路加福音 5:1-39
5 有 一 次 ，耶穌 企 喺 革尼撒勒 湖 *岸邊 ，民眾 逼 埋 去 佢 身邊 ，想 聽 上帝 嘅 話語 。
2 佢 見 到 有 兩 隻 船 停 咗 喺 湖 邊 ，漁夫 落 咗 船 去 咗 洗 漁網 。
3 耶穌 就 上 咗 其中 一 隻 船 ，係 西門 嘅 船 ，又 請 佢 撐 出去 ，離 岸邊 遠 少少 嘅 地方 。然後 ，耶穌 坐 低 ，喺 船 上面 教導 民眾 。
4 耶穌 同 民眾 講完 ，就 同 西門 講 ：「撐 去 水 深 嘅 地方 吖 。你哋 要 撒網 捉 魚 。」
5 西門 回答 話 ：「老師 ，我哋 忙 咗 成 晚 ，咩 都 捉 唔 到 。不過 既然 你 噉 吩咐 ，我 就 撒網 啦 。」
6 佢哋 照 住 做 ，竟然 捉 到 *好 多 魚 ，幾乎 將 漁網 掙 爛 。
7 佢哋 即刻 打手勢 叫 另 一 隻 船 嘅 同伴 過嚟 幫手 。佢哋 嚟到 ，將 兩 隻 船 都 裝滿 晒 魚 ，兩 隻 船 都 差 啲 沉 。
8 西門 ·彼得 見 到 呢個 情景 ，就 跪 喺 耶穌 面前 話 ：「主 呀 ，離開 我 啦 ，我 係 個 罪人 。」
9 因為 捉 到 咁 多 魚 ，西門 仲有 同 佢 一齊 嘅 人 都 好 驚訝 。
10 西門 嘅 夥伴 ，西庇太 嘅 仔 雅各 同埋 約翰 ，都 覺得 好 驚訝 。耶穌 同 西門 講 ：「唔使 驚 ，從今以後 ，你 得到 *嘅 收穫 唔 再 係 魚 ，而 係 人 呀 。」
11 佢哋 將 船 靠岸 之後 ，就 揼 低 所有 嘢 ，跟隨 咗 耶穌 。
12 有 一 次 ，耶穌 喺 一 座 城 入面 ，嗰度 有 個 成 身 生 滿 痲瘋 嘅 人 。佢 一 見 到 耶穌 ，就 跪 低 下拜 ，懇求 佢 話 ：「主 呀 ，只要 你 願意 ，就 可以 令 我 好返 *㗎 喇 。」
13 耶穌 伸 手 摸 佢 ，話 ：「我 好 願意 ！你 好返 啦 。」佢 身上 嘅 痲瘋 就 即刻 消失 嘞 。
14 耶穌 吩咐 佢 唔好 講 俾 任何 人 知 ，但係 就 話 ：「去 俾 祭司 檢查 ，而且 要 獻上 摩西 規定 嘅 祭物 ，向 佢哋 證明 *你 已經 潔淨 。」
15 不過 ，耶穌 嘅 名聲 越 傳 越 遠 。雖然 經常 有 一 大 班 人 聚集 起嚟 ，想 聽 耶穌 講 說話 ，又 希望 佢 醫好 佢哋 嘅 病 ，
16 耶穌 仍然 經常 去 冇 人 嘅 地方 禱告 。
17 有 一 日 ，耶穌 教導 人 嘅 時候 ，法利賽 派 嘅 人 同埋 法典 嘅 導師 都 坐 喺 嗰度 。佢哋 係 由 加利利 、猶地亞 各個 村莊 同埋 耶路撒冷 嚟 嘅 。耶和華 *賜 力量 俾 耶穌 ，令 佢 有 能力 醫 病 。
18 有 幾 個 人 用 擔架 抬 住 一 個 癱瘓 嘅 人 ，想 送 佢 入 屋 ，放 喺 耶穌 面前 。
19 但係 因為 人 太 多 ，佢哋 冇 辦法 將 癱瘓 嘅 人 抬 入去 ，就 爬上 屋頂 ，揭開 瓦片 ，將 佢 連 擔架 一齊 放 落 下 面 嘅 人群 當中 ，放 喺 耶穌 面前 。
