路加福音 22:1-71
22 無酵節 ，亦 都 稱為 逾越節 ，就 快 到 嘞 。
2 祭司長 同 抄經士 想 殺死 耶穌 ，但係 因為 懼怕 民眾 ，一直 想 搵 個 好 方法 落手 。
3 加略 人 猶大 本來 係 十二 使徒 之 一 。佢 俾 撒但 影響 *咗 內心 ，
4 佢 就 去 同 祭司長 仲有 守殿官 商量 點樣 出賣 耶穌 。
5 佢哋 好 開心 ，應承 俾 錢 *佢 。
6 佢 同意 咗 ，就 開始 搵 機會 出賣 耶穌 ，想 等 周圍 冇 民眾 嗰陣 將 耶穌 交 俾 佢哋 。
7 無酵節 到 嘞 ，啲 人 會 喺 呢 一 日 宰殺 逾越節 嘅 祭牲 。
8 耶穌 就 派 彼得 同 約翰 出去 ，話 ：「你哋 去 ，為 我哋 準備 逾越節 嘅 晚餐 。」
9 佢哋 問 ：「你 想 我哋 喺 邊度 準備 呢 ？」
10 佢 話 ：「你哋 入 咗 城 ，就 會 遇 到 一 個 人 ，佢 拎 住 裝 水 嘅 瓦器 ，你哋 要 跟住 佢 ，入去 佢 入 嘅 嗰 間 屋 。
11 你哋 要 同 屋主 講 ：『老師 問 ，佢 同 門徒 一齊 食 逾越節 晚餐 嘅 客房 喺 邊度 呢 ？』
12 嗰個 人 就 會 帶 你哋 去 睇 樓上 一 個 闊落 嘅 房間 ，裡面 家具 齊全 。你哋 就 喺 嗰度 準備 啦 。」
13 佢哋 去 到 ，發現 情形 同 耶穌 講 嘅 一樣 。佢哋 就 準備 好 逾越節 嘅 晚餐 。
14 時候 到 嘞 ，耶穌 同 使徒 一齊 食 晚餐 *。
15 耶穌 同 佢哋 講 ：「我 真係 好 想 喺 受苦受難 之前 ，同 你哋 一齊 食 呢個 逾越節 嘅 晚餐 。
16 我 話俾 你哋 知 ，我 唔會 再 食 呢個 晚餐 ，直到 所有 同 呢個 晚餐 有關 嘅 事 喺 上帝 嘅 王國 實現 。」
17 有 人 遞 咗 杯 酒 俾 耶穌 ，佢 拎 過嚟 ，禱告 感謝 之後 ，話 ：「你哋 拎 去 ，大家 傳 嚟 飲 吖 。
18 我 話俾 你哋 知 ，從今以後 ，我 唔會 再 飲 葡萄酒 ，直到 上帝 嘅 王國 嚟到 。」
19 耶穌 又 拎 起 餅 ，感謝 上帝 ，搣 開 遞 俾 佢哋 ，話 ：「呢個 指 嘅 係 我 嘅 身體 ，係 為 你哋 犧牲 嘅 。你哋 要 不斷 噉樣 做 嚟 紀念 我 。」
20 耶穌 亦 都 喺 晚餐 之後 拎 起 杯 ，話 ：「呢個 指 嘅 係 憑 我 嘅 血 訂立 嘅 新約 。我 嘅 血 係 為 你哋 流出 嚟 嘅 。
21 「你哋 睇 ，出賣 我 嘅 人 同 我 一齊 食 緊 飯 。
22 冇 錯 ，人子 係 要 按照 指定 嘅 方式 離開 你哋 嘅 ，不過 出賣 人子 嘅 人 有 禍 嘞 ！」
23 佢哋 就 開始 議論 ，到底 佢哋 當中 邊個 做 得出 噉 嘅 事 。
24 但係 ，使徒 又 激烈 噉 爭論 佢哋 邊 一 個 最大 。
25 耶穌 同 佢哋 講 ：「列國 嘅 君王 轄制 人民 ，掌權 管理 佢哋 嘅 有 『恩主 』嘅 稱號 。
