馬太福音 2:1-23
2 希律 王 *在位 期間 ，耶穌 喺 猶地亞 嘅 伯利恆 出世 。後嚟 ，有啲 占星術士 從 東方 *嚟到 耶路撒冷 。
2 佢哋 問 ：「猶太 人 嘅 王 已經 出 咗 世 嘞 。佢 喺 邊度 呀 ？我哋 喺 東方 見 到 佢 粒 星 ，所以 就 嚟到 呢度 ，想 向 佢 下拜 。」
3 聽 到 佢哋 噉樣 講 ，希律 王 同埋 全 個 耶路撒冷 嘅 人 都 覺得 好 不安 。
4 希律 王 召集 人民 當中 ，所有 祭司長 同埋 抄經士 ，問 佢哋 究竟 嗰個 基督 *會 喺 邊度 出世 。
5 佢哋 同 希律 王 講 ：「係 喺 猶地亞 嘅 伯利恆 出世 㗎 。先知 都 係 噉樣 寫 㗎 ：
6 『猶大 地區 嘅 伯利恆 啊 ，喺 猶大 有 長官 統治 嘅 城 當中 ，你 絕對 唔係 最 渺小 嘅 *，因為 有 一 位 統治者 會 嚟自 你 嗰度 。佢 會 牧養 我 嘅 子民 以色列 。』」
7 於是 希律 暗中 召見 嗰啲 占星術士 ，問 清楚 佢哋 嗰 粒 星 出現 嘅 時間 。
8 之後 ，希律 就 叫 佢哋 去 伯利恆 ，佢 話 ：「同 我 仔細 噉 搵 個 細路 出嚟 吖 。你哋 搵 到 之後 ，返嚟 同 我 匯報 ，等 我 都 可以 去 向 佢 下拜 。」
9 聽 完 王 噉 講 ，占星術士 就 起程 。睇 吓 ！佢哋 喺 東方 見 到 嘅 嗰 粒 星 一路 帶 住 佢哋 ，去 到 嗰個 小朋友 身處 嘅 地方 。跟住 ，嗰 粒 星 喺 上面 停 低 咗 。
10 見 粒 星 停 低 咗 *，佢哋 開心 到 不得了 。
11 佢哋 入 咗 間 屋 ，見 到 個 小朋友 同埋 佢 嘅 媽媽 馬利亞 ，就 跪 喺 地下 ，向 個 小朋友 下拜 。占星術士 打開 寶箱 ，拎 啲 禮物 出嚟 送 俾 佢 ，有 黃金 、乳香 ，同埋 沒藥 。
12 不過 ，上帝 喺 夢 入面 警告 佢哋 ，唔好 返去 見 希律 。佢哋 就 由 另 一 條 路 返 番 去 自己 嘅 地方 。
13 占星術士 走 咗 之後 ，耶和華 *嘅 天使 喺 約瑟 嘅 夢 入面 出現 ，同 佢 講 ：「快 啲 走 呀 ，帶 埋 小朋友 同埋 佢 媽媽 去 埃及 啦 ，要 留 喺 嗰度 ，直到 我 再 俾 指示 你 ，因為 希律 要 搵 個 小朋友 出嚟 ，殺死 佢 呀 。」
14 於是 ，約瑟 就 起程 ，漏夜 帶 住 小朋友 同埋 小朋友 嘅 媽媽 去 埃及 。
15 佢 就 住 喺 嗰度 ，直到 希律 死 咗 為止 。呢個 應驗 咗 耶和華 *通過 先知 所 講 嘅 說話 ：「我 呼召 我 嘅 仔 從 埃及 出嚟 。」
16 希律 見 自己 俾 啲 占星術士 呃 咗 ，就 非常之 嬲 。於是 ，佢 根據 之前 仔細 查問 占星術士 而 知道 嘅 時間 ，派 人 去 伯利恆 同埋 伯利恆 周圍 嘅 地區 ，將 所有 兩 歲 或 以下 嘅 男仔 ，全部 殺死 。
17 呢個 應驗 咗 耶利米 先知 嘅 說話 ：
18 「喺 拉瑪 聽 到 悲傷 痛哭 嘅 聲音 ，係 拉結 為 佢 嘅 仔女 痛哭 ，佢 唔 肯 接受 安慰 ，因為 啲 仔女 都 唔 喺度 喇 。」
19 後嚟 ，希律 死 咗 。當時 ，約瑟 喺 埃及 。耶和華 *嘅 天使 喺 佢 嘅 夢 入面 出現 。
20 天使 話 ：「起程 啦 ，帶 埋 個 小朋友 同埋 佢 媽媽 去 以色列 。因為 之前 想 殺死 個 小朋友 嘅 嗰啲 人 都 死 咗 嘞 。」
21 於是 ，約瑟 就 起程 ，帶 埋 佢哋 去 以色列 。
22 不過 ，約瑟 聽 講 阿基勞斯 接替 咗 佢 爸爸 希律 統治 猶地亞 ，就 唔 敢 去 嗰度 嘞 。再 加上 ，上帝 喺 夢 入面 警告 過 佢 ，佢 就 去 咗 加利利 一帶 。
23 佢 去 咗 一 座 城 ，叫 做 拿撒勒 ，住 喺 嗰度 。噉 就 應驗 咗 先知 所 講 嘅 說話 ：「佢 要 叫 做 拿撒勒 人 *。」
腳注
^ 呢度講嘅「東方」係指聖經執筆者角度嚟講嘅東方。
^ 基督係一個頭銜，又譯「彌賽亞」，意思係「受上帝任命嘅領袖」。
^ 又譯「最唔重要嘅」。
^ 直譯「見到嗰粒星」。
^ 希臘語「拿撒勒人」呢個詞語可能源自希伯來語「新芽」。
