馬太福音 25:1-46
25 「到時 ，天上 嘅 王國 就 好似 有 十 個 處女 ，拎 住 燈 出去 迎接 新郎 。
2 佢哋 五 個 係 愚蠢 嘅 ，五 個 係 睿智 嘅 。
3 愚蠢 嘅 拎 住 燈 ，但係 冇 帶 額外 嘅 油 ；
4 而 睿智 嘅 唔單止 拎 住 燈 ，仲 用 器皿 裝 住 額外 嘅 油 帶 埋 去 。
5 新郎 遲遲 都 未 到 *，佢哋 越 嚟 越 眼 瞓 ，最後 瞓 著 咗 。
6 去 到 半夜 ，有 人 大聲 話 ：『新郎 到 喇 ！快 啲 出嚟 迎接 佢 啦 。』
7 於是 所有 處女 都 起身 ，準備 佢哋 嘅 燈 。
8 愚蠢 嘅 同 睿智 嘅 講 ：『分 啲 油 俾 我哋 吖 ，我哋 嘅 燈 就 快 熄 喇 。』
9 睿智 嘅 處女 話 ：『睇怕 啲 油 唔夠 我哋 所有 人 一齊 用 喎 。不如 你哋 自己 出去 買 啦 。』
10 就 喺 佢哋 去 買 油 嘅 時候 ，新郎 嚟到 ，嗰啲 做 好 準備 嘅 處女 同 佢 入去 參加 婚宴 ，門 就 閂 埋 嘞 。
11 後嚟 ，去 咗 買 油 嗰 五 個 處女 返嚟 嘞 ，佢哋 話 ：『先生 ，先生 ，開門 俾 我哋 吖 ！』
12 新郎 答 ：『我 老實 同 你哋 講 ，我 唔 識 你哋 。』
13 「所以 ，要 不斷 守望 ，因為 你哋 唔 知 幾時 係 嗰個 日子 、嗰個 時刻 。
14 「天上 嘅 王國 又 好似 一 個 人 就 快 出國 ，就 叫 啲 奴隸 嚟 ，交 自己 嘅 財物 俾 佢哋 管理 。
15 佢 按照 奴隸 各自 嘅 才能 分配 銀元 ，一 個 俾 咗 五 袋 銀元 *，一 個 俾 咗 兩 袋 銀元 *，一 個 俾 咗 一 袋 銀元 *，然後 就 出國 嘞 。
16 攞 咗 五 袋 銀元 嘅 ，即刻 用 呢 筆 錢 去 做生意 ，賺 多 咗 五 袋 。
17 而 攞 咗 兩 袋 銀元 嘅 ，亦 都 賺 多 咗 兩 袋 。
18 不過 攞 咗 一 袋 銀元 嘅 ，就 出去 喺 地下 挖 咗 個 窿 ，收埋 主人 呢啲 錢 。
19 「過 咗 好 耐 ，奴隸 嘅 主人 嚟 同 佢哋 結算 帳 目 。
20 攞 咗 五 袋 銀元 嘅 奴隸 ，帶 埋 賺 咗 嗰 五 袋 行 上前 ，佢 話 ：『主人 ，你 交 咗 五 袋 銀元 俾 我 管理 ，你 睇 ，我 賺 多 咗 五 袋 呀 。』
21 主人 同 佢 講 ：『做 得 好 呀 ！你 係 又 良善 又 忠信 嘅 奴隸 ，我 交 一啲 事 俾 你 處理 ，你 表現 忠信 。我 要 委派 你 管理 更 多 嘅 事 。嚟 分享 你 主人 嘅 喜悅 啦 。』
22 跟住 ，攞 咗 兩 袋 銀元 嘅 奴隸 行 上前 話 ：『主人 ，你 交 咗 兩 袋 銀元 俾 我 管理 ，你 睇 ，我 賺 多 咗 兩 袋 呀 。』
23 主人 同 佢 講 ：『做 得 好 呀 ！你 係 又 良善 又 忠信 嘅 奴隸 ，我 交 一啲 事 俾 你 處理 ，你 表現 忠信 。我 要 委派 你 管理 更 多 嘅 事 。嚟 分享 你 主人 嘅 喜悅 啦 。』
24 「最後 ，攞 咗 一 袋 銀元 嘅 奴隸 上前 話 ：『主人 ，我 知道 你 係 個 要求 好 高 嘅 人 ，冇 撒種 嘅 地方 都 要 收割 ，冇 揚穀 都 要 收集 穀物 。
