式 覺得 好 驚訝 ，
29 因為 耶穌 教導 嗰陣 好似 一 個 有 權威 嘅 人 ，唔 似 得 佢哋 嗰啲 抄經士 。
