路加福音 8:1-56
8 過 咗 冇耐 ，耶穌 逐城逐村 傳道 ，宣揚 上帝 王國 嘅 好消息 。同 佢 一齊 嘅 有 十二 使徒 ，
2 仲有 一啲 婦女 。呢啲 婦女 曾經 受 邪靈 控制 或者 患病 ，而家 都 已經 醫 返 好 嘞 。佢哋 當中 有 稱為 末大拉 人 嘅 馬利亞 （曾經 有 七 個 邪靈 喺 佢 身上 被 趕出 嚟 ），
3 有 希律 嘅 管家 古撒 嘅 太太 約亞拿 ，亦 都 有 蘇珊娜 同 好 多 其他 婦女 。呢啲 婦女 都 拎 自己 嘅 財物 出嚟 ，為 耶穌 同 啲 使徒 服務 。
4 有 一 大 班 人 聚集 起嚟 ，仲有 人 喺 唔 同 嘅 城 去 到 耶穌 嗰度 ，耶穌 就 講 咗 個 比喻 ：
5 「有 一 個 農夫 出去 撒種 ，撒 嘅 時候 ，有啲 種子 跌 喺 路邊 ，俾 人 踐踏 ，後嚟 俾 雀仔 食 咗 。
6 有啲 跌 喺 岩石 上面 ，因為 冇 水分 ，發芽 之後 就 枯乾 咗 嘞 。
7 有啲 跌 咗 喺 荊棘 度 ，荊棘 都 一齊 長高 ，就 阻礙 幼苗 生長 。
8 有啲 種子 撒 咗 喺 好 嘅 土壤 上面 ，發芽 之後 ，就 結出 100倍 嘅 果實 。」佢 講完 呢 番 話 ，就 大聲 講 ：「有 耳仔 嘅 ，就 應該 留心 聽 。」
9 門徒 嚟 問 佢 呢個 比喻 嘅 意思 。
10 佢 話 ：「上帝 王國 嘅 神聖 祕密 ，淨係 你哋 先 可以 明白 ，而 其他 人 只係 知道 個 比喻 。噉樣 ，佢哋 睇 咗 都 等於 冇 睇 ，聽 咗 都 唔 理解 。
11 個 比喻 嘅 意思 就係 ：種子 代表 上帝 嘅 話語 。
12 跌 咗 喺 路邊 嘅 ，係 指 人 聽 到 上帝 嘅 話語 ，之後 撒但 就 嚟 ，將 佢哋 心 入面 嘅 話語 攞 走 ，唔 俾 佢哋 相信 而 得救 。
13 跌 喺 岩石 上面 嘅 ，就係 人 聽 咗 上帝 嘅 話語 ，就 開心 噉 接受 ，不過 冇 生 到 根 。佢哋 淨係 信 咗 一 段 時間 ，遇 到 考驗 嘅 時候 就 離開 。
14 跌 喺 荊棘 裡面 嘅 ，係 指 人 聽 咗 上帝 嘅 話語 ，但係 俾 人生 嘅 享樂 、憂慮 、財富 俘擄 咗 ，於是 話語 完全 生長 唔 到 ，就 結 唔 出 成熟 嘅 果實 。
15 種子 撒 喺 好 嘅 土壤 上面 ，就係 指 人 有 美好 良善 嘅 心 ，聽 咗 上帝 嘅 話語 之後 ，就 緊緊 持守 ，一邊 忍耐 一邊 結出 果實 。
16 「冇 人 點 咗 燈 之後 ，會 用 嘢 *冚 住 ，或者 放 喺 床 下面 ，而 係 會 放 喺 燈台 上面 ，等 入 嚟 嘅 人 見 到 光 。
17 隱藏 嘅 事 一定 會 顯露 出嚟 ，小心 掩蓋 嘅 事 始終 都 會 公開 ，會 俾 人 知道 。
18 所以 你哋 要 留心 聽 。邊個 有 嘅 ，就要 俾 多 啲 佢 ；邊個 冇 嘅 ，就 連 佢 自以為 有 嘅 ，都 要 攞 走 埋 。」
