雅各書 2:1-26
2 我 嘅 弟兄 ，你哋 對 人 偏心 ，仲 算 係 持守 緊 對 我哋 榮耀 嘅 主 耶穌 基督 嘅 信心 咩 ？
2 如果 有 人 手 上 戴 住 啲 金 戒指 ，著 住 華麗 嘅 衫 ，嚟 參加 你哋 嘅 聚會 ，又 有 窮人 著 住 污糟 嘅 衫 入 嚟 ，
3 你哋 就 重視 嗰個 著 得 華麗 嘅 人 ，同 佢 講 ：「請 坐 呢度 吖 ，呢個 係 靚 位 嚟 㗎 。」但係 就 同 窮人 講 ：「你 企 喺度 啦 。」或者 話 ：「你 坐 喺 地下 *啦 。」
4 噉樣 ，你哋 唔 係 就 有 階級 之 分 咩 ？你哋 唔 係 就 做 咗 審判 官 *，作 出 唔 公正 *嘅 判決 咩 ？
5 親愛 嘅 弟兄 ，聽 吓 我 講 吖 。上帝 揀選 咗 世上 嘅 窮人 ，令 佢哋 喺 信心 上 富足 ，而且 承受 王國 作為 產業 ，唔 係 咩 ？佢 承諾 賜 呢個 王國 俾 愛 佢 嘅 人 。
6 但係 你哋 竟然 羞辱 窮人 。嗰啲 壓迫 你哋 ，將 你哋 拉去 法庭 嘅 唔 係 有 錢 人 咩 ？
7 佢哋 唔 係 褻瀆 你哋 領受 嘅 美名 咩 ？
8 聖經 話 ：「要 愛人如己 。」如果 你哋 遵守 呢 條 崇高 嘅 法律 *，就 做 得 好 嘞 。
9 不過 ，如果 你哋 仍然 偏心 ，就係 犯罪 嘞 。根據 法律 ，你哋 就係 犯法 嘅 人 。
10 遵守 整套 摩西 法典 嘅 人 ，如果 失足 犯 咗 一 條 誡命 ，就係 觸犯 咗 整套 法典 。
11 因為 吩咐 人 「唔 可以 通姦 」嗰 一 位 ，都 吩咐 人 「唔 可以 殺 人 」。如果 你 冇 通姦 ，但係 殺 咗 人 ，其實 都 係 違反 咗 法律 。
12 你哋 講 說話 同 做事 ，都 應該 繼續 好似 按照 自由 人民 嘅 法律 *受 審判 嘅 人 噉 。
13 邊個 唔 憐憫 人 ，自己 受 審判 嘅 時候 就 唔 會 得到 憐憫 。表現 憐憫 嘅 話 ，面對 審判 都 會 成功 *。
14 我 嘅 弟兄 ，人 話 自己 有 信心 *，但係 冇 行動 ，噉 有 咩 用 呢 ？唔通 呢 種 信心 救 到 佢 咩 ？
15 如果 有 弟兄 姊妹 唔夠 衫 著 *，連 當日 需要 嘅 食物 都 唔夠 ，
16 你哋 有 人 淨係 同 佢哋 講 ，「祝 你 平安 呀 ，希望 你 著 得 暖 、食 得 飽 」，但係 又 唔 俾 生活 *所需 佢哋 ，噉 又 有 咩 用 呢 ？
17 同樣 ，冇 行動 嘅 信心 就係 死 嘅 。
18 不過 ，有 人 會 話 ：「你 有 信心 ，我 有 行動 。如果 你 冇 行動 ，又 點樣 俾 我 睇 出 你 嘅 信心 呢 ？我 要 用 行動 俾 你 睇 到 我 嘅 信心 。」
19 你 信 只係 有 一 位 上帝 ，你 做 得 好 。其實 邪靈 都 信 ，但係 就 膽顫心驚 。
20 無知 嘅 人 啊 ，信心 冇 行動 就 一啲 用 都 冇 ，你 唔 明白 咩 ？
21 我哋 嘅 祖先 *亞伯拉罕 唔 係 將 佢 個 仔 以撒 獻 喺 祭壇 ，由於 行動 先至 被 稱 為 正義 嘅 人 *咩 ？
22 所以 好 明顯 ，佢 嘅 信心 同 行動 係 互相 配合 嘅 ，而 佢 嘅 行動 就 充分 表明 佢 真係 有 信心 *。
23 呢個 就 證實 咗 聖經 嘅 說話 ：「亞伯拉罕 信從 耶和華 *，就 被 視 為 正義 嘅 人 。」後嚟 佢 被 稱 為 「耶和華 *嘅 朋友 」。
24 照 噉 睇 ，一 個 人 被 稱 為 正義 嘅 人 ，係 由於 行動 ，唔 係 單 靠 信心 。
25 同樣 ，妓女 喇合 由於 採取 行動 ，款待 咗 使者 ，幫 佢哋 由 另 一 條 路 逃走 ，先至 被 上帝 稱 為 正義 嘅 人 ，唔 係 咩 ？
26 身體 冇 生命 *係 死 嘅 ；同樣 ，信心 冇 行動 都 係 死 嘅 。
