馬太福音 13:1-58
13 嗰 一 日 ，耶穌 喺 間 屋 出 咗 嚟 ，坐 咗 喺 海 邊 。
2 有 一 大 班 人 去 到 耶穌 嗰度 聚集 埋 一齊 ，耶穌 就 上船 坐 低 ，民眾 全部 都 企 喺 海灘 。
3 耶穌 用 比喻 教導 佢哋 好 多 嘢 ，佢 話 ：「有 一 個 農夫 出去 撒種 ，
4 撒種 嘅 時候 ，有啲 種子 跌 咗 喺 路邊 ，結果 俾 啲 雀仔 食 咗 。
5 有啲 跌 咗 喺 泥土 唔 多 嘅 岩石地 ，因為 土壤 唔係 好 深 ，種子 就 即刻 生長 。
6 但係 太陽 一 出嚟 ，幼苗 就 曬乾 咗 ，加上 冇 扎根 *，就 枯萎 嘞 。
7 另外 有啲 跌 咗 落 荊棘 度 ，荊棘 一 長高 ，就 阻礙 幼苗 生長 。
8 仲 有啲 種子 撒 咗 喺 好 嘅 土壤 上面 ，就 結出 果實 ，有啲 100倍 ，有啲 60倍 ，有啲 30倍 。
9 有 耳仔 嘅 ，就 應該 留心 聽 。」
10 門徒 嚟 問 耶穌 ：「點解 你 教 佢哋 嗰陣 要 用 比喻 嘅 ？」
11 耶穌 就 話 ：「天上 王國 嘅 神聖 祕密 ，淨係 你哋 先 可以 明白 ，但係 佢哋 就 唔 明白 ，因為 佢哋 冇 得到 幫助 。
12 邊個 有 嘅 ，就要 俾 多 啲 佢 ，令 佢 綽綽有餘 ；邊個 冇 嘅 ，就 連 佢 有 嘅 ，都 要 攞 走 埋 。
13 佢哋 睇 咗 等於 冇 睇 ，聽 咗 等於 冇 聽 ，亦 都 唔 理解 ，所以 我 教導 佢哋 嗰陣 就 用 比喻 嘞 。
14 以賽亞 嘅 預言 喺 佢哋 身上 應驗 緊 ，預言 話 ：『你哋 聽 係 聽 咗 ，睇 係 睇 咗 ，但係 完全 唔 理解 。
15 呢啲 人 嘅 心 已經 麻木 ，耳仔 聽 到 都 冇 反應 ，仲 合 埋 對 眼 ，費事 對 眼 睇 到 ，耳仔 聽 到 ，內心 理解 ，回頭 改過 ，就 俾 我 醫 返 好 。』
16 「但係 ，你哋 係 有 福 *㗎 ，因為 你哋 對 眼 睇 到 ，耳仔 聽 到 。
17 我 可以 好 肯定 噉 同 你哋 講 ，好 多 先知 同埋 正義 嘅 人 ，好 想 見 到 你哋 而家 見 到 嘅 嘢 ，但係 都 見 唔 到 ，好 想 聽 到 你哋 而家 聽 到 嘅 嘢 ，但係 都 聽 唔 到 。
18 「你哋 再 聽 吓 農夫 撒種 呢個 比喻 嘅 意思 吖 。
19 有啲 種子 跌 咗 喺 路邊 ，就係 指 有啲 人 聽 咗 王國 嘅 信息 *但係 唔 理解 ，結果 撒但 *嚟到 就 將 佢 心 入面 嘅 種子 搶走 。
20 有啲 種子 跌 咗 喺 岩石地 ，就係 指 有啲 人 聽 咗 上帝 嘅 話語 ，即刻 開開心心 噉 接受 。
21 但係 ，佢 裡面 冇 根 ，接受 都 只 不過 係 暫時 嘅 啫 ，佢 因為 上帝 嘅 話語 而 遭遇 患難 迫害 ，就 即刻 放棄 。
