路加福音 4:1-44
4 耶穌 充滿 神聖 力量 ，離開 咗 約旦 河 ，喺 曠野 入面 受 神聖 力量 引領 ，
2 一共 40日 ，期間 受到 魔鬼 引誘 。喺 曠野 嗰 段 時間 ，佢 咩 都 冇 食 ，所以 嗰 段 日子 結束 之後 ，就 覺得 肚餓 嘞 。
3 魔鬼 同 佢 講 ：「如果 你 係 上帝 嘅 仔 ，就 令 呢 塊 石頭 變成 食物 啦 。」
4 但係 耶穌 就 答 佢 ：「聖經 話 ：『人 生存 唔 可以 淨係 靠 食物 。』」
5 魔鬼 帶 佢 去 一 個 好 高 嘅 地方 ，一瞬間 就 將 世上 所有 國家 都 展示 俾 佢 睇 。
6 魔鬼 同 佢 講 ：「呢啲 國家 嘅 權力 同 榮耀 ，我 都 會 俾 晒 你 ，因為 呢 一切 已經 交 咗 比 我 ，我 想 俾 邊個 就 俾 邊個 。
7 只要 你 拜 一 拜 我 ，一 次 啫 ，呢 一切 就係 屬於 你 㗎 喇 。」
8 耶穌 就 答 佢 ：「聖經 係 噉 講 嘅 ：『要 崇拜 耶和華 *你 嘅 上帝 ，淨係 可以 敬奉 佢 。』」
9 魔鬼 帶 佢 去 耶路撒冷 ，令 佢 企 喺 聖殿 嘅 外牆 上面 *，同 佢 講 ：「如果 你 係 上帝 嘅 仔 ，就 喺 呢度 跳 落去 啦 ，
10 因為 聖經 話 ：『佢 會 命令 天使 保護 你 。』
11 又 話 ：『佢哋 會 用 手 托 住 你 ，唔會 俾 你 嘅 腳 撞 落 石頭 度 。』」
12 耶穌 回答 佢 ：「聖經 話 ：『唔 可以 試探 *耶和華 *你 嘅 上帝 。』」
13 魔鬼 用 盡 各 種 方法 引誘 耶穌 之後 ，就 離開 ，等候 其他 機會 。
14 神聖 力量 令 耶穌 大有 能力 ，佢 返 番 去 加利利 。佢 嘅 名聲 傳遍 嗰 一帶 。
15 佢 喺 會堂 入面 教導 人 ，得到 大家 嘅 尊重 。
16 耶穌 去 到 佢 長大 嘅 地方 拿撒勒 。佢 按照 慣例 喺 安息日 入 咗 會堂 ，企 起 身 ，宣讀 聖經 。
17 有 人 遞 咗 以賽亞 先知 嘅 書卷 俾 佢 ，佢 打開 書卷 ，搵 到 記載 呢 段 經文 嘅 地方 ，上面 噉樣 寫 ：
18 「耶和華 *嘅 神聖 力量 喺 我 身上 ，因為 佢 任命 *咗 我 ，要 我 向 窮人 宣揚 好消息 ，派 我 去 宣告 被 俘擄 嘅 得到 釋放 、失明 嘅 能夠 睇 到 嘢 ，令 嗰啲 受 壓迫 嘅 得到 自由 ，
19 亦 都 傳講 耶和華 *嘅 施恩 之 年 。」
20 耶穌 捲好 書卷 ，交 返 俾 會堂 助理 ，就 坐 低 。會堂 入面 所有 人 都 望 住 佢 。
21 耶穌 同 佢哋 講 ：「你哋 啱啱 聽 到 嘅 經文 ，今日 應驗 嘞 。」
22 大家 都 讚賞 佢 ，亦 都 因為 佢 講 嘅 說話 好 吸引 而 非常 驚嘆 。佢哋 話 ：「呢個 唔係 約瑟 嘅 仔 嚟 嘅 咩 ？」
23 耶穌 就 同 佢哋 講 ：「我 知道 你哋 一定 會 用 呢 句 俗語 嚟 同 我 講 ：『醫生 ，醫好 自己 先 啦 。我哋 聽 到 你 喺 迦百農 做 嘅 事 ，你 都 應該 喺 家鄉 噉樣 做 。』」
