馬太福音 17:1-27
17 六 日 之後 ，耶穌 淨係 帶 住 彼得 、雅各 同埋 雅各 嘅 兄弟 約翰 ，一齊 上 咗 一 座 好 高 嘅 山 。
2 耶穌 喺 佢哋 面前 改變 形貌 ，佢 塊 面 好似 太陽 咁 光 ，件 衫 亦 都 好似 光 咁 燦爛 *。
3 突然間 ，摩西 同 以利亞 喺 佢哋 面前 出現 ，同 耶穌 講 說話 。
4 彼得 就 同 耶穌 講 ：「主 啊 ，我哋 喺度 真係 好 。如果 你 想 嘅 話 ，我 就 喺 呢度 搭 三 個 帳幕 ，一 個 俾 你 ，一 個 俾 摩西 ，一 個 俾 以利亞 。」
5 佢 仲 講 緊 嘢 嘅 時候 ，突然 有 一 嚿 好 光 嘅 雲 籠罩 住 佢哋 ，有 聲音 喺 雲 入面 發出 ，話 ：「呢個 係 我 嘅 仔 ，係 我 深愛 㗎 ，係 我 認可 *㗎 。你哋 要 聽從 佢 。」
6 門徒 聽 到 ，就 好 驚 ，跪 低 下拜 。
7 跟住 耶穌 行 過嚟 ，拍 一 拍 佢哋 話 ：「起身 啦 ，唔使 驚 。」
8 佢哋 岳 高 頭 ，淨係 見 到 耶穌 ，冇 見 到 其他 人 。
9 佢哋 落 山 嗰陣 ，耶穌 吩咐 佢哋 ：「喺 人子 死而復生 之前 ，唔好 將 呢個 異象 *話俾 任何 人 知 。」
10 門徒 問 耶穌 ：「點解 啲 抄經士 話 以利亞 一定 會 早 過 基督 嚟 嘅 ？」
11 耶穌 回答 ：「以利亞 一定 會 嚟 ，而且 會 準備 好 一切 。
12 但係 我 話俾 你哋 知 ，以利亞 其實 已經 嚟 咗 ，只 不過 啲 人 認 唔 出 係 佢 *，反而 任意 惡待 佢 。同樣 ，佢哋 都 會 令 人子 受苦 。」
13 噉 門徒 先至 明白 ，耶穌 同 佢哋 講 緊 嘅 係 施浸者 約翰 。
14 佢哋 行 近 人群 ，有 個 人 行 去 耶穌 嗰度 ，向 佢 下跪 ，佢 話 ：
15 「主 啊 ，求 你 可憐 吓 我 個 仔 吖 ！佢 患 咗 癲癇 ，而且 發作 嗰陣 成日 跌 落 火 ，或者 跌 落 水 。
16 我 帶 過 佢 去 見 你 嘅 門徒 ，但係 佢哋 都 醫 唔好 佢 。」
17 耶穌 回答 ：「呢 一 代 又 冇 信心 又 腐敗 嘅 人 呀 ，我 要 同 你哋 一齊 到 幾時 呢 ？我 要 容忍 你哋 幾 耐 呢 ？將 佢 帶 嚟 我 呢度 啦 。」
18 耶穌 斥責 邪靈 ，邪靈 就 喺 個 男仔 裡面 出嚟 ，個 男仔 就 喺 嗰個 時候 好返 嘞 。
19 之後 門徒 私下 去 搵 耶穌 ，問 佢 ：「點解 我哋 趕 唔 到 呢個 邪靈 出去 嘅 ？」
20 耶穌 同 佢哋 講 ：「因為 你哋 唔夠 信心 。我 可以 好 肯定 噉 同 你哋 講 ，就算 你哋 嘅 信心 ，得 芥菜 種子 咁 細 ，你哋 吩咐 呢 座 山 ，『由 呢度 移去 嗰度 』，山 都 會 移開 。噉 對 你哋 嚟 講 ，冇 乜嘢 係 冇 可能 㗎 嘞 。」
21 －－－*
22 門徒 喺 加利利 聚集 嘅 時候 ，耶穌 同 佢哋 講 ：「人子 會 俾 人 出賣 ，落 喺 敵人 嘅 手 ，
23 佢 會 俾 人 殺死 ，喺 第 三 日 復活 。」門徒 聽 到 就 好 憂愁 。
24 佢哋 去 咗 迦百農 之後 ，有啲 負責 收 聖殿稅 *嘅 人 嚟 搵 彼得 ，問 佢 ：「你 嘅 老師 唔 交 聖殿稅 㗎 咩 ？」
25 彼得 話 ：「交 嘅 。」但係 佢 一 入 到 屋 ，耶穌 就 問 佢 ：「西門 ，你 覺得 呢 ？統治者 係 向 邊個 徵收 物品稅 或者 人頭稅 㗎 呢 ？係 向 仔 吖 ？定係 向 外人 呢 ？」
26 彼得 話 ：「向 外人 囉 。」耶穌 就 同 佢 講 ：「噉 即係 話 ，仔 其實 係 免稅 㗎 。
27 不過 ，為咗 唔 冒犯 呢啲 人 *，你 要 去 海 邊 用 魚鉤 釣魚 ，然後 拎 起 第 一 條 釣 到 嘅 魚 ，打開 佢 嘅 口 ，你 就 會 見 到 一 個 銀幣 *。攞 去 俾 佢哋 ，為 我 同埋 你 自己 交 稅 啦 。」
