馬太福音 27:1-66
27 到 咗 朝早 ，所有 祭司長 同埋 人民 嘅 長老 一齊 商量 點樣 處死 耶穌 。
2 佢哋 綁 起 耶穌 ，押 佢 去 總督 彼拉多 嗰度 。
3 嗰個 時候 ，出賣 耶穌 嘅 猶大 見 耶穌 被 定 咗 死罪 ，就 覺得 後悔 ，將 嗰 30塊 銀幣 俾 返 祭司長 同 長老 ，
4 佢 話 ：「我 出賣 咗 無辜 嘅 人 *，犯 咗 罪 呀 。」佢哋 話 ：「噉 係 你 自己 嘅 事 啫 ！關 我哋 咩 嘢 事 呀 ？」
5 猶大 就 將 啲 錢 揼 低 喺 聖殿 ，之後 就 出去 上吊 自殺 。
6 嗰啲 祭司長 拎 走 啲 銀幣 ，話 ：「唔 可以 將 呢啲 錢 放 入 聖殿 嘅 寶庫 ，因為 呢啲 錢 係 沾滿 咗 鮮血 㗎 *。」
7 佢哋 商量 之後 ，就 用 嗰啲 錢 買 咗 一 塊 地 ，用 嚟 埋葬 外地 嚟 嘅 人 。
8 所以 嗰 塊 地 叫 做 「血地 」，直到 今日 。
9 呢個 實現 咗 耶利米 先知 嘅 話 ：「佢哋 拎 咗 30塊 銀幣 ，呢個 係 為 嗰個 人 定 嘅 價錢 ，喺 以色列 人 眼中 ，佢 就係 值 呢個 價 嘞 。
10 佢哋 用 嗰 筆 錢 買 咗 塊 地 ，就 好似 耶和華 *吩咐 我 嘅 一樣 。」
11 耶穌 企 喺 總督 面前 ，總督 問 佢 ：「你 係咪 猶太 人 嘅 王 呀 ？」耶穌 回答 ：「冇 錯 ，我 係 *。」
12 但係 佢 俾 祭司長 同 長老 指控 嘅 時候 ，就 乜嘢 都 冇 回應 。
13 於是 彼拉多 同 佢 講 ：「佢哋 指控 你 咁 多 嘢 ，你 聽 唔 到 咩 ？」
14 但係 耶穌 冇 回答 ，連 一 句 話 都 冇 講 ，呢個 令 總督 好 意外 。
15 每逢 逾越節 都 有 個 慣例 ，總督 會 按照 人民 嘅 意思 ，釋放 一 個 囚犯 。
16 當時 有 個 臭名 遠播 嘅 囚犯 ，叫 做 巴拉巴 。
17 民眾 聚集 嘅 時候 ，彼拉多 問 佢哋 ：「你哋 想 我 釋放 邊 一 個 呀 ？係 巴拉巴 ，定係 嗰個 所謂 基督 嘅 耶穌 呀 ？」
18 其實 彼拉多 知道 ，佢哋 係 出於 妒忌 先至 將 耶穌 交 俾 佢 。
19 加上 佢 坐 喺 審判座 嗰陣 ，佢 太太 派 人 嚟 同 佢 講 ：「同 嗰個 正義 嘅 人 有關 嘅 事 ，你 都 係 唔好 插手 喇 ，我 因為 佢 發 咗 個 惡 夢 ，今日 好 辛苦 呀 。」
20 不過 祭司長 同 長老 就 說服 民眾 去 要求 釋放 巴拉巴 ，處死 耶穌 。
21 總督 回應 佢哋 ，話 ：「呢 兩 個 人 ，你哋 想 我 釋放 邊個 呀 ？」佢哋 話 ：「巴拉巴 。」
22 彼拉多 同 佢哋 講 ：「噉 嗰個 所謂 基督 嘅 耶穌 ，我 點樣 處置 好 呀 ？」佢哋 全部 都 話 ：「喺 木柱 度 處死 佢 ！」
23 彼拉多 話 ：「點解 呀 ？佢 做 咗 咩 壞事 呢 ？」不過 ，啲 民眾 就 嗌 得 更加 大聲 ，話 ：「喺 木柱 度 處死 佢 ！」
