馬太福音 16:1-28
16 法利賽 派 同 撒都該 派 嘅 人 嚟 搵 耶穌 ，想 試探 佢 ，就 請 耶穌 奉 上帝 嘅 名 施行 個 神跡 *俾 佢哋 睇 。
2 耶穌 同 佢哋 講 ：「日落 嘅 時候 ，你哋 話 ：『個 天 紅 到 好似 火 噉樣 ，聽日 一定 好 天 。』
3 朝早 你哋 就 話 ：『個 天 雖然 紅 到 好似 火 噉樣 ，但係 咁 多 雲 ，今日 實 會 落雨 呀 。』你哋 識得 睇 天文 現象 ，但係 睇 唔 明 呢個 時代 嘅 徵象 。
4 呢 一 代 邪惡 不忠 *嘅 人 成日 都 想 睇 神跡 ，但係 除 咗 約拿 嘅 神跡 *，佢哋 就 唔會 再 睇 到 其他 神跡 嘞 。」講完 之後 ，耶穌 就 離開 佢哋 。
5 門徒 過 咗 對面 岸 ，但係 唔 記得 帶 餅 。
6 耶穌 同 佢哋 講 ：「你哋 要 小心 *，要 提防 法利賽 派 同 撒都該 派 嘅 酵 。」
7 佢哋 就 喺度 討論 ：「實 係 因為 我哋 冇 帶 到 餅 嚟 啦 。」
8 耶穌 聽 到 ，就 話 ：「你哋 嘅 信心 去 咗 邊 呢 ？只係 冇 餅 啫 ，點解 要 討論 呢 ？
9 你哋 仲 唔 明 ？記 唔 記得 5個 餅 分 俾 5000人 嗰 次 ，你哋 裝滿 咗 幾多 個 籃 ？
10 仲有 7個 餅 分 俾 4000人 嗰 次 ，你哋 又 裝滿 咗 幾多 個 籮 呢 ？
11 點解 你哋 睇 唔 出 ，我 頭先 同 你哋 講 嘅 唔係 餅 呢 ？你哋 要 提防 嘅 係 法利賽 派 同 撒都該 派 嘅 酵 。」
12 呢個 時候 佢哋 先至 明白 ，耶穌 話 要 提防 嘅 ，唔係 餅 嘅 酵 ，而 係 法利賽 派 同 撒都該 派 嘅 教義 。
13 耶穌 去 到 凱撒里亞腓立比 城 附近 ，佢 問 門徒 ：「啲 人 話 人子 係 邊個 呢 ？」
14 門徒 答 ：「有啲 話 係 施浸者 約翰 ，有啲 話 係 以利亞 ，仲 有啲 話 係 耶利米 或者 其中 一 位 先知 。」
15 耶穌 問 佢哋 ：「噉 你哋 呢 ？你哋 話 我 係 邊個 ？」
16 西門 ·彼得 回答 ：「你 係 基督 ，係 真神 *嘅 仔 。」
17 耶穌 就 話 ：「約拿 嘅 仔 西門 ，你 係 得到 上帝 賜 福 *㗎 ，因為 幫助 你 令 你 睇 得 出 嘅 ，唔係 血肉之軀 *，而 係 我 嘅 天父 。
18 我 又 同 你 講 ，你 係 彼得 ，我 要 喺 一 塊 磐石 上面 建造 我 嘅 會眾 ，而 呢個 會眾 係 唔會 被 死亡 戰勝 *㗎 。
19 我 要 賜 天上 王國 嘅 鎖匙 俾 你 。凡 係 你 喺 地上 會 綁住 嘅 ，上帝 喺 天上 都 已經 綁住 *咗 ；凡 係 你 喺 地上 會 解開 *嘅 ，上帝 喺 天上 都 已經 解開 咗 。」
20 然後 佢 鄭重 噉 吩咐 門徒 ，唔好 話俾 任何 人 知 佢 係 基督 。
21 從 嗰時 起 ，耶穌 開始 幫助 門徒 明白 ，佢 一定 要 去 耶路撒冷 ，喺 嗰度 ，長老 、祭司長 、抄經士 會 令 佢 受 好 多 苦 ，佢 亦 會 俾 人 殺死 ，喺 第 三 日 復活 。
22 於是 彼得 將 耶穌 拉 埋 一邊 ，想 制止 佢 ，就 話 ：「主 啊 ，你 應該 愛惜 自己 ，你 絕對 唔會 有 噉 嘅 下場 嘅 。」
23 不過 耶穌 擰轉身 ，背向 彼得 同 佢 講 ：「撒但 ，夠 嘞 ，唔好 再 講 *！你 妨礙 緊 我 做 必須 做 嘅 事 *，因為 你 嘅 諗法 係 人 嘅 諗法 ，唔係 上帝 㗎 。」
24 嗰時 耶穌 同 門徒 講 ：「邊個 想 嚟 跟從 我 ，就 唔好 再 為 自己 而 活 ，要 孭 起 自己 嘅 苦刑柱 *，一直 跟隨 我 。
25 邊個 想 救 自己 嘅 生命 ，就 會 失去 生命 ；邊個 為 我 失去 生命 ，就 會 得到 生命 。
26 一 個 人 就算 賺 到 呢個 世界 嘅 所有 嘢 ，但係 因為 噉 而 失去 生命 又 有啲 乜嘢 益處 呢 ？人 可以 攞 啲 乜嘢 去 換取 自己 嘅 生命 呢 ？
27 人子 會 帶 住 佢 爸爸 嘅 榮耀 ，同 佢 嘅 天使 一齊 嚟到 ，然後 按照 每 個 人 嘅 行為 獎賞 或者 懲罰 佢哋 。
28 我 可以 好 肯定 噉 同 你哋 講 ，呢度 在場 嘅 人 當中 ，有啲 仍然 在生 ，仲 未 試 過 死亡 嘅 滋味 ，就 會 見 到 人子 喺 佢 嘅 王國 裡面 嚟到 。」
腳注
^ 又譯「徵象」。
^ 不忠，直譯「通姦」。
^ 又譯「徵象」。
^ 又譯「擘大對眼」。
^ 直譯「活著嘅上帝」。
^ 得到上帝賜福，又譯「快樂」。
^ 血肉之軀，又譯「人」。
^ 又譯「唔會被囚禁喺墳墓嘅門裡面」。
^ 又譯「鎖住」。
^ 又譯「打開」。
^ 直譯「退去我後面」。
^ 直譯「你係我嘅絆腳石」。