19 耶穌 嘅 媽媽 同埋 啲 細佬 嚟 搵 佢 ，不過 嗰度 太 多 人 ，佢哋 行 唔 到 去 耶穌 度 。
20 有 人 就 同 耶穌 講 ：「你 媽媽 同埋 細佬 企 咗 喺 出面 想 搵 你 呀 。」
21 耶穌 同 佢哋 講 ：「我 嘅 媽媽 、我 嘅 兄弟 就係 呢啲 聽 到 上帝 嘅 話語 ，然後 遵守 嘅 人 。」
22 有 一 日 ，耶穌 同 門徒 上 咗 船 。耶穌 同 佢哋 講 ：「我哋 去 湖 嘅 對面 岸 吖 。」佢哋 就 撐 隻 船 過去 。
23 隻 船 航行 嘅 時候 ，耶穌 瞓 著 咗 。湖 上 刮起 一 股 強勁 嘅 暴風 ，隻 船 幾乎 入 滿 晒 水 ，情況 非常 危急 。
24 佢哋 去 叫醒 耶穌 ，話 ：「老師 ，老師 ，我哋 就 快 冇 命 嘞 ！」耶穌 就 起身 ，斥責 狂風 巨浪 ，風浪 就 停 咗 ，周圍 就 即刻 平靜 返 嘞 。
25 耶穌 同 佢哋 講 ：「你哋 嘅 信心 去 咗 邊 呢 ？」佢哋 又 恐懼 又 震驚 ，互相 話 ：「呢個 人 到底 係 邊個 嚟 㗎 ？佢 竟然 可以 命令 風浪 ，而 風浪 又 聽 佢 話 嘅 ！」
26 佢哋 將 隻 船 停 咗 喺 加利利 對面 格拉森 人 地區 嘅 岸邊 。
27 耶穌 落 咗 船 ，一 上岸 就 有 一 個 由 城 裡面 出嚟 嘅 人 ，去 到 佢 面前 。呢個 人 俾 邪靈 附身 ，已經 好 長 時間 唔 著 衫 ，唔 住 喺 屋企 ，淨係 住 喺 墓地 。
28 佢 一 見 到 耶穌 就 大 嗌 ，跪 喺 耶穌 面前 ，大聲 話 ：「至高 上帝 嘅 仔 耶穌 ，你 嚟 呢度 做 咩 呀 ？*求 吓 你 唔好 令 我 受苦 呀 ！」
29 佢 之所以 噉 講 ，係 因為 耶穌 之前 吩咐 邪靈 *喺 呢個 人 身上 出嚟 。邪靈 曾經 多 次 *捉住 呢個 人 ，佢 亦 都 一再 俾 人 用 鎖鏈 同埋 腳鐐 鎖 住 ，俾 人 看管 。但係 佢 整 斷 鎖鏈 ，俾 邪靈 趕去 偏僻 嘅 地方 。
30 耶穌 問 佢 ：「你 叫 乜嘢 名 ？」佢 話 ：「叫 軍團 。」原來 有 好 多 邪靈 附 喺 佢 身上 。
31 佢哋 不斷 懇求 耶穌 唔好 吩咐 佢哋 去 到 無底深淵 。
32 當時 有 一 大 班 豬 喺 山 上面 食 嘢 ，佢哋 就 懇求 耶穌 准 佢哋 附 喺 豬 身上 。耶穌 俾 佢哋 噉樣 做 。
33 邪靈 就 喺 嗰個 人 身上 出嚟 ，附 喺 豬 身上 。啲 豬 就 衝 落 懸崖 *，跌 入 湖 浸 死 晒 。
34 放豬 嘅 人 見 到 呢 件 事 就 逃跑 ，喺 城 嘅 附近 同埋 城 入面 話俾 人 知 。
35 於是 啲 人 出嚟 睇 吓 發生 咗 咩 事 。佢哋 去 到 耶穌 嗰度 ，見 到 嗰個 唔 再 受 邪靈 操縱 嘅 人 著 返 衫 ，神志 清醒 ，坐 喺 耶穌 腳 前 ，佢哋 就 好 驚 。
