路加福音 6:1-49
6 有 一 個 安息日 ，耶穌 經過 麥田 ，佢 啲 門徒 摘 咗 啲 麥穗 ，用 手 搓 吓 ，然後 攞 嚟 食 。
2 有 幾 個 法利賽 派 嘅 人 就 話 ：「喺 安息日 做 呢啲 事 唔 合法 㗎 喎 。你哋 點解 噉 做 呀 ？」
3 耶穌 回答 佢哋 ：「有 一 次 大衛 同 跟隨 佢 嘅 人 肚餓 ，當時 佢 所 做 嘅 嘢 ，你哋 冇 讀 過 咩 ？
4 佢 入 咗 上帝 嘅 居所 *，接過 呈獻 嘅 餅 *。佢 食 咗 ，亦 都 分 俾 佢 啲 手下 。按照 法律 ，呢 種 餅 除 咗 祭司 之 外 ，邊個 都 唔 可以 食 。」
5 然後 ，耶穌 同 佢哋 講 ：「人子 就係 安息日 嘅 主 。」
6 喺 另 一 個 安息日 ，耶穌 入去 會堂 教導 人 。嗰度 有 一 個 人 ，右手 萎縮 *咗 。
7 抄經士 同 法利賽 派 嘅 人 望 實 耶穌 ，睇 吓 佢 喺 安息日 會 唔 會 醫 病 ，目的 係 要 搵 把柄 指控 佢 。
8 不過 ，耶穌 知道 佢哋 諗 緊 啲 乜嘢 ，於是 同 嗰個 右手 萎縮 *嘅 人 講 ：「起身 ，企 喺 中間 。」嗰個 人 就 起身 企 喺 嗰度 。
9 耶穌 同 嗰啲 人 講 ：「我 問 你哋 ，喺 安息日 做 邊 種 事 係 合法 嘅 呢 ？係 行善 吖 ，定係 作惡 呢 ？係 拯救 生命 吖 ，定係 殺人害命 呢 ？」
10 耶穌 望 吓 周圍 嘅 人 ，然後 同 嗰個 人 講 ：「伸 隻 手 出嚟 吖 。」佢 一 伸 手 ，手 就 好返 嘞 。
11 但係 嗰啲 人 就 怒火中燒 ，商量 點樣 對付 耶穌 。
12 喺 嗰 段 時期 ，有 一 次 耶穌 上山 禱告 。佢 向 上帝 禱告 咗 成 晚 。
13 天 一 光 ，佢 就 召集 門徒 去 佢 嗰度 ，喺 佢哋 當中 揀 咗 12個 人 ，稱為 「使徒 *」。
14 佢哋 分別 係 西門 （耶穌 亦 都 幫 佢 改名 叫 彼得 ）、西門 嘅 兄弟 安得烈 、雅各 、約翰 、腓力 、巴多羅買 、
15 馬太 、多馬 、亞勒腓 嘅 仔 雅各 、綽號 「熱心人 」嘅 西門 、
16 雅各 嘅 仔 猶大 ，同埋 後嚟 成為 叛徒 嘅 加略 人 猶大 。
17 耶穌 同 佢哋 一齊 落嚟 ，企 咗 喺 平地 。嗰度 有 佢 嘅 一 大 班 門徒 ，亦 都 有 一 大 班 民眾 ，由 全 猶地亞 、耶路撒冷 ，仲有 泰爾 同埋 西頓 一帶 嘅 沿海 地區 過嚟 ，想 聽 佢 講 說話 ，又 希望 佢哋 嘅 病 得到 醫治 。
18 就 連 嗰啲 受 邪靈 *騷擾 嘅 人 都 被 耶穌 醫好 。
19 民眾 個個 都 想 摸 吓 佢 ，因為 有 力量 喺 佢 身上 發出 ，醫好 佢哋 所有 人 。
20 耶穌 望 住 門徒 ，話 ：
「你哋 貧窮 嘅 人 有 福 *嘞 ，因為 上帝 嘅 王國 係 你哋 嘅 。
21 「你哋 而家 飢餓 嘅 人 有 福 嘞 ，因為 你哋 將會 飽足 。
「你哋 而家 哭泣 嘅 人 有 福 嘞 ，因為 你哋 將會 歡笑 。
22 「你哋 因為 人子 而 俾 人 憎恨 、排斥 、侮辱 ，俾 人 詆毀 名聲 *，你哋 就 有 福 嘞 。
23 嗰個 時候 ，你哋 要 歡欣雀躍 ，因為 你哋 喺 天上 有 豐厚 嘅 獎賞 。其實 ，嗰啲 人 嘅 祖先 都 係 噉樣 對待 先知 㗎 。
24 「你哋 富有 嘅 人 有 禍 嘞 ，因為 你哋 已經 得到 全部 安慰 。
25 「你哋 而家 飽足 嘅 人 有 禍 嘞 ，因為 你哋 將會 飢餓 。
「你哋 而家 歡笑 嘅 人 有 禍 嘞 ，因為 你哋 將會 哀痛 哭泣 。
26 「人人 都 讚美 你哋 嘅 時候 ，你哋 就 有 禍 嘞 ，因為 佢哋 嘅 祖先 都 係 噉樣 對待 假先知 嘅 。
27 「聽 緊 我 講 說話 嘅 人 ，我 話俾 你哋 聽 ：要 愛 *你哋 嘅 敵人 ，善待 憎恨 你哋 嘅 人 。