26 但係 你哋 唔好 噉樣 。你哋 中間 最大 嘅 ，應該 好似 最 年輕 嘅 ；帶頭 嘅 ，應該 好似 為人服務 嘅 。
27 用 餐 嘅 同 喺 旁邊 服務 嘅 ，邊個 大 啲 呢 ？唔係 用 餐 嗰個 咩 ？但係 我 喺 你哋 中間 係 為 你哋 服務 嘅 。
28 「我 受 考驗 嘅 時候 ，你哋 冇 離棄 我 。
29 我 爸爸 已經 同 我 立約 ，將 王國 賜 俾 我 ，而家 我 都 同 你哋 立約 ，等 你哋 都 得到 王國 ，
30 噉樣 你哋 就 可以 喺 我 嘅 王國 入面 ，同 我 同席 用 餐 ，而且 坐 喺 寶座 審判 以色列 12個 部族 。
31 「西門 ，西門 ，撒但 一直 要 好似 篩 小麥 噉 篩 你哋 所有 人 。
32 不過 我 已經 為 你 懇切 祈求 ，祈求 你 唔會 失去 信心 。你 悔改 回頭 之後 ，要 幫助 你 嘅 弟兄 堅強 起嚟 。」
33 彼得 話 ：「主 啊 ，我 已經 準備 好 同 你 一齊 坐監 ，同 你 一齊 死 㗎 喇 。」
34 耶穌 話 ：「彼得 ，我 話俾 你 知 ，今日 雞 叫 之前 ，你 會 三 次 唔 肯 認 我 。」
35 耶穌 又 同 佢哋 講 ：「我 之前 派 你哋 出去 ，你哋 冇 帶 錢袋 、糧袋 同 鞋 ，嗰時 你哋 有 冇 缺乏 啲 咩 ？」佢哋 話 ：「冇 ！」
36 耶穌 話 ：「而家 ，有 錢袋 嘅 要 帶 錢袋 ，有 糧袋 嘅 要 帶 糧袋 ，冇 劍 嘅 要 賣 咗 外衣 去 買 劍 。
37 我 話俾 你哋 知 ，聖經 講 過 『佢 俾 人 當做 罪犯 *』，呢 句 說話 一定 會 應驗 喺 我 身上 。冇 錯 ，同 我 有關 嘅 事 已經 應驗 緊 。」
38 佢哋 話 ：「主 啊 ，你 睇 ！呢度 有 兩 把 劍 。」耶穌 話 ：「噉 就 夠 嘞 。」
39 耶穌 照常 去 橄欖山 ，門徒 都 跟住 去 。
40 到 咗 嗰度 ，耶穌 同 佢哋 講 ：「你哋 要 不斷 禱告 ，噉 就 唔會 喺 引誘 下 屈服 。」
41 耶穌 離開 佢哋 ，行 遠 少少 *，跪 低 禱告 ，
42 話 ：「爸爸 啊 ，如果 你 願意 ，求 你 為 我 拎 走 呢個 杯 *。不過 唔好 照 我 嘅 意思 去 做 ，而 係 照 你 嘅 意思 去 做 。」
43 有 一 個 天使 喺 天上 嚟到 ，出現 喺 耶穌 面前 ，為 佢 加添 力量 。
44 佢 非常 痛苦 ，更加 懇切 噉 禱告 。佢 嘅 汗珠 好似 血 噉 ，滴 喺 地上 。
45 禱告 之後 ，佢 企 起 身 行 去 門徒 嗰度 ，見 到 佢哋 因為 好 傷心 ，攰 到 眼 都 擘 唔 大 ，
46 就 同 佢哋 講 ：「點解 你哋 喺度 瞓覺 呢 ？起身 啦 ，要 不斷 禱告 ，噉 就 唔會 喺 引誘 下 屈服 嘞 。」
47 耶穌 仲 未 講完 ，十二 使徒 當中 叫 做 猶大 嘅 ，帶 住 一 班 人 嚟 咗 。佢 行 過去 親吻 耶穌 。