24 佢 又 話 ：「我 好 肯定 噉 同 你哋 講 ，先知 喺 自己 嘅 家鄉 一向 都 係 唔 受 歡迎 㗎 。
25 坦白 講 ，例如 喺 以利亞 嘅 日子 ，有 三 年 零 六 個 月 冇 落雨 ，所有 地方 都 有 大 饑荒 ，雖然 以色列 有 好 多 寡婦 ，
26 但係 上帝 冇 派 以利亞 去 搵 佢哋 任何 一 個 ，淨係 派 佢 去 搵 西頓 境內 撒勒法 嘅 一 個 寡婦 。
27 又 例如 ，喺 先知 以利沙 嘅 日子 ，雖然 以色列 有 好 多 痲瘋 病人 ，但係 佢哋 冇 一 個 被 醫好 *，淨係 得 敘利亞人 乃縵 先至 被 醫好 。」
28 會堂 入面 嘅 人 聽 到 呢啲 說話 ，就 怒火中燒 ，
29 起身 趕 佢 出 城 。呢 座 城 起 喺 山 上面 ，佢哋 將 佢 帶 到 山崖 ，想 推 佢 落去 。
30 不過 耶穌 喺 佢哋 中間 走 出 嚟 ，去 咗 其他 地方 。
31 耶穌 落到 去 加利利 嘅 迦百農 城 ，喺 安息日 教導 人 。
32 佢 嘅 教導 方式 令 民眾 覺得 好 驚訝 ，因為 佢 嘅 教導 係 嚟自 上帝 嘅 。
33 會堂 入面 有 個 人 ，俾 不潔 嘅 邪靈 附身 ，大 嗌 ：
34 「哼 ！拿撒勒 人 耶穌 ，你 嚟 呢度 做 咩 呀 ？*你 嚟 係咪 想 消滅 我哋 呀 ？我 清楚 知道 你 係 邊個 ，你 係 上帝 嘅 聖者 吖 嘛 。」
35 耶穌 斥責 邪靈 話 ：「收 聲 ，從 呢個 人 身上 出嚟 。」邪靈 就 喺 眾人 面前 ，令 嗰個 人 撻 低 ，然後 先至 喺 嗰個 人 身上 出嚟 ，冇 傷害 佢 。
36 大家 都 好 驚訝 ，討論 話 ：「呢個 人 講嘢 咁 有 力量 ，咁 有 權威 嘅 ！連 邪靈 *都 聽 佢 嘅 吩咐 ，喺 人 嘅 身上 出嚟 呀 。」
37 於是 耶穌 嘅 名聲 傳遍 嗰 一帶 每 個 角落 。
38 耶穌 離開 會堂 ，入 咗 西門 屋企 。西門 嘅 外母 發 緊 高 燒 ，有 人 請 耶穌 幫 佢 。
39 耶穌 企 喺 佢 身邊 ，醫好 *佢 嘅 熱病 ，佢 就 退 咗 燒 ，跟住 佢 即刻 起身 ，為 佢哋 準備 食物 。
40 日落 嘅 時候 ，啲 人 將 患 咗 各 種 疾病 嘅 人 帶去 耶穌 嗰度 。耶穌 逐一 將 手 放 喺 佢哋 身上 ，醫好 佢哋 。
41 耶穌 亦 都 將 邪靈 喺 好 多 人 身上 驅逐 出嚟 ，啲 邪靈 大 嗌 話 ：「你 係 上帝 嘅 仔 。」耶穌 斥責 佢哋 ，唔 准 佢哋 講嘢 ，因為 邪靈 知道 佢 係 基督 。
42 天 一 光 ，耶穌 就 離開 ，去 咗 一 個 偏僻 嘅 地方 。民眾 四圍 去 搵 佢 ，搵 到 之後 ，就 挽留 佢 ，求 佢 唔好 走 。
43 但係 耶穌 同 佢哋 講 ：「我 亦 都 要 去 其他 城 ，宣揚 上帝 王國 嘅 好消息 ，因為 我 係 為咗 呢 件 事 被 派 嚟 㗎 。」
44 於是 耶穌 去 猶地亞 各個 地方 嘅 會堂 傳道 。