24 彼拉多 睇 情勢 見 再 講 落去 都 冇 用 ，仲 可能 會 引起 騷亂 ，就 喺 民眾 面前 用 水 洗手 。佢 話 ：「呢個 人 嘅 死 係 唔 關 我 事 㗎 *。你哋 要 為 呢 件 事 負責 。」
25 所有 人 都 話 ：「佢 嘅 死 由 我哋 同 我哋 啲 子孫 負責 啦 *。」
26 於是 彼拉多 釋放 巴拉巴 ，又 叫 人 鞭打 耶穌 ，然後 帶走 佢 ，喺 木柱 度 處決 佢 。
27 嗰個 時候 ，總督 嘅 士兵 將 耶穌 帶 入去 總督府 ，又 召集 全體 士兵 到 耶穌 身邊 。
28 佢哋 剝 咗 佢 件 衫 ，攞 咗 件 鮮紅色 嘅 袍 搭 喺 佢 身上 ，
29 用 荊棘 整 咗 個 王冠 戴 喺 佢 頭 上面 ，又 放 一 枝 蘆葦 喺 佢 右手 。佢哋 跪 喺 佢 面前 ，嘲笑 佢 ，話 ：「你 好 呀 ，猶太 人 嘅 王 *！」
30 佢哋 向 耶穌 吐 口 水 ，又 攞 返 枝 蘆葦 嚟 打 佢 嘅 頭 。
31 佢哋 嘲笑 完 ，就 剝 走 嗰 件 鮮紅色 嘅 袍 ，同 佢 著 返 原本 嘅 外袍 ，押 佢 走 ，準備 釘 佢 喺 木柱 度 。
32 佢哋 離開 座 城 嘅 時候 ，見 到 一 個 昔蘭尼 人 叫 做 西門 。佢哋 迫 呢個 人 ，孭 起 耶穌 嘅 苦刑柱 。
33 佢哋 去 到 一 個 叫 做 各各他 嘅 地方 （呢個 名 嘅 意思 係 「骷髏頭 」）。
34 佢哋 攞 溝 咗 膽汁 嘅 酒 俾 耶穌 飲 。佢 試 咗 試 之後 ，就 唔 肯 飲 。
35 佢哋 將 耶穌 釘 喺 木柱 之後 ，就 抽籤 分 佢 嘅 外袍 ，
36 又 坐 喺 嗰度 看守 佢 。
37 佢哋 仲 喺 佢 頭 上面 嘅 地方 安 咗 個 牌 ，寫明 罪狀 係 「呢個 係 猶太 人 嘅 王 耶穌 」。
38 嗰個 時候 ，有 兩 個 強盜 釘 喺 佢 側 邊 嘅 木柱 ，一 個 喺 佢 右邊 ，一 個 喺 佢 左邊 。
39 路過 嘅 人 擰 擰 頭 ，羞辱 佢 ，
40 話 ：「你 話 要 拆毀 聖殿 ，三 日 之 內 起 返 吖 嘛 ，你 救 吓 自己 啦 ！如果 你 係 上帝 嘅 仔 ，咪 喺 苦刑柱 度 落 返嚟 囉 ！」
41 嗰啲 祭司長 同 抄經士 ，仲有 長老 都 係 噉樣 嘲笑 佢 ，話 ：
42 「佢 救 到 人哋 ，但係 救 唔 到 自己 喎 ！佢 係 以色列 嘅 王 吖 嘛 ，等 佢 而家 喺 苦刑柱 度 落 返嚟 ，我哋 咪 信 佢 囉 。
43 佢 唔係 好 信賴 上帝 ，仲 話 ：『我 係 上帝 嘅 仔 』咩 ？如果 上帝 想 幫 佢 ，而家 就 會 救 佢 啦 。」
44 連 喺 佢 隔籬 木柱 上面 嘅 強盜 都 係 噉樣 羞辱 佢 。
45 由 中午 12點 *開始 ，直到 下晝 3點 *，整個 地區 都 漆黑 一片 。
46 下晝 3點 左右 ，耶穌 大聲 話 ：「以利 ，以利 ，拉馬 ·薩巴克塔尼 ？」意思 即係 ：「我 嘅 上帝 ，我 嘅 上帝 ，點解 你 離棄 我 呢 ？」
47 企 喺 嗰度 嘅 人 有啲 聽 到 就 話 ：「呢個 人 嗌 緊 以利亞 ！」