22 有啲 種子 跌 咗 喺 荊棘 入面 ，就係 指 人 聽 到 上帝 嘅 話語 ，不過 而家 呢個 制度 *嘅 憂慮 ，仲有 財富 嘅 誘惑 *，阻礙 咗 話語 生長 ，佢 就 結 唔 出 果實 嘞 。
23 有啲 種子 跌 咗 喺 好 嘅 土壤 上面 ，就係 指 人 聽 到 上帝 嘅 話語 ，亦 都 理解 ，真係 結出 果實 ，有啲 得到 100倍 嘅 收成 ，有啲 60倍 ，有啲 30倍 。」
24 耶穌 同 佢哋 講 咗 另 一 個 比喻 ，佢 話 ：「天上 嘅 王國 就 好似 一 個 人 將 好 嘅 種子 撒 喺 田 入面 。
25 大家 瞓覺 嘅 時候 ，佢 嘅 敵人 嚟到 ，喺 小麥 嘅 田 入面 撒 咗 啲 毒麥 嘅 種子 ，然後 走 咗 去 。
26 到 幼苗 生長 ，麥穗 生 出嚟 ，毒麥 亦 都 出現 嘞 。
27 奴隸 走 嚟 同 田地 嘅 主人 講 ：『主人 ，你 喺 田 嗰度 撒 嘅 唔係 好 種子 咩 ？點解 會 有 毒麥 嘅 ？』
28 主人 同 佢哋 講 ：『呢個 係 敵人 做 嘅 。』奴隸 同 佢 講 ：『噉 你 想 唔 想 我哋 出去 掹 晒 啲 毒麥 呀 ？』
29 主人 話 ：『唔使 ，我 驚 你哋 掹 走 啲 毒麥 嗰陣 ，會 連 小麥 都 一齊 連根拔起 呀 。
30 喺 收割 之前 ，就 等 小麥 、毒麥 一齊 成長 啦 。去 到 收割 嘅 時期 ，我 會 同 收割 嘅 人 講 ：掹 起 啲 毒麥 先 ，一 捆 一 捆 噉 紮起 ，準備 燒 咗 佢 ，然後 先至 收集 啲 小麥 ，放 入 穀倉 。』」
31 耶穌 講 咗 另 一 個 比喻 俾 佢哋 聽 ，佢 話 ：「天上 嘅 王國 好似 一 粒 芥菜 嘅 種子 *，一 個 人 拎 去 種 喺 自己 塊 田 度 。
32 雖然 芥菜 種子 喺 所有 種子 當中 係 最 細 嘅 ，但係 種 出嚟 嘅 就係 蔬菜 之 中 最大 嘅 ，仲 可以 生長 成 一 棵 樹 ，連 天上 嘅 雀仔 都 喺 佢 嘅 樹枝 上面 棲息 。」
33 耶穌 又 講 咗 另 一 個 比喻 ，佢 話 ：「天上 嘅 王國 好似 酵 ，一 個 女人 拎 啲 酵 去 同 三 大 份 *麵粉 撈 埋 一齊 ，等 成 個 麵團 都 發酵 。」
34 耶穌 就係 噉樣 運用 比喻 教導 民眾 㗎 嘞 。佢 同 佢哋 講嘢 嘅 時候 一定 會 用 比喻 。
35 噉 係 要 實現 先知 所 講 嘅 話 ：「我 要 開口 講 比喻 ，我 要 將 最初 *就 隱藏 嘅 事 宣揚 出去 。」
36 耶穌 等 民眾 走 晒 之後 ，就 入 咗 間 屋 。佢 啲 門徒 嚟 同 佢 講 ：「可 唔 可以 解釋 俾 我哋 知 毒麥 嗰個 比喻 係 咩 意思 呀 ？」
37 耶穌 解釋 話 ：「撒 好 種子 嘅 農夫 就係 人子 ，
