路加福音 23:1-56
23 嗰 一 大 班 人 全部 起身 ，將 耶穌 押去 彼拉多 嗰度 ，
2 開始 指控 佢 話 ：「我哋 發現 呢個 人 煽動 我哋 啲 同胞 造反 ，唔 准 人 納稅 俾 凱撒 ，仲 話 自己 係 基督 ，係 王 。」
3 彼拉多 問 耶穌 ：「你 係咪 猶太 人 嘅 王 呀 ？」耶穌 答 ：「冇 錯 ，我 係 *。」
4 彼拉多 同 祭司長 仲有 嗰 班 人 講 ：「我 查 唔 出 呢個 人 有 咩 罪 喎 。」
5 但係 佢哋 堅持 話 ：「佢 喺 全 個 猶地亞 傳道 ，煽動 民眾 ，由 加利利 開始 ，仲 嚟到 呢度 添 。」
6 彼拉多 一 聽 到 ，就 問 呢個 人 係 唔 係 加利利 人 。
7 佢 一 知道 耶穌 嚟自 希律 管轄 嘅 地區 ，就 將 佢 送去 希律 嗰度 。當時 希律 都 喺 耶路撒冷 。
8 希律 見 到 耶穌 ，就 好 開心 ，因為 佢 聽聞 耶穌 嘅 事 ，早 就 想 見 佢 ，想 睇 佢 施行 神跡 。
9 希律 盤問 咗 耶穌 好 耐 ，但係 耶穌 咩 都 冇 答 佢 。
10 不過 祭司長 同 抄經士 不斷 上前 ，極力 指控 佢 。
11 希律 同 佢 啲 士兵 一齊 侮辱 耶穌 ，戲弄 佢 ，同 佢 著上 華麗 嘅 衫 ，然後 將 佢 押 返去 彼拉多 嗰度 。
12 就 喺 嗰 一 日 ，希律 同 彼拉多 做 咗 朋友 ，以前 佢哋 一直 互相 敵視 。
13 彼拉多 召集 祭司長 、民間 首領 同埋 民眾 嚟 ，
14 同 佢哋 講 ：「你哋 將 呢個 人 帶 嚟 我 呢度 ，話 佢 煽動 民眾 造反 ，但係 你哋 睇 ，我 喺 你哋 面前 審問 過 佢 ，你哋 告 佢 嘅 罪狀 ，我 搵 唔 到 任何 根據 。
15 希律 都 搵 唔 到 ，就 將 佢 押 返嚟 呢度 ，噉 即係 話 佢 實在 冇 犯 咩 死罪 。
16 我 會 懲戒 佢 ，然後 放 咗 佢 。」
17 －－－*
18 但係 民眾 一齊 大聲 嗌 ：「殺 咗 佢 ！釋放 巴拉巴 ！」
19 呢個 巴拉巴 係 因為 參與 城 入面 嘅 叛亂 同埋 殺人 而 坐監 嘅 。
20 彼拉多 想 釋放 耶穌 ，就 同 佢哋 講 多 次 同樣 嘅 說話 。
21 但係 佢哋 更加 大聲 噉 嗌 ：「處死 佢 ！喺 木柱 度 處死 佢 ！」
22 彼拉多 第 三 次 同 佢哋 講 ：「點解 呀 ？呢個 人 做 咗 咩 壞事 呢 ？我 查 唔 到 佢 犯 咗 咩 死罪 。我 會 懲戒 佢 ，然後 放 咗 佢 。」
23 佢哋 就 大聲 催逼 彼拉多 ，堅持 要 將 耶穌 處死 *，結果 佢哋 嘅 呼喊聲 佔 咗 上風 。
24 彼拉多 就 決定 滿足 佢哋 嘅 要求 。
25 佢 釋放 咗 佢哋 要 嘅 人 ，就係 嗰個 因為 叛亂 同 殺人罪 而 坐監 嘅 人 ，又 按照 佢哋 嘅 意思 將 耶穌 交 出嚟 ，要 將 佢 處死 。
26 佢哋 將 耶穌 押走 嘅 時候 ，捉 咗 一 個 叫 西門 嘅 昔蘭尼 人 ，佢 啱啱 由 城 外 嚟到 。佢哋 將 苦刑柱 放 喺 佢 膊頭 ，要 佢 孭 住 ，跟 喺 耶穌 後面 。
27 有 一 大 班 人 跟住 耶穌 ，包括 一啲 婦女 ，呢啲 婦女 悲傷 噉 揼 住 心口 ，為 佢 放聲 哀哭 。
28 耶穌 擰轉身 ，同 佢哋 講 ：「耶路撒冷 嘅 婦女 啊 ，唔好 為咗 我 喊 ，為 你哋 同 你哋 嘅 仔女 喊 啦 。
29 時候 會 到 ，啲 人 會 話 ：『不育 嘅 、冇 生 過 仔女 嘅 、冇 乳養 嬰兒 嘅 婦女 有 福 嘞 *！』
