馬太福音 11:1-30
11 耶穌 俾 完 指示 嗰 12個 門徒 ，就 喺 嗰度 出發 ，去 周圍 嘅 城 傳道 教 人 。
2 約翰 喺 監獄 度 聽 到 基督 所 做 嘅 事 ，就 派 門徒 去
3 問 耶穌 ：「你 係咪 就係 我哋 等待 嘅 嗰 一 位 *呀 ？定係 我哋 要 期待 另 一 位 嚟 呢 ？」
4 耶穌 回答 佢哋 話 ：「返去 話俾 約翰 知 ，你哋 聽 到 乜嘢 ，見 到 乜嘢 啦 ：
5 盲 嘅 睇 到 嘢 ，跛 嘅 行 到 路 ，有 痲瘋病 嘅 好返 *，聾 嘅 聽 到 嘢 ，死人 復活 ，窮人 聽 到 好消息 。
6 冇 因為 我 而 失足 跌倒 嘅 人 *係 有 福 *嘅 。」
7 約翰 嘅 門徒 走 咗 之後 ，耶穌 同 民眾 講 到 約翰 ，佢 話 ：「你哋 以前 喺 曠野 見 到 嘅 嗰個 人 係 點樣 嘅 呢 ？佢 係咪 好似 隨風 搖擺 嘅 蘆葦 噉 吖 ？唔係 呀 ！
8 噉 你哋 見 到 嘅 嗰個 人 係 點 嘅 呢 ？佢 係咪 著 得 好 奢華 *嘅 呢 ？都 唔係 呀 ！著 得 好 奢華 嘅 嗰啲 人 都 住 喺 王宮 入面 㗎 。
9 噉 佢 到底 係 咩 人 呢 ？係咪 一 個 先知 ？冇 錯 ！我 話俾 你哋 聽 ，佢 係 先知 ，但係 唔只 係 先知 咁 簡單 。
10 佢 仲係 聖經 講 過 嘅 嗰 一 位 ，聖經 話 ：『睇 吓 ！我 要 派 我 嘅 使者 行 喺 你 前面 *，佢 會 為 你 預備 道路 ！』
11 我 可以 好 肯定 噉 話俾 你哋 知 ，喺 世人 當中 *，未 出現 過 一 個 人 比 施浸者 約翰 更 大 ，但係 喺 天上 嘅 王國 入面 ，再 渺小 嘅 都 比 佢 大 。
12 天上 嘅 王國 好似 一 個 獎賞 ，由 施浸者 約翰 開始 傳道 直到 而家 ，人 一直 竭盡全力 想 得到 ，而 竭盡全力 嘅 人 就 得到 嘞 。
13 先知書 同埋 法典 預告 將來 會 發生 嘅 事 ，約翰 嚟到 ，呢啲 預言 就 開始 得到 應驗 。
14 無論 你哋 願 唔 願意 相信 都 好 ，佢 就係 嗰位 要 嚟 嘅 以利亞 。
15 有 耳仔 嘅 ，就 應該 留心 聽 。
16 「呢 一 代 人 就 好似 點樣 嘅 人 噉 呢 ？就 好似 一 班 坐 喺 市集 廣場 度 玩 嘅 小朋友 ，有啲 大聲 同 同伴
17 講 ：『我哋 幫 你哋 吹笛 伴奏 ，你哋 唔 跳舞 ；我哋 唱 哀歌 ，你哋 一啲 哀傷 嘅 反應 都 冇 *。』
18 類似 㗎 ，約翰 嚟到 ，佢 禁食 亦 都 唔 飲酒 ，啲 人 就 話 ：『佢 有 邪靈 附身 。』
19 但係 人子 嚟到 ，有 食 嘢 有 飲酒 ，啲 人 就 話 ：『睇 吓 ！呢個 人 貪食 好酒 ，又 同 收稅人 仲有 罪人 做 朋友 。』不過 ，一 個 人 係咪 有 智慧 ，睇 佢 嘅 行為 *就 知道 *嘞 。」
20 耶穌 大部分 奇跡 都 係 喺 幾 座 城 入面 施行 嘅 ，不過 呢啲 城 嘅 人 冇 悔改 ，於是 耶穌 譴責 佢哋 ，話 ：
21 「哥拉遜 啊 ，伯賽大 啊 ，你哋 大禍臨頭 嘞 ！因為 我 喺 你哋 嗰度 施行 嘅 奇跡 ，如果 喺 泰爾 同埋 西頓 施行 嘅 話 ，嗰度 嘅 人 一早 就 著起 粗布 ，坐 喺 灰 嗰度 悔改 嘞 。
22 我 話俾 你哋 知 ，喺 審判日 ，泰爾 同埋 西頓 經歷 嘅 ，都 會 好過 你哋 。
23 迦百農 啊 ，唔通 你 會 被 捧 上 天 咩 ？其實 你 會 被 貶 到 墳墓 呀 ！因為 我 喺 你 嗰度 施行 嘅 奇跡 ，如果 喺 所多瑪 施行 出嚟 ，嗰 座 城 就 可以 繼續 存留 到 今日 嘞 。
24 我 話俾 你哋 知 ，喺 審判日 ，所多瑪 經歷 嘅 ，都 會 好過 你哋 。」
25 當時 耶穌 話 ：「爸爸 ，天地 嘅 主 啊 ，我 公開 讚美 你 ，因為 你 將 呢啲 真理 向 有 智慧 、有 學 識 嘅 人 隱藏 起嚟 ，但係 就 向 小朋友 *顯露 出嚟 。
26 冇 錯 ，爸爸 啊 ，因為 呢 個 係 你 鍾意 *嘅 做事 方式 。
27 我 爸爸 已經 將 一切 都 交 俾 我 嘞 。除 咗 爸爸 ，冇 人 完全 認識 我 ；除 咗 我 同埋 我 願意 啟示 嘅 人 *，冇 人 完全 認識 爸爸 。
28 你哋 所有 辛苦 勞碌 、背負 重擔 嘅 人 啊 ，嚟 我 呢度 吖 ，我 會 令 你哋 覺得 舒暢 。
29 你哋 要 負起 我 嘅 擔子 *，向 我 學習 ，因為 我 性情 溫和 ，內心 謙卑 。噉樣 ，你哋 就 會 覺得 舒暢 嘞 。
30 我 嘅 擔子 *係 容易 負起 㗎 ，我 叫 你哋 孭 起 嘅 嘢 係 輕 㗎 。」