48 有 個 人 即刻 跑去 攞 酸酒 浸 濕 塊 海綿 ，綁 喺 一 枝 稈 度 ，遞 俾 佢 飲 。
49 不過 其他 人 話 ：「唔好 理 佢 啦 ！咪 睇下 以利亞 會 唔 會 嚟 救 佢 囉 。」
50 耶穌 再次 大 嗌 ，跟住 就 斷 咗 氣 。
51 突然間 ，聖殿 嘅 帷幔 *由 上 而 下 裂開 兩邊 ，大地 震動 ，岩石 裂開 。
52 墓穴 都 震 開 咗 ，好 多 已經 長眠 嘅 聖民 ，佢哋 嘅 屍體 都 震 埋 出嚟 ，
53 有 好 多 人 都 見 到 。（有啲 曾經 路過 墓穴 一帶 嘅 人 ，喺 耶穌 復活 之後 ，入 咗 去 聖城 *。）
54 軍官 同埋 其他 一齊 看守 耶穌 嘅 人 ，見 到 地震 同埋 發生 嘅 事 ，就 非常 之 驚 ，佢哋 話 ：「佢 真係 上帝 嘅 仔 呀 。」
55 嗰度 仲有 好 多 婦女 離 遠 睇 住 呢啲 事 發生 。佢哋 係 由 加利利 一路 跟住 耶穌 ，服侍 佢 㗎 。
56 當中 有 末大拉 人 馬利亞 ，雅各 同 約西 嘅 媽媽 馬利亞 ，同埋 西庇太 嘅 仔 嘅 媽媽 。
57 到 咗 傍晚 ，有 個 叫 做 約瑟 嘅 富翁 嚟到 ，佢 係 嚟自 亞利馬太 㗎 ，佢 亦 都 係 耶穌 嘅 門徒 。
58 呢個 人 去 見 彼拉多 ，想 攞 返 耶穌 嘅 遺體 。於是 彼拉多 吩咐 人 交 俾 佢 。
59 約瑟 攞 咗 遺體 ，用 乾淨 嘅 上等 細麻布 包 好 ，
60 安放 喺 佢 由 岩石 鑿 出嚟 嘅 新 墓穴 嗰度 ，呢個 墓穴 係 佢 擁有 嘅 。佢 推 咗 一 嚿 大 石 去 墓穴 嘅 門口 之後 就 走 咗 嘞 。
61 而 末大拉 人 馬利亞 同埋 另 一 個 馬利亞 就 繼續 留 喺 嗰度 ，坐 喺 墳墓 前面 。
62 第 二 日 ，亦 即係 預備日 之後 嘅 嗰 日 ，祭司長 同 法利賽 派 嘅 人 一齊 嚟 見 彼拉多 ，
63 話 ：「大人 ，我哋 醒 起 嗰個 騙子 生前 講 過 ：『三 日 之後 ，我 會 復活 。』
64 所以 ，求 你 吩咐 人 嚴密 看守 個 墓 ，直到 第 三 日 ，費 事 佢 啲 門徒 嚟 偷走 佢 嘅 屍體 ，然後 同 啲 民眾 講 ：『佢 已經 死而復生 嘞 ！』噉 到時 ，最後 嘅 呢個 騙局 就 仲 衰 過 最初 嘅 嗰個 喇 。」
65 彼拉多 同 佢哋 講 ：「你哋 帶 守衛 去 啦 。用 盡 辦法 ，嚴密 噉 看守 。」
66 佢哋 就 用 印 封 住 墓穴 口 嘅 石頭 ，派 守衛 嚴密 看守 墳墓 。
腳注
^ 直譯「無辜嘅血」。
^ 直譯「因為呢啲係血價」。
^ 「冇錯，我係」，直譯「你自己講咗嘞」。原文嘅講法係表示確認嘅慣用語。
^ 直譯「對於呢個人嘅血，我係清白㗎」。
^ 直譯「佢嘅血歸到我哋同我哋嘅子孫身上」。
^ 又譯「猶太人嘅王，萬歲」。
^ 直譯「第六個小時」。
^ 直譯「第九個小時」。
^ 指分隔聖所同至聖所嘅帷幔。
^ 佢哋入城睇嚟係為咗將見到嘅事話俾人知。
