路加福音 2:1-52
2 喺 嗰 段 時期 ，凱撒 奧古斯都 頒布 法令 ，要 喺 全 個 帝國 *進行 戶籍 登記 。
2 呢 次 係 第 一 次 登記 ，係 喺 居里紐 做 敘利亞 總督 嗰陣 進行 㗎 。
3 人人 都 返 番 去 自己 出世 嘅 城 登記 。
4 於是 約瑟 就 喺 加利利 嘅 拿撒勒 城 出嚟 ，上 猶地亞 ，去 大衛 嘅 故鄉 伯利恆 城 ，因為 佢 係 大衛 家族 嘅 人 。
5 佢 帶 住 馬利亞 一齊 去 登記 戶籍 。當時 馬利亞 已經 按照 婚約 嫁 咗 俾 約瑟 ，而且 就 快 生 得 嘞 。
6 佢哋 去 到 嗰度 之後 ，馬利亞 嘅 產期 到 嘞 。
7 佢 生 咗 一 個 仔 ，就係 佢 嘅 長子 。由於 住宿 嘅 地方 滿 晒 ，冇 地方 俾 佢哋 住 。馬利亞 就 用 布 包 住 個 仔 ，放 喺 飼槽 入面 。
8 嗰 一帶 有啲 牧人 喺 野外 露宿 ，成 晚 喺 嗰度 守護 羊群 。
9 突然 之 間 ，耶和華 *嘅 天使 企 喺 佢哋 面前 ，嚟自 耶和華 *嘅 亮光 四面 照 住 佢哋 ，佢哋 就 非常之 驚 。
10 天使 同 佢哋 講 ：「你哋 唔使 驚 ，我 有 好消息 話俾 你哋 知 。呢個 好消息 會 令 所有 人 非常之 喜樂 。
11 你哋 嘅 救主 今日 喺 大衛 嘅 故鄉 誕生 嘞 ，佢 就係 主 基督 。
12 你哋 會 搵 到 一 個 嬰兒 ，用 布 包 住 ，瞓 喺 飼槽 入面 ，憑 住 呢個 特徵 你哋 就 可以 認到 佢 嘞 。」
13 突然 之 間 ，有 一 大 隊 天軍 ，同 嗰個 天使 一齊 讚美 上帝 ，佢哋 話 ：
14 「喺 天上 ，榮耀 歸於 上帝 ；喺 地上 ，平安 *降臨 喺 佢 認可 嘅 人 身上 。」
15 嗰啲 天使 離開 佢哋 返 番 去 天上 ，牧人 互相 話 ：「耶和華 *話 咗 俾 我哋 知 伯利恆 發生 咗 咩 事 ，我哋 一定 要 去 嗰度 睇 吓 。」
16 佢哋 即刻 趕 路 ，果然 搵 到 馬利亞 、約瑟 同埋 瞓 喺 飼槽 入面 嘅 嬰兒 。
17 佢哋 見 到 之後 ，就 將 天使 宣講 ，關於 呢個 小朋友 嘅 信息 話俾 所有 人 知 。
18 聽 到 牧人 講 嘅 嘢 ，大家 都 好 驚訝 。
19 而 馬利亞 就 記住 呢 一切 ，喺 心 入面 反覆 沉思 。
20 牧人 返 番 去 ，由於 佢哋 聽 到 、睇 到 嘅 同 天使 講 嘅 完全 一樣 ，就 尊崇 *同 讚美 上帝 。
21 喺 第 八 日 ，亦 即係 個 小朋友 接受 割禮 嘅 嗰 日 ，呢個 小朋友 改 咗 個 名 ，叫 做 耶穌 。呢個 名 就係 馬利亞 懷孕 之前 ，天使 俾 㗎 。
22 後嚟 ，按照 摩西 法典 行 潔淨 儀式 嘅 時候 到 嘞 ，佢哋 帶 住 個 仔 上去 耶路撒冷 ，將 佢 呈獻 俾 耶和華 *，
23 因為 耶和華 *嘅 法典 話 ：「所有 頭生 嘅 ，無論 係 男仔 ，定係 雄 性 牲畜 ，都 要 成聖 *，歸 耶和華 *所有 。」
