馬太福音 24:1-51
24 耶穌 離開 聖殿 嗰陣 ，門徒 過嚟 ，請 佢 望 吓 聖殿 嘅 建築 。
2 耶穌 就 話 ：「你哋 係咪 覺得 呢啲 建築物 好 令人 讚嘆 呢 ？我 可以 好 肯定 噉 同 你哋 講 ，呢度 絕對 唔會 有 一 塊 石頭 *留 喺 石頭 上面 ，全部 都 會 被 拆毀 。」
3 耶穌 坐 喺 橄欖山 ，門徒 私下 嚟 問 佢 ：「話俾 我哋 知 吖 ，呢啲 事 幾時 會 發生 呀 ？將來 會 有 咩 徵象 顯示 你 已經 返 到 嚟 我哋 呢度 *，顯示 呢個 制度 *已經 到 咗 末期 呢 ？」
4 耶穌 答 佢哋 ：「你哋 要 小心 ，唔好 俾 人 誤導 ，
5 因為 會 有 好 多 人 冒 我 嘅 名 而 嚟 ，話 『我 就係 基督 』，好 多 人 就 被 誤導 嘞 。
6 當 你哋 聽 到 鄰近 有 戰爭 嘅 聲音 ，遠方 有 戰爭 嘅 消息 ，都 唔使 恐慌 。因為 呢啲 事 一定 會 發生 ，不過 末日 仲 未 到 。
7 「民族 會 攻打 民族 ，國家 *會 攻打 國家 ，一 個 接 一 個 地方 有 糧食 短缺 同 地震 。
8 呢 一切 只係 苦難 *嘅 開始 。
9 「到時 ，啲 人 會 迫害 你哋 ，仲 會 殺死 你哋 。你哋 會 因為 我 嘅 名 ，而 俾 所有 國族 憎恨 。
10 仲 會 有 好 多 人 放棄 信仰 *，互相 出賣 ，互相 憎恨 。
11 會 有 好 多 假先知 出現 ，誤導 好 多 人 ；
12 由於 不法 *嘅 事 越 嚟 越 多 ，大多數 人 嘅 愛心 都 會 冷淡 落嚟 。
13 但係 ，忍耐 到底 嘅 人 ，必定 得救 。
14 呢個 王國 嘅 好消息 會 傳遍 天下 *，所有 國族 都 會 聽 到 *，到時 末日 就 會 嚟到 。
15 「但以理 先知 提 過 『有 一 個 可憎之物 會 造成 荒涼 』，你哋 會 見 到 佢 企 喺 聖地 （讀 呢 句 話 嘅 人 要 辨明 含意 ），
16 當 你哋 見 到 呢 件 事 ，喺 猶地亞 嘅 人 就 應該 逃走 上山 。
17 喺 屋頂 嘅 ，唔好 返 入 屋 攞 嘢 ；
18 喺 田 度 嘅 ，唔好 返 入 屋 拎 外衣 。
19 喺 嗰 段 時期 ，懷孕 嘅 婦女 同 餵 奶 嘅 媽媽 *有 禍 嘞 ！
20 你哋 要 不斷 禱告 ，祈求 你哋 唔 需要 喺 冬天 或者 安息日 逃難 。
21 因為 到時 會 有 大患難 ，噉樣 嘅 患難 ，由 人類 被 創造 直到 而家 都 冇 發生 過 ，將來 都 絕對 唔會 再 發生 。
22 如果 唔係 嗰 段 時期 被 縮短 ，就 冇 人 可以 得救 嘞 。不過 ，為咗 被 上帝 揀選 嘅 人 ，嗰 段 時期 係 會 被 縮短 㗎 。
23 「到時 ，如果 有 人 同 你哋 講 『基督 喺 呢度 呀 』，或者 話 『基督 喺 嗰度 呀 』，你哋 唔好 相信 。
24 因為 會 有 假基督 同 假先知 出現 ，佢哋 會 施行 令人 驚訝 嘅 神跡 同埋 做 奇異 嘅 事 ，就 連 被 揀選 嘅 人 都 想 迷惑 *。
25 要 記住 ！我 預先 警告 咗 你哋 嘞 。
26 所以 ，如果 有 人 對 你哋 講 『基督 喺 曠野 呀 』，你哋 唔好 去 ；或者 話 『基督 喺 隱蔽 嘅 地方 喎 』，你哋 唔好 信 。
27 因為 人子 返 到 你哋 呢度 嘅 時候 *會 好似 閃電 喺 東邊 發出 ，連 西邊 都 可以 見 到 噉樣 。
28 屍體 喺 邊度 ，鷹 就 聚集 喺 邊度 。