48 耶穌 同 佢 講 ：「猶大 ，你 錫 人子 ，係咪 為咗 出賣 佢 呀 ？」
49 耶穌 身邊 嘅 人 見 到 噉 嘅 情勢 ，就 話 ：「主 啊 ，我哋 攞 劍 斬 佢哋 好 唔 好 呀 ？」
50 佢哋 其中 一 個 人 向 大祭司 嘅 奴隸 斬 落去 ，削 咗 佢 隻 右耳 落嚟 。
51 耶穌 就 話 ：「停手 ！唔好 噉樣 ！」佢 摸 一 摸 嗰個 人 嘅 耳仔 ，醫 返 好 佢 。
52 耶穌 同 嗰啲 嚟 捉 佢 嘅 祭司長 、守殿官 同 長老 講 ：「唔通 我 係 賊 ，要 你哋 帶 埋 劍 同埋 棍 嚟 捉 我 咩 ？
53 我 同 你哋 一樣 日日 都 喺 聖殿 ，你哋 都 冇 落手 捉 我 。而家 係 你哋 嘅 時候 ，黑暗 掌權 嘞 。」
54 佢哋 逮捕 咗 耶穌 ，帶走 咗 佢 ，押去 大祭司 嘅 府第 。彼得 離 遠 跟住 。
55 佢哋 喺 庭院 生火 ，一齊 坐 低 ，彼得 都 坐 喺 佢哋 當中 。
56 有 個 女僕 見 到 彼得 面向 火光 坐 喺度 ，就 望 實 佢 ，然後 話 ：「呢個 人 都 係 同 嗰個 人 一齊 㗎 噃 。」
57 彼得 否認 話 ：「我 唔 識 佢 㗎 。」
58 過 咗 一 陣 ，又 有 一 個 人 見 到 彼得 ，話 ：「你 都 係 同 佢哋 一齊 㗎 喎 。」彼得 話 ：「我 唔係 呀 ，大哥 。」
59 大概 一 個 鐘 之後 ，又 有 一 個 人 一口咬定 話 ：「呢個 人 真係 同 嗰個 人 一齊 嘅 哩 ，因為 佢 係 個 加利利 人 ！」
60 彼得 話 ：「大哥 ，我 都 唔 知 你 講 乜 。」佢 都 未 講完 ，雞 就 叫 嘞 。
61 主 擰轉身 ，望 住 彼得 ，彼得 諗 起 主 同 佢 講 過 嘅 說話 ：「今日 雞 叫 之前 ，你 會 三 次 唔 肯 認 我 。」
62 佢 就 出去 ，傷心 痛哭 。
63 看守 耶穌 嘅 人 嘲笑 戲弄 佢 ，打 佢 ，
64 仲 蒙住 佢 塊 面 ，問 佢 ：「先知 你 講 吖 ，係 邊個 打 你 呀 ？」
65 佢哋 亦 都 講 咗 好 多 褻瀆 佢 嘅 說話 。
66 天 一 光 ，人民 嘅 長老 議會 ，包括 祭司長 同 抄經士 ，就 聚集 埋 一齊 ，將 耶穌 帶 入 佢哋 嘅 公議會 大廳 ，佢哋 話 ：
67 「如果 你 係 基督 ，就 講 出嚟 啦 。」耶穌 同 佢哋 講 ：「就算 我 話俾 你哋 知 我 係 ，你哋 都 絕對 唔會 相信 。
68 就算 我 問 你哋 問題 ，你哋 都 唔會 答 我 。
69 但係 從今以後 ，人子 會 坐 喺 大能者 上帝 嘅 右邊 。」
70 佢哋 個個 都 話 ：「噉 你 係 唔 係 上帝 嘅 仔 吖 ？」耶穌 同 佢哋 講 ：「係 ，我 係 *。」
71 佢哋 話 ：「我哋 仲 需要 其他 證詞 咩 ？佢 親口 講 嘅 ，我哋 都 親耳 聽 到 嘞 。」