30 到時 ，佢哋 會 同 高山 講 ：『傾倒 喺 我哋 身上 啦 ！』同 山丘 講 ：『遮 住 我哋 啦 ！』
31 而家 棵 樹 仲有 水分 嘅 時候 已經 發生 啲 噉 嘅 事 ，到 棵 樹 枯乾 嘅 時候 又 會 點 呢 ？」
32 仲有 兩 個 罪犯 都 同 耶穌 一齊 被 帶去 處決 。
33 佢哋 到 咗 一 個 叫 「骷髏頭 」嘅 地方 ，士兵 就 喺 嗰度 將 耶穌 釘 喺 木柱 ，亦 都 將 嗰 兩 個 罪犯 掛 喺 佢 側 邊 嘅 木柱 ，一 個 喺 佢 右邊 ，一 個 喺 佢 左邊 。
34 耶穌 話 ：「爸爸 ，求 你 寬恕 佢哋 ，因為 佢哋 唔 知道 自己 做 緊 乜嘢 。」士兵 抽籤 分 咗 耶穌 嘅 衫 。
35 啲 人 企 喺度 望 住 ，有啲 民間 首領 嘲笑 佢 ，話 ：「其他 人 佢 都 救 到 咯 ，如果 佢 係 上帝 揀選 嘅 基督 ，就 等 佢 救 吓 自己 啦 ！」
36 啲 士兵 都 戲弄 佢 ，行 上前 遞 酸酒 俾 佢 ，
37 仲 話 ：「如果 你 係 猶太 人 嘅 王 ，救 吓 你 自己 啦 ！」
38 喺 佢 頭 上面 嘅 地方 安 咗 個 牌 ，上面 寫 住 ：「呢個 係 猶太 人 嘅 王 。」
39 掛 喺 柱 上 嘅 一 個 罪犯 侮辱 耶穌 話 ：「你 唔係 基督 咩 ？救 吓 你 自己 ，都 救 吓 我哋 啦 ！」
40 另 一 個 罪犯 就 斥責 佢 ，話 ：「你 都 受到 同樣 嘅 判決 ，唔通 你 一啲 都 唔 驚 上帝 嘅 咩 ？
41 我哋 以前 做 過 啲 乜嘢 ，而家 就 有 乜嘢 下場 ，我哋 係 罪有應得 㗎 。但係 呢個 人 冇 做 過 乜嘢 錯事 。」
42 佢 仲 話 ：「耶穌 ，你 作王 之後 *，求 你 記得 我 。」
43 耶穌 同 佢 講 ：「我 今日 好 肯定 噉 同 你 講 ，你 會 同 我 一齊 喺 樂園 裡面 。」
44 大約 中午 12點 *，黑暗 籠罩 整個 地區 *，直到 下晝 3點 *，
45 一絲 陽光 都 冇 ，聖殿 嘅 帷幔 *都 由 中間 裂開 兩邊 。
46 耶穌 大聲 呼喊 話 ：「爸爸 ，我 將 我 嘅 生命 *託付 喺 你 嘅 手 。」佢 講完 呢 句 說話 ，就 斷 咗 氣 。
47 軍官 見 到 發生 嘅 事 ，就 讚美 *上帝 ，話 ：「佢 真係 個 正義 嘅 人 呀 ！」
48 聚集 喺 旁邊 嘅 民眾 見 到 發生 嘅 事 ，就 好 悲傷 ，揼 住 心口 返 屋企 。
49 所有 同 耶穌 相識 嘅 人 ，包括 嗰啲 由 加利利 跟住 耶穌 嚟到 嘅 婦女 ，都 離遠 企 喺度 ，睇 住 呢啲 事 發生 。
50 有 一 個 人 叫 約瑟 ，係 公議會 嘅 成員 。佢 為人 良善 正義 ，
51 冇 投票 支持 公議會 啲 人 嘅 計劃 同埋 行動 。佢 嚟自 猶地亞人 嘅 城 亞利馬太 ，一直 等待 上帝 嘅 王國 。
52 佢 去 見 彼拉多 ，請求 領取 耶穌 嘅 遺體 。
53 佢 將 遺體 攞 落嚟 之後 ，就 用 上等 細麻布 包 好 ，安放 喺 一 個 墓穴 入面 。嗰個 墓穴 係 由 岩石 鑿 出嚟 嘅 ，從來 都 冇 埋葬 過人 。
54 嗰 日 係 預備日 ，安息日 就 快 開始 嘞 。
55 嗰啲 同 耶穌 一齊 由 加利利 嚟 嘅 婦女 都 去 睇 吓 個 墓穴 ，見 到 佢哋 安放 好 耶穌 嘅 遺體 ，
56 就 返去 準備 香料 同 馨香油 。到 咗 安息日 ，佢哋 遵照 誡命 休息 。
