馬太福音 12:1-50
12 有 一 次 ，耶穌 喺 安息日 經過 麥田 。佢 嘅 門徒 肚餓 嘞 ，就 摘 啲 麥穗 嚟 食 。
2 法利賽 派 嘅 人 見 到 ，就 同 佢 講 ：「你 睇 ！你 啲 門徒 喺 安息日 噉樣 做 ，唔 合法 㗎 喎 ！」
3 耶穌 同 佢哋 講 ：「有 次 大衛 同 跟隨 佢 嘅 人 覺得 肚餓 ，跟住 佢 點樣 做 ，你哋 冇 讀 過 咩 ？
4 佢 入 咗 上帝 嘅 居所 *，佢 同 啲 手下 都 食 咗 呈獻 嘅 餅 *。按照 法律 ，呢 種 餅 佢哋 係 唔 可以 食 㗎 ，淨係 得 祭司 先 可以 食 。
5 另外 ，你哋 喺 法典 冇 讀 過 咩 ？安息日 嘅 時候 ，祭司 喺 聖殿 工作 都 係 冇 罪 㗎 噃 。
6 但係 我 話俾 你哋 知 ，有 個 比 聖殿 更 重要 嘅 人 喺 呢度 。
7 『我 想 人 表現 憐憫 ，而 唔係 獻祭 俾 我 。』如果 你哋 明白 呢 句 話 嘅 意思 ，就 唔會 定 冇 罪 嘅 人 有 罪 嘞 ，
8 因為 人子 就係 安息日 嘅 主 。」
9 耶穌 離開 嗰度 ，入 咗 會堂 。
10 嗰度 有 個 人 ，佢 隻 手 萎縮 *咗 。有啲 人 想 搵 耶穌 嘅 把柄 指控 佢 ，就 問 佢 ：「喺 安息日 醫 病 合 唔 合法 㗎 ？」
11 耶穌 同 佢哋 講 ：「如果 你 唯一 嘅 綿羊 喺 安息日 跌 咗 落 個 坑 度 ，你哋 有 邊個 唔會 去 捉住 佢 ，拉 返 佢 上嚟 呢 ？
12 人 貴重 過 綿羊 好 多 ！所以 ，喺 安息日 做 好事 係 合法 㗎 。」
13 於是 耶穌 同 嗰個 人 講 ：「伸 隻 手 出嚟 吖 。」佢 一 伸 隻 手 出嚟 ，隻 手 就 即刻 好返 ，咩 事 都 冇 嘞 。
14 法利賽 派 嘅 人 離開 嗰度 ，密謀 要 對付 耶穌 ，殺死 佢 。
15 耶穌 知道 咗 ，就 離開 嗰個 地方 。有 好 多 人 跟住 佢 ，耶穌 醫好 晒 當中 患病 嘅 人 。
16 不過 ，佢 鄭重 噉 吩咐 佢哋 ，唔好 將 佢 嘅 事 周圍 同 人 講 。
17 噉 係 要 實現 以賽亞 先知 講 過 嘅 話 ，佢 話 ：
18 「睇 吓 ！呢個 係 我 揀選 嘅 僕人 ，係 我 深愛 嘅 ，係 我 認可 嘅 ！我 會 將 我 嘅 神聖 力量 降 喺 佢 身上 ，佢 會 令 世界 嘅 人 清楚 知道 乜嘢 係 公正 。
19 佢 唔會 同 人 爭拗 ，唔會 大吵大鬧 ，冇 人 會 喺 大街 嗰度 聽 到 佢 嘅 聲音 。
20 壓傷 嘅 蘆葦 ，佢 唔會 折斷 ，就 快 熄 嘅 燈 火 ，佢 唔會 整 熄 。佢 會 一直 噉樣 做 ，直到 佢 為 全 世界 帶 嚟 公正 。
21 佢 嘅 名 會 為 世界 嘅 人 帶 嚟 希望 。」
22 嗰個 時候 ，有 人 帶 一 個 受 邪靈 操縱 、又 盲 又 啞 嘅 人 嚟 見 耶穌 。耶穌 醫好 咗 佢 ，令 呢個 啞 嘅 人 可以 講 到 嘢 ，睇 到 嘢 。
23 所有 人 都 好 驚訝 ，就 話 ：「唔通 呢個 人 就係 大衛 嘅 子孫 *？」
24 法利賽 派 嘅 人 聽 到 就 話 ：「呢個 人 係 靠 住 邪靈 嘅 首領 魔鬼 *去 驅逐 邪靈 啫 。」
25 耶穌 知道 佢哋 嘅 諗法 ，就 同 佢哋 講 ：「一 個 國家 分裂 內訌 ，就 會 滅亡 ；一 個 城市 、一 個 家庭 分裂 內訌 ，就 冇 辦法 存留 嘞 。
26 同樣 ，如果 撒但 驅逐 撒但 ，即係 自己 分裂 內訌 ，佢 嘅 國家 又 點 能夠 繼續 存在 呢 ？
27 再 講 吖 ，如果 我 驅逐 邪靈 係 靠 住 魔鬼 *，噉 你哋 嘅 門徒 驅逐 邪靈 又 係 靠 住 邊個 呀 ？所以 ，你哋 嘅 門徒 會 證明 你哋 係 錯 嘅 *。
28 相反 ，我 驅逐 邪靈 如果 係 靠 住 上帝 嘅 神聖 力量 ，噉 即係 話 上帝 嘅 王國 喺 你哋 冇 諗 到 嘅 時候 已經 嚟到 嘞 。
