馬太福音 28:1-20
28 安息日 過 咗 嘞 ，到 咗 之後 嗰個 星期 嘅 第 一 日 清晨 ，末大拉 人 馬利亞 同 另 一 個 馬利亞 去 墳墓 睇 吓 。
2 突然間 發生 咗 場 大地震 ，耶和華 *嘅 天使 從天而降 ，推開 墳墓 嘅 石頭 ，坐 喺 上面 。
3 天使 好似 閃電 咁 光 ，件 衫 好似 雪 咁 白 。
4 看守 嘅 人 見 到 就 好 驚 ，成 身 震 晒 ，變 到 好似 死人 噉 郁 唔 到 。
5 天使 同 啲 婦女 講 ：「唔使 驚 呀 ，我 知道 你哋 搵 緊 喺 木柱 度 被 處死 嘅 耶穌 。
6 佢 唔 喺 呢度 嘞 ，佢 已經 復活 咗 ，就 好似 佢 之前 講 過 嘅 噉 。你哋 嚟 吖 ，睇下 之前 安放 佢 屍體 嘅 地方 ，
7 然後 快 啲 去 話俾 佢 嘅 門徒 知 ，耶穌 已經 死而復生 嘞 。佢 已經 去 緊 加利利 ，你哋 會 喺 嗰度 見 到 佢 。我 嚟 就係 要 話俾 你哋 知 呢 件 事 。」
8 佢哋 雖然 好 驚 ，但係 亦 都 好 開心 ，就 急急腳 離開 墳墓 ，跑去 將 呢個 消息 話俾 耶穌 嘅 門徒 知 。
9 突然間 ，耶穌 去 到 佢哋 面前 ，話 ：「你哋 好 呀 ！」佢哋 上前 捉住 耶穌 對 腳 ，向 佢 下拜 。
10 耶穌 同 佢哋 講 ：「唔使 驚 ！你哋 去 話俾 我 啲 弟兄 知 吖 ，叫 佢哋 去 加利利 。佢哋 會 喺 嗰度 見 到 我 。」
11 啲 婦女 仲 趕緊 路 嘅 時候 ，有啲 守衛 入 城 ，將 發生 咗 嘅 事 全部 報告 俾 嗰啲 祭司長 知 。
12 祭司長 同 長老 聚 埋 一齊 商量 過 之後 ，俾 咗 好 多 銀幣 啲 士兵 ，
13 仲 話 ：「你哋 要 同 人 講 ：『佢 啲 門徒 漏夜 嚟到 ，趁 我哋 瞓 著 咗 嗰陣 ，偷走 咗 佢 條 屍 。』
14 如果 呢 件 事 傳到 去 總督 嗰度 ，我哋 會 同 佢 解釋 *㗎 喇 ，你哋 唔使 擔心 。」
15 士兵 就 攞 咗 啲 錢 ，按照 吩咐 去 做 。就係 噉 ，呢個 講法 喺 猶太 人 當中 廣泛 流傳 ，直到 今日 。
16 嗰 11個 門徒 去 咗 加利利 一 座 山 ，即係 耶穌 約好 同 佢哋 見面 嘅 地方 。
17 佢哋 見 到 耶穌 就 下拜 ，不過 有啲 人 *仍然 懷疑 佢 係咪 真係 耶穌 。
18 耶穌 行 近 門徒 同 佢哋 講 ：「上帝 已經 將 天上 地上 嘅 權力 全部 賜 俾 我 嘞 。
19 所以 你哋 要 去 ，教導 所有 國族 嘅 人 ，令 佢哋 成為 我 嘅 門徒 ，奉 天父 、佢 嘅 仔 ，同埋 神聖 力量 嘅 名 為 佢哋 施浸 *，
20 亦 都 要 教導 佢哋 遵守 我 吩咐 你哋 嘅 一切 。可以 放心 ，直到 呢個 制度 *嘅 末期 ，我 都 會 一直 同 你哋 同在 。」