28 要 祝福 嗰啲 咀咒 你哋 嘅 人 ，為 侮辱 你哋 嘅 人 禱告 。
29 有 人 打 你 一邊 面 ，你 就 俾 埋 另 一 邊 佢 打 ；有 人 拎 走 你 嘅 外袍 ，你 就 連 內袍 都 俾 佢 拎 走 。
30 有 人 向 你 求 啲 乜嘢 ，你 都 要 俾 佢 ；有 人 攞 走 你 嘅 嘢 ，你 唔好 問 佢 攞 返 。
31 「你哋 希望 人 點樣 對待 你哋 ，你哋 就要 點樣 對待 人 。
32 「你哋 淨係 愛 嗰啲 愛 你哋 嘅 人 ，有 乜嘢 值得 稱讚 呢 ？就 連 罪人 都 愛 嗰啲 愛 佢哋 嘅 人 。
33 你哋 淨係 善待 嗰啲 善待 你哋 嘅 人 ，又 有 乜嘢 值得 稱讚 呢 ？連 罪人 都 係 噉樣 做 嘅 。
34 如果 你哋 借錢 *俾 人 ，而 期望 佢哋 償還 ，噉 有 乜嘢 值得 稱讚 呢 ？就 連 罪人 都 會 借錢 俾 罪人 ，期望 全數 收 返 。
35 相反 ，幾時 都 要 愛 你哋 嘅 敵人 ，善待 人 ，借錢 俾 人 都 唔好 期望 收 返 。噉樣 你哋 就 會 得到 豐厚 嘅 獎賞 ，亦 都 會 成為 至高者 嘅 仔女 ，因為 忘恩負義 嘅 惡人 ，佢 都 恩待 。
36 要 憐憫 人 ，就 好似 你哋 嘅 天父 憐憫 人 一樣 。
37 「唔好 再 妄自 審判 人 *，你哋 就 唔會 被 審判 ；唔好 再 譴責 人 ，你哋 就 唔會 被 譴責 。要 寬恕 *人 ，你哋 就 會 得到 寬恕 。
38 要 經常 施與 ，其他 人 就 會 向 你哋 施與 。佢哋 會 將 充足 嘅 分量 倒 入 你哋 嘅 衣袋 *，又 搖 又 壓 ，都 仲係 會 多 到 滿瀉 。你哋 用 乜嘢 量器 量 俾 人 ，對方 亦 都 會 用 乜嘢 量器 量 俾 你哋 。」
39 耶穌 又 同 佢哋 講 咗 個 比喻 ：「盲人 點 能夠 引導 盲人 呢 ？噉 嘅 話 ，唔係 兩 個 都 會 跌 落 坑 咩 ？
40 學生 *唔會 超越 老師 ，但係 受 過 全面 教導 嘅 都 會 同 老師 一樣 。
41 你 點解 望 實 弟兄 眼 入面 嘅 刺 ，但係 留意 唔 到 自己 眼 裡面 嘅 梁木 *呢 ？
42 你 連 自己 眼 裡面 嘅 梁木 都 睇 唔 到 ，又 點 可以 同 弟兄 講 ，『弟兄 ，等 我 攞 走 你 眼 入面 嘅 刺 』吖 。虛偽 嘅 人 ！你 要 攞 走 自己 眼 入面 嘅 梁木 先 ，然後 至 可以 睇 清楚 點樣 攞 走 弟兄 眼 入面 嘅 刺 。
43 「好 樹 唔會 結 壞 果實 ，壞 樹 亦 都 唔會 結 好 果實 。
44 憑 住 果實 就 知道 棵 樹 係 點樣 㗎 嘞 。例如 ，冇 人 會 喺 荊棘 度 採摘 無花果 ，亦 都 冇 人 會 喺 荊棘叢 入面 收割 葡萄 。
45 良善 嘅 人 心 裡 面 積 存 良善 ，就 表現 良善 ；邪惡 嘅 人 積存 邪惡 ，就 顯出 邪惡 。因為 人 心 裡面 充滿 啲 乜嘢 ，佢 嘅 口 就 會 講 啲 乜嘢 。
46 「你哋 點解 稱呼 我 『主 啊 ！主 啊 ！』，但係 又 唔 照 住 我 嘅 說話 去 做 呢 ？
47 我 要 話俾 你哋 知 ，如果 一 個 人 跟從 我 ，聽 我 講 嘅 嘢 ，然後 照 住 去 做 ，就 好似 一 個 點樣 嘅 人 。
48 佢 就 好似 一 個 人 起 屋 ，將 笪 地 挖到 好 深 ，深 到 去 岩石 嗰度 ，然後 喺 嗰度 打 好 地 基 。結果 洪水 嚟到 嗰陣 ，間 屋 俾 河水 沖擊 都 冇 動搖 ，因為 起 得 好 穩陣 。
49 而 嗰啲 聽 咗 我 嘅 說話 ，但係 唔 去 做 嘅 人 ，就 好似 一 個 人 喺 地面 起 屋 ，但係 冇 打 地 基 。河水 一 沖擊 ，間 屋 就 即刻 冧 咗 ，完全 被 摧毀 。」