25 所以 我 好 驚 呀 ，於是 就 將 你 啲 銀元 埋 喺 地底 囉 。嗱 ，還 返 晒 俾 你 嘞 。』
26 主人 就 同 佢 講 ：『你 呢個 又 邪惡 又 懶散 嘅 奴隸 ，你 頭先 話 我 喺 冇 撒種 嘅 地方 都 要 收割 ，冇 揚穀 都 要 收集 穀物 ，係咪 ？
27 噉 點解 你 唔 將 我 啲 錢 存入 銀行 ，等 我 返嚟 嗰陣 ，我 可以 連本帶利 噉 收 返 呢 ？
28 「跟住 ，主人 話 ：『你哋 拎 走 佢 啲 銀元 ，俾 埋 嗰個 有 十 袋 銀元 嘅 奴隸 啦 。
29 因為 邊個 有 ，就要 俾 多 啲 佢 ，令 佢 豐足 有餘 ；邊個 冇 ，就 連 佢 有 嘅 ，都 要 攞 走 埋 。
30 將 呢個 冇 用 嘅 奴隸 揼 去 出面 嘅 黑暗 之 中 啦 。喺 嗰度 ，佢 會 痛哭 流淚 ，咬牙切齒 。』
31 「人子 帶 住 佢 嘅 榮耀 同 所有 天使 一齊 嚟到 嗰陣 ，會 坐 喺 佢 榮耀 嘅 寶座 。
32 所有 國族 嘅 人 都 會 被 聚集 到 佢 面前 ，佢 會 分開 佢哋 ，就 好似 牧人 分開 綿羊 山羊 一樣 。
33 佢 會 將 綿羊 放 喺 右邊 ，山羊 放 喺 左邊 。
34 「到時 王 會 同 右邊 嘅 講 ：『你哋 呢啲 得到 我 爸爸 賜福 嘅 ，嚟 領受 由 世界 奠基 以 嚟 為 你哋 準備 好 嘅 王國 啦 。
35 因為 我 肚餓 ，你哋 俾 嘢 我 食 ；我 口渴 ，你哋 俾 嘢 我 飲 ；我 流落 異鄉 *，你哋 款待 我 ；
36 我 唔夠 衫 著 *，你哋 俾 衫 我 著 ；我 病 咗 ，你哋 照顧 我 ；我 喺 監獄 入面 ，你哋 嚟 探 我 。』
37 到時 ，呢啲 正義 嘅 人 會 同 佢 講 ：『主 啊 ，我哋 幾時 有 見 你 肚餓 ，就 俾 嘢 你 食 ；見 你 口渴 ，就 俾 嘢 你 飲 呢 ？
38 我哋 幾時 有 見 你 流落 異鄉 ，就 款待 你 ，見 你 唔夠 衫 著 ，就 俾 衫 你 著 呢 ？
39 我哋 幾時 有 見 你 病 咗 ，或者 喺 監獄 入面 ，就 去 探 你 呢 ？』
40 王 會 回答 佢哋 ：『我 好 肯定 噉 話俾 你哋 知 ，只要 你哋 善待 我 呢啲 弟兄 ，就算 係 最 渺小 嘅 一 個 ，都 等於 善待 我 。』
41 「到時 佢 會 同 左邊 嘅 講 ：『走開 ！你哋 呢啲 受 咀咒 嘅 ，去 到 永恆 嘅 火 *嗰度 啦 ，嗰度 係 為 魔鬼 同埋 佢 嘅 天使 準備 好 㗎 。
42 因為 我 肚餓 ，你哋 冇 俾 嘢 我 食 ；我 口渴 ，你哋 冇 俾 嘢 我 飲 ；
43 我 流落 異鄉 ，你哋 冇 款待 我 ；我 唔夠 衫 著 ，你哋 冇 俾 衫 我 著 ；我 病 咗 ，喺 監獄 入面 ，你哋 冇 照顧 我 。』
44 到時 ，佢哋 亦 都 會 話 ：『主 啊 ，我哋 幾時 有 見 你 肚餓 ，口渴 ，流落 異鄉 ，唔夠 衫 著 ，病 咗 ，或者 喺 監獄 入面 ，而 冇 幫 你 呢 ？』
45 到時 王 會 回答 佢哋 ：『我 好 肯定 噉 同 你哋 講 ，你哋 冇 善待 我 呢啲 弟兄 ，包括 最 渺小 嘅 一 個 ，就 等於 冇 善待 我 。』
46 呢啲 人 會 遭受 永遠 嘅 毀滅 *，而 正義 嘅 人 就 會 得到 永遠 嘅 生命 。」