20 耶穌 見 到 佢哋 咁 有 信心 ，就 話 ：「朋友 ，你 嘅 罪 赦免 嘞 。」
21 抄經士 同 法利賽 派 嘅 人 喺度 討論 話 *：「呢個 人 係 邊個 呀 ，竟然 夠 膽 講 褻瀆 嘅 說話 ？除 咗 上帝 一 位 ，邊個 能夠 赦罪 呀 ？」
22 耶穌 睇 出 佢哋 諗 緊 *啲 乜嘢 ，就 話 ：「點解 你哋 要 噉樣 諗 呢 ？
23 邊 一樣 容易 啲 呢 ？係 講 『你 嘅 罪 赦免 嘞 』？定係 講 『起身 ，行 啦 』？
24 但係 為咗 令 你哋 知道 人子 *喺 地上 有 權 赦罪 ——」耶穌 同 癱瘓 嘅 人 講 ：「我 吩咐 你 ，起身 ，拎 起 你 嘅 擔架 ，返 屋企 啦 。」
25 嗰個 人 即刻 喺 大家 面前 起身 ，拎 起 佢 瞓 過 嘅 擔架 ，喺 返 屋企 嘅 路上 一直 讚美 *上帝 。
26 人人 都 非常 驚嘆 ，讚美 *上帝 ，滿心 敬畏 噉 話 ：「我哋 今日 見 到 嘅 事 太 神奇 嘞 ！」
27 之後 ，耶穌 出去 ，見 到 一 個 叫 做 利未 嘅 收稅人 ，坐 喺 收 稅 嘅 地方 ，就 同 佢 講 ：「嚟 跟隨 我 吖 。」
28 利未 就 揼 低 所有 嘢 ，起身 跟隨 耶穌 。
29 後嚟 ，利未 喺 屋企 擺設 盛宴 ，款待 耶穌 ，有 一 大 班 收稅人 同埋 其他 人 同 佢哋 一齊 食飯 。
30 法利賽 派 嘅 人 同 佢哋 嘅 抄經士 向 耶穌 嘅 門徒 埋怨 ：「你哋 點解 同 收稅人 仲有 罪人 一齊 飲飲食食 呀 ？」
31 耶穌 回答 佢哋 ：「健康 嘅 人 唔 需要 醫生 ，病 咗 嘅 人 就 需要 嘞 。
32 我 嚟 唔係 要 呼召 正義 嘅 人 ，而 係 要 呼召 罪人 悔改 。」
33 有 人 同 耶穌 講 ：「約翰 啲 門徒 經常 禁食 ，懇切 祈求 ，法利賽 派 啲 門徒 都 係 噉樣 做 吖 ，但係 你 啲 門徒 就 又 飲 又 食 嘅 。」
34 耶穌 同 佢哋 講 ：「新郎 同 朋友 一齊 嘅 時候 ，你哋 點會 叫 佢 啲 朋友 禁食 呢 ？
35 但係 時候 會 到 ，新郎 會 俾 人 帶走 ，離開 佢哋 。到 嗰 段 時期 ，佢哋 就 會 禁食 嘞 。」
36 耶穌 仲 用 比喻 同 佢哋 講 ：「冇 人 會 喺 新 嘅 外衣 撕 一 塊 布 落嚟 ，補 喺 舊 嘅 外衣 上面 。如果 噉 做 ，新 嘅 就 會 扯 爛 舊 嘅 ，而且 喺 新 衫 上面 撕 落嚟 嘅 布 ，同 件 舊 衫 亦 都 唔 襯 ；
37 亦 都 冇 人 會 將 新酒 裝 喺 舊 嘅 皮袋 入面 。如果 噉 做 ，皮袋 就 會 俾 新酒 掙 穿 ，唔單止 酒 會 漏 出嚟 ，皮袋 都 會 爛 埋 。
38 新酒 一定 要 裝 喺 新 嘅 皮袋 入面 。
39 冇 人 飲 完 陳 年老 酒 ，仲 會 想 飲 新酒 㗎 ，佢哋 實 會 話 ：『陳酒 好 啲 。』」
