馬太福音 15:1-39
15 嗰時 ，有 法利賽 派 嘅 人 同埋 抄經士 由 耶路撒冷 嚟 搵 耶穌 ，同 佢 講 ：
2 「你 啲 門徒 點解 唔 跟住 前人 嘅 傳統 去 做 呀 ？例如 話 ，佢哋 食飯 前 冇 洗手 *喎 。」
3 耶穌 答 佢哋 ：「噉 你哋 點解 守 自己 嘅 傳統 ，但係 唔 遵從 上帝 嘅 誡命 呢 ？
4 例如 上帝 話 ，『要 孝敬 *父母 』；又 話 ，『對 父母 講 惡毒 說話 嘅 ，就要 處死 』。
5 但係 你哋 反而 話 ：『只要 同 父母 講 ，「我 有 嘅 嘢 ，都 獻 俾 上帝 做 禮物 嘞 ，供養 唔 到 你 嘞 」，
6 噉 就 完全 唔使 孝敬 父母 *。』你哋 就係 因為 自己 嘅 傳統 ，令 上帝 嘅 話語 作廢 。
7 虛偽 嘅 人 啊 ，關於 你哋 ，以賽亞 嘅 預言 真係 講 得 一啲 都 冇 錯 。佢 話 ：
8 『呢個 民族 口口聲聲 話 尊敬 我 ，但係 就 冇 將 我 放 喺 心 入面 。
9 佢哋 繼續 崇拜 我 都 係 冇 用 㗎 ，因為 佢哋 將 人 定 嘅 規條 當 成 教義 去 教 人 。』」
10 於是 耶穌 叫 啲 民眾 過嚟 ，同 佢哋 講 ：「你哋 要 聽 ，亦 都 要 理解 我 講 嘅 說話 ：
11 喺 上帝 眼中 令人 不潔 嘅 ，唔係 擺 入口 嘅 嘢 ，而 係 講 出口 嘅 嘢 。」
12 之後 門徒 嚟 同 耶穌 講 ：「你 知 唔 知 ，啲 法利賽 派 嘅 人 聽 到 你 講 嘅 嘢 就 好 反感 *呀 ？」
13 耶穌 答 ：「只要 唔係 我 天父 栽種 嘅 植物 ，都 會 被 連根拔起 。
14 由得 佢哋 啦 。佢哋 都 係 盲 嘅 ，但係 就 去 為人 帶路 ；盲 嘅 帶 住 盲 嘅 行 ，兩 個 都 會 跌 落 坑 。」
15 彼得 問 耶穌 ：「頭先 嘅 比喻 究竟 係 咩 意思 呢 ？」
16 耶穌 就 話 ：「你哋 都 仲 未 明 ？
17 唔通 你哋 唔 知道 ，所有 擺 入口 嘅 嘢 ，食 咗 落 肚 ，最後 都 會 喺 廁所 排 返 出嚟 咩 ？
18 但係 ，口 講 出嚟 嘅 嘢 就係 心 入面 嘅 諗法 ，喺 上帝 眼中 呢啲 嘢 先至 令 你 不潔 呀 。
19 譬如 話 ，各種各樣 邪惡 嘅 諗法 就係 喺 心 入面 出嚟 㗎 ，會 導致 凶殺 、通姦 、淫亂 *、偷竊 、作 假見證 同埋 講 褻瀆 嘅 說話 。
20 喺 上帝 眼中 做 呢啲 事 嘅 人 係 不潔 嘅 ；唔 洗手 *食飯 ，反而 唔會 令人 不潔 。」
21 耶穌 離開 嗰度 ，去 咗 泰爾 同埋 西頓 。
22 有 個 住 喺 嗰度 嘅 腓尼基 女人 去 搵 耶穌 ，大聲 懇求 話 ：「主 啊 ，大衛 嘅 子孫 ，可憐 吓 我 啦 ！我 個 女 俾 邪靈 附身 ，好 痛苦 呀 ！」
23 不過 耶穌 冇 應 佢 。門徒 就 嚟 同 耶穌 講 ：「叫 佢 走 啦 ，佢 係 噉 喺 後面 跟住 ，大聲 嗌 。」
24 耶穌 回應 話 ：「上帝 淨係 派 我 去 以色列 民族 嗰度 搵 迷失 嘅 綿羊 啫 。」
25 嗰個 女人 就 嚟 ，跪 喺 耶穌 面前 話 ：「主 啊 ，求 你 幫 吓 我 啦 ！」
26 耶穌 就 答 ：「攞 仔女 嘅 餅 去 俾 啲 狗 仔 食 係 唔 啱 㗎 。」
27 嗰個 女人 話 ：「主 啊 ，你 講 得 啱 ，不過 狗 仔 都 食 主人 枱 上面 跌 落嚟 嘅 餅 碎 㗎 ！」
28 於是 耶穌 話 ：「你 真係 一 個 好 有 信心 嘅 女人 呀 。我 就 成全 你 嘅 願望 啦 。」佢 嘅 女 就 喺 嗰 一刻 好返 嘞 。
29 耶穌 離開 嗰度 ，去 到 加利利 海邊 。佢 上 咗 一 座 山 ，喺 嗰度 坐 低 。
30 有 一 大 班 民眾 ，帶 住 跛 嘅 、傷殘 嘅 、盲 嘅 、啞 嘅 ，仲有 好 多 其他 病人 去 耶穌 嗰度 。佢哋 將 病人 帶去 耶穌 面前 ，耶穌 就 醫好 呢啲 人 。
31 民眾 見 啞 嘅 講 到 嘢 ，傷殘 嘅 好返 ，跛 嘅 行 到 路 ，盲 嘅 睇 到 嘢 ，佢哋 都 好 驚訝 ，大家 就 讚美 *以色列 嘅 上帝 。
32 耶穌 叫 啲 門徒 嚟 ，同 佢哋 講 ：「我 覺得 呢 班 人 好 可憐 ，因為 佢哋 同 我 一齊 喺 呢度 已經 三 日 ，而家 冇 嘢食 嘞 。我 唔 想 佢哋 餓 住 噉 走 ，我 驚 佢哋 行 行 吓 會 暈 低 。」
33 不過 門徒 嚟 同 耶穌 講 ：「呢度 咁 偏僻 ，我哋 去 邊度 搵 咁 多 餅 ，俾 咁 多 人 食 呀 ？」
34 耶穌 問 佢哋 ：「噉 你哋 有 幾多 個 餅 呀 ？」佢哋 話 ：「有 七 個 ，仲有 幾 條 魚 仔 。」
35 耶穌 就 叫 大家 坐 低 ，
36 然後 拎 起 七 個 餅 同埋 幾 條 魚 ，多謝 上帝 之後 就 搣 開 ，交 俾 門徒 ，門徒 再 分 俾 民眾 。
37 大家 都 食 ，而且 食 飽 咗 。佢哋 收拾 好 淨 低 嘅 餅 ，裝滿 咗 七 個 籮 。
38 食 嘢 嘅 人 ，男人 就 有 4000人 ，另外 仲有 女人 同埋 小朋友 。
39 耶穌 叫 民眾 離開 之後 ，就 上 咗 船 ，去 到 馬加丹 地區 。