29 「嗰 段 患難 嘅 時期 一過 ，太陽 就 會 變 黑 ，月亮 唔會 再 有 光芒 ，星辰 會 從 天上 墜落 ，天上 嘅 力量 會 動搖 。
30 到時 ，表明 人子 嚟到 嘅 神跡 *會 喺 天上 出現 ，於是 地上 所有 民族 都 悲痛 捶胸 ，佢哋 會 見 到 人子 喺 天雲 帶 住 力量 ，以 充滿 榮耀 嘅 方式 嚟到 。
31 當 響亮 嘅 號筒聲 發出 ，人子 會 派 佢 嘅 天使 去 ，從 四方 ，由 天 嘅 一邊 到 另 一 邊 ，聚集 嗰啲 被 揀選 嘅 人 。
32 「用 無花果樹 打 個 比喻 吖 ：樹 開始 出 嫩枝 ，生 啲 新 葉 出嚟 ，你哋 就 知道 夏天 好 快 到 嘞 。
33 同樣 ，當 你哋 見 到 呢 一切 發生 ，就 知道 人子 好 快 到 嘞 *。
34 我 可以 好 肯定 噉 同 你哋 講 ，喺 呢 一 代 人 消逝 之前 ，呢 一切 一定 會 發生 。
35 天地 都 會 消逝 ，但係 我 嘅 說話 絕對 唔會 消逝 。
36 「至於 幾時 係 嗰個 日子 、嗰個 時刻 ，邊個 都 唔 知道 ，天上 嘅 天使 唔 知道 ，人子 *亦 都 唔 知道 ，淨係 得 我 嘅 爸爸 知道 。
37 挪亞 嘅 時代 係 點樣 ，將來 人子 返 到 你哋 呢度 嘅 時候 *都 會 係 點樣 。
38 大洪水 之前 嘅 時代 ，人 掛住 吃喝 嫁娶 ，直到 挪亞 入 方舟 嘅 嗰 一 日 ；
39 佢哋 完全 唔 理 聽 到 同 睇 到 嘅 嘢 ，大洪水 嚟到 ，就 將 佢哋 全部 沖走 嘞 。將來 人子 返 到 你哋 呢度 嘅 時候 *都 會 係 噉 。
40 到時 ，兩 個 男人 喺 田 裡面 做 嘢 ，一 個 被 接走 ，一 個 被 捨棄 。
41 兩 個 女人 推 住 一 個 手磨 ，一 個 被 接走 ，一 個 被 捨棄 。
42 所以 ，要 不斷 守望 ，因為 你哋 唔 知道 你哋 嘅 主 喺 乜嘢 日子 嚟到 。
43 「試 諗 吓 ，一 個 家主 如果 一早 知道 夜晚 幾時 *有 賊 嚟 ，就 會 保持 警醒 ，唔會 俾 個 賊 偷偷 入 屋 。
44 所以 你哋 都 要 做 好 準備 ，因為 人子 會 喺 你哋 認為 冇 乜 可能 嘅 時刻 嚟到 。
45 「到底 邊個 係 忠信 睿智 嘅 奴隸 ，受 主人 委派 管理 佢 嘅 僕役 ，喺 適當 嘅 時候 供應 食物 俾 佢哋 呢 ？
46 佢 嘅 主人 嚟到 ，見 到 奴隸 噉樣 做 緊 ，奴隸 就 有 福 嘞 *！
47 我 可以 好 肯定 噉 同 你哋 講 ，主人 會 委派 佢 管理 所有 財物 。
48 「但係 ，如果 嗰個 奴隸 係 邪惡 嘅 ，心 諗 『主人 唔會 咁 快 返嚟 嘅 』，
49 仲 郁 手 打 其他 奴隸 ，又 同 醉酒 嘅 人 飲飲食食 ，
50 噉 奴隸 嘅 主人 就 會 喺 佢 估 唔 到 嘅 日子 ，喺 佢 唔 知道 嘅 時刻 嚟到 ，
51 用 最 嚴厲 嘅 方式 懲罰 佢 ，佢 會 同 虛偽 嘅 人 有 一樣 嘅 下場 。喺 嗰度 佢 會 痛哭 流淚 ，咬牙切齒 。」
腳注
^ 指鑿出嚟嘅石頭，用嚟起建築物。
^ 直譯「王國」。
^ 直譯「產痛」。
^ 又譯「跌倒」。
^ 「不法」呢個詞語喺聖經指漠視上帝嘅法律。
^ 天下，又譯「有人居住嘅大地」。
^ 又譯「對所有國族作見證」。
^ 又譯「哺育嬰兒嘅」。
^ 又譯「誤導」。
^ 又譯「徵象」。
^ 直譯「就快到門口嘞」。
^ 直譯「兒子」。
^ 又譯「幾更天」。
^ 又譯「快樂嘞」。