29 一 個 人 想 打劫 一 個 強壯 嘅 人 ，如果 唔 綁 起 佢 先 ，又 點會 入 到 佢 屋企 ，搶 得 走 佢 啲 財物 呢 ？
30 唔 企 喺 我 呢邊 嘅 ，即係 反對 我 ；唔 同 我 一齊 將 人 聚集 到 我 呢度 嘅 ，就係 將 人 驅散 嘞 。
31 「所以 我 話俾 你哋 知 ，人 犯 乜嘢 罪 都 好 ，褻瀆 乜嘢 都 好 ，都 會 得到 寬恕 ，但係 ，褻瀆 神聖 力量 嘅 ，就 唔會 得到 寬恕 。
32 譬如 話 ，邊個 講 說話 得罪 人子 ，都 會 得到 寬恕 ；但係 邊個 講 說話 得罪 神聖 力量 ，喺 而家 定係 將來 嘅 制度 *，都 唔會 得到 寬恕 。
33 「你哋 一 係 種 好 嘅 樹 結 好 嘅 果實 ，一 係 種 壞 嘅 樹 結 壞 嘅 果實 。睇 啲 果實 就 知道 棵 樹 係 點樣 嘞 。
34 毒蛇 嘅 子孫 ，你哋 係 邪惡 㗎 ，點會 講 得 出 良善 嘅 說話 吖 ？心 入面 充滿 啲 乜嘢 ，口 就 會 講 出嚟 嘞 。
35 良善 嘅 人 內心 充滿 良善 ，就 講 出 良善 嘅 話 ；邪惡 嘅 人 內心 充滿 邪惡 ，就 講 出 邪惡 嘅 話 。
36 我 話俾 你哋 知 ，喺 審判日 ，人 要 為 自己 講 過 每 一 句 有害無益 嘅 話 負責 。
37 憑 住 你 講 嘅 說話 上帝 會 將 你 定 為 正義 或者 有 罪 。」
38 嗰時 有啲 抄經士 同埋 法利賽 派 嘅 人 話 ：「老師 ，俾 個 神跡 *我哋 睇 吓 吖 。」
39 耶穌 回答 佢哋 話 ：「呢 一 代 邪惡 不忠 *嘅 人 成日 都 想 睇 神跡 *，但係 除 咗 先知 約拿 嘅 神跡 ，佢哋 就 唔會 睇 到 其他 神跡 嘞 。
40 正如 約拿 喺 大魚 嘅 肚 入面 三 日 三 夜 ，人子 都 會 喺 墳墓 裡面 三 日 三 夜 。
41 審判 嘅 時候 ，尼尼微 人 會 同 呢 一 代 人 一齊 復活 ，而且 會 表明 呢 一 代 人 有 罪 ，因為 尼尼微 人 聽 咗 約拿 傳講 嘅 信息 就 悔改 。但係 而家 ，有 個 比 約拿 更 重要 嘅 人 喺度 。
42 審判 嘅 時候 ，南方 女王 會 同 呢 一 代 人 一齊 復活 ，而且 會 表明 呢 一 代 人 有 罪 ，因為 佢 曾經 從 遙遠 嘅 地方 *嚟到 ，為咗 聽 所羅門 嘅 智慧 之 言 。但係 而家 ，有 個 比 所羅門 更 重要 嘅 人 喺度 。
43 「有 個 邪靈 *從 一 個 人 身上 出嚟 ，去 勻 晒 乾旱 嘅 地方 ，想 搵 個 地方 休息 ，但係 搵 唔 到 。
44 於是 佢 話 ：『我 要 搬 返去 之前 嗰 間 屋 。』佢 去 到 之後 ，發現 入面 打掃 乾淨 ，裝飾 好 晒 ，不過 丟 空 咗 ，
45 就 帶 埋 七 個 比 自己 更 邪惡 嘅 靈體 入去 ，住 喺 裡面 。噉 最終 呢個 人 嘅 情況 就 比 之前 更加 差 嘞 。呢 一 代 邪惡 嘅 人 都 會 係 噉 。」
46 耶穌 同 啲 民眾 講 緊 嘢 嘅 時候 ，佢 嘅 媽媽 同埋 啲 細佬 企 喺 出面 ，想 同 佢 講 啲 嘢 。
47 有 人 同 耶穌 講 ：「誒 ！你 嘅 媽媽 同埋 啲 細佬 企 喺 出面 ，有 嘢 想 同 你 講 喎 。」
48 佢 就 同 嗰個 人 講 ：「邊個 係 我 嘅 媽媽 ，係 我 啲 兄弟 呢 ？」
49 佢 向 門徒 伸出 佢 嘅 手 話 ：「睇 吓 ！佢哋 就係 我 啲 兄弟 、我 嘅 媽媽 嘞 ！
50 邊個 照 我 天父 嘅 旨意 去 做 ，邊個 就係 我 嘅 兄弟 、姊妹 、媽媽 。」
腳注
^ 指聖幕。
^ 又譯「陳設餅」。
^ 又譯「癱瘓」。
^ 子孫，直譯「仔」。
^ 直譯「別西卜」，呢個名指嘅係邪靈嘅首領撒但。
^ 直譯「別西卜」，呢個名指嘅係邪靈嘅首領撒但。
^ 直譯「佢哋會做你哋嘅審判官」。
^ 又譯「徵象」。
^ 不忠，直譯「通姦」。
^ 又譯「徵象」。
^ 遙遠嘅地方，又譯「地極」。