38 田地 就係 呢個 世界 ，好 種子 就係 王國 之 子 *，毒麥 就係 惡者之子 *，
39 撒 毒麥 種子 嘅 敵人 就係 魔鬼 ，收割 嘅 時期 就係 呢個 制度 嘅 末期 ，收割 嘅 人 就係 天使 。
40 毒麥 會 被 掹 晒 出嚟 用 火 燒 咗 佢 ，到 咗 制度 嘅 末期 都 會 係 噉 。
41 人子 會 派 佢 嘅 天使 ，將 所有 令人 失足 犯罪 嘅 嘢 同埋 唔 守 上帝 法律 嘅 人 ，從 佢 嘅 王國 嗰度 揀 晒 出嚟 ，
42 揼 去 火爐 。喺 嗰度 ，佢哋 會 痛哭 流淚 ，咬牙切齒 *。
43 到時 ，上帝 認可 嘅 人 會 喺 佢哋 天父 嘅 王國 發出 亮光 ，好似 太陽 咁 光 。有 耳仔 嘅 ，就 應該 留心 聽 。
44 「天上 嘅 王國 就 好似 埋 喺 地底 嘅 寶物 ，有 人 發現 咗 ，就 收埋 佢 。佢 好 開心 ，就 賣 晒 自己 所有 嘢 ，然後 買 咗 嗰 塊 地 。
45 「天上 嘅 王國 又 好似 一 個 商人 周圍 去 搵 上等 嘅 珍珠 。
46 佢 搵 到 一 粒 好 貴重 嘅 珍珠 ，就 即刻 賣 晒 佢 所有 嘢 ，然後 買 咗 嗰 粒 珍珠 。
47 「天上 嘅 王國 亦 都 好似 漁夫 將 好 大 嘅 漁網 *撒 落 海 ，捉 到 各種各樣 嘅 魚 。
48 漁網 滿 咗 嘞 ，佢哋 就 拖 上 海灘 ，坐 低 ，將 好 嘅 魚 放 喺 籃 入面 ，唔 可以 食 嘅 就 揼 咗 佢 。
49 喺 呢個 制度 嘅 末期 都 會 係 噉 。天使 會 嚟 ，將 邪惡 嘅 人 同 正義 嘅 人 分開 ，
50 邪惡 嘅 人 會 被 揼 入 火爐 。喺 嗰度 ，佢哋 就 會 痛哭 流淚 ，咬牙切齒 *嘞 。」
51 耶穌 問 門徒 ：「頭先 講 嘅 你哋 係咪 都 理解 呢 ？」門徒 話 ：「係 呀 。」
52 耶穌 同 佢哋 講 ：「既然 你哋 明白 ，噉 任何 受 過 教導 ，認識 天上 王國 嘅 導師 *就 會 好似 一 個 家主 ，將 自己 寶庫 入面 新 嘅 舊 嘅 寶物 都 攞 晒 出嚟 。」
53 耶穌 講完 呢啲 比喻 ，就 離開 嗰個 地方 。
54 佢 去 到 自己 長大 嘅 地方 ，喺 會堂 入面 教導 人 ，大家 都 好 驚訝 ，話 ：「佢 嘅 智慧 同 施行 奇跡 嘅 能力 喺 邊度 嚟 㗎 ？
55 佢 唔係 嗰個 木匠 嘅 仔 咩 ？佢 嘅 媽媽 ，咪 係 馬利亞 囉 ？佢 啲 細佬 ，就係 雅各 、約瑟 、西門 、猶大 吖 嘛 ？
56 佢 啲 妹 全部 都 住 喺度 㗎 ？噉 佢 嘅 智慧 同 能力 邊度 嚟 㗎 ？」
57 佢哋 唔 肯 相信 耶穌 *。耶穌 同 佢哋 講 ：「先知 通常 都 受 人 尊重 嘅 ，但係 喺 自己 嘅 地方 就得 唔 到 尊重 嘞 。」
58 由於 佢哋 缺乏 信心 ，耶穌 喺 嗰度 只係 施行 咗 好 少 奇跡 。