36 親眼 見 到 嘅 人 就 話俾 佢哋 知 ，受 邪靈 操縱 嘅 人 好返 嘅 經過 。
37 格拉森 人 地區 有 好 多 人 都 非常 恐慌 ，求 耶穌 離開 佢哋 。耶穌 就 上船 離開 。
38 但係 擺脫 咗 邪靈 嗰個 人 好 想 跟隨 耶穌 ，就 不斷 懇求 佢 。不過 ，耶穌 就 叫 佢 離開 ，話 ：
39 「你 返 屋企 啦 ，要 將 上帝 為 你 做 嘅 事 宣揚 出去 。」佢 就 去 勻 全 城 ，宣揚 耶穌 為 佢 做 嘅 事 。
40 耶穌 返嚟 嘅 時候 ，民眾 歡迎 佢 ，因為 大家 都 好 期待 佢 返嚟 。
41 忽然 ，有 個 叫 做 崖魯 嘅 人 嚟到 ，佢 係 會堂 嘅 主管 。佢 跪 喺 耶穌 面前 ，懇求 耶穌 去 佢 屋企 ，
42 因為 佢 嗰個 大約 12歲 嘅 獨生女 就 快 死 嘞 。
耶穌 去 嘅 時候 ，民眾 喺 佢 周圍 逼 住 佢 。
43 有 一 個 女人 ，患 咗 流血 病症 *12年 都 冇 人 醫 得 好 佢 。
44 佢 由 後面 行 近 耶穌 ，摸 一 摸 佢 外衣 嘅 穗邊 ，就 即刻 冇 再 流血 嘞 。
45 耶穌 話 ：「邊個 摸 我 呀 ？」大家 都 話 冇 ，彼得 就 話 ：「老師 ，你 前後 左右 都 係 人 ，民眾 都 逼 住 你 ！」
46 耶穌 話 ：「一定 有 人 摸 我 ，因為 我 覺得 身上 有 力量 發 咗 出去 。」
47 呢個 女人 見 隱瞞 唔 到 ，就 戰戰兢兢 噉 行 過去 ，跪 喺 耶穌 面前 ，當眾 講 出 點解 要 摸 耶穌 ，同埋 即刻 好返 呢 件 事 。
48 耶穌 同 佢 講 ：「阿 女 ，你 嘅 信心 令 你 好返 嘞 。唔使 擔心 ，你 平安 噉 返去 啦 。」
49 耶穌 仲 講 緊 嘢 嘅 時候 ，有 人 由 會堂 主管 嘅 屋企 嚟到 ，話 ：「你 個 女 死 咗 嘞 。唔使 麻煩 老師 嘞 。」
50 耶穌 聽 到 呢 句 話 ，就 同 會堂 主管 講 ：「唔使 驚 ，即 管 表現 信心 啦 。佢 會 得救 㗎 。」
51 耶穌 去 到 佢 屋企 ，除 咗 彼得 、約翰 、雅各 同埋 個 女仔 嘅 父母 ，就 唔 俾 其他 人 跟 埋 一齊 入去 。
52 個個 都 為 個 女仔 喊 ，悲傷 噉 揼 心口 *。耶穌 話 ：「唔使 喊 ，佢 冇 死 到 ，只係 瞓 著 咗 啫 。」
53 佢哋 都 嘲笑 耶穌 ，因為 佢哋 知道 個 女仔 已經 死 咗 嘞 。
54 耶穌 拉 住 個 女仔 隻 手 ，大聲 同 佢 講 ：「細路女 ，起身 啦 ！」
55 佢 就 有 返 生命 *，即刻 起身 。耶穌 吩咐 人 拎 啲 嘢食 俾 佢 。
56 佢 嘅 父母 非常之 驚喜 。不過 ，耶穌 吩咐 佢哋 ，唔好 將 頭先 發生 嘅 事 講 俾 任何 人 知 。