24 佢哋 仲 獻上 祭物 ，就係 耶和華 *嘅 法典 所 講 嘅 「一 對 斑鳩 或者 兩 隻 雛鴿 」。
25 喺 耶路撒冷 ，有 一 個 人 叫 做 西緬 。呢個 人 又 正義 又 虔誠 ，一直 期待 上帝 令 以色列 得到 安慰 ，而 佢 身上 亦 都 有 神聖 力量 。
26 唔單止 噉 ，上帝 通過 神聖 力量 令 佢 知道 ，喺 佢 死 之前 會 見 到 耶和華 *揀選 嘅 基督 。
27 神聖 力量 引領 佢 入 咗 聖殿 。耶穌 嘅 父母 都 入 咗 聖殿 ，佢哋 抱住 年幼 嘅 耶穌 ，要 為 佢 履行 法典 規定 嘅 事 ，
28 西緬 就 將 個 小朋友 抱 過嚟 ，讚美 上帝 話 ：
29 「至高 嘅 主宰 啊 ，而家 照 你 講 過 嘅 說話 ，俾 你 嘅 奴隸 安然 離世 啦 ，
30 因為 我 已經 親眼 見 到 你 任用 嘅 救主 ，
31 你 將 佢 賜下 ，令 萬族 都 睇 得 見 。
32 佢 係 啟蒙 外族人 嘅 光 ，亦 都 係 你 子民 以色列 人 嘅 榮耀 。」
33 小朋友 嘅 父母 聽 到 佢 噉樣 講 ，就 覺得 好 驚訝 。
34 西緬 祝福 佢哋 ，但係 亦 都 同 小朋友 嘅 媽媽 馬利亞 講 ：「喺 以色列 ，有 好 多 人 會 因為 呢 個 小朋友 被 任用 而 跌倒 ，亦 都 有 好 多 人 會 因為 佢 而 起嚟 ；佢 亦 會 成為 被 詆毀 嘅 對象 ，
35 佢 會 將 好 多 人 心 底 嘅 諗法 顯露 出嚟 。你 會 好 痛苦 ，好似 俾 利劍 刺穿 一樣 。」
36 有 一 個 女先知 安娜 ，係 亞設 部族 法內勒 嘅 女 。佢 已經 上 咗 年紀 。喺 佢 結婚 之後 *同 丈夫 一齊 生活 咗 七 年 ，
37 就 做 咗 寡婦 ，而家 84歲 嘞 。佢 從來 都 冇 唔 去 聖殿 ，日夜 都 敬奉 上帝 ，又 禁食 又 懇切 祈求 。
38 就 喺 嗰個 時候 ，佢 行 上前 感謝 上帝 ，又 將 呢個 小朋友 嘅 事 話俾 所有 期待 耶路撒冷 得救 嘅 人 知 。
39 耶穌 嘅 父母 做 好 耶和華 *嘅 法典 規定 嘅 一切 之後 ，就 返 番 加利利 ，去 到 佢哋 嘅 家鄉 拿撒勒 。
40 呢個 小朋友 慢慢 長大 ，越 嚟 越 強壯 ，充滿 智慧 ，佢 一直 得到 上帝 嘅 認可 。
41 耶穌 嘅 父母 每年 都 按照 慣例 去 耶路撒冷 守 逾越節 。
42 耶穌 12歲 嗰 年 ，佢哋 亦 都 按照 慣例 ，如常 上去 守 節期 。
43 節期 結束 嘞 ，大家 返去 嘅 時候 ，年輕 嘅 耶穌 留 咗 喺 耶路撒冷 ，不過 佢 嘅 爸爸 媽媽 冇 為 意 。
44 佢哋 一直 以為 耶穌 喺 同行 嘅 人群 當中 ，所以 行 咗 一 日 嘅 路程 ，先至 開始 喺 親戚 同埋 認識 嘅 人 當中 搵 佢 ，
45 但係 搵 唔 到 。佢哋 就 返 番 去 耶路撒冷 仔細 噉 搵 。
46 過 咗 三 日 ，佢哋 發現 耶穌 喺 聖殿 入面 ，坐 咗 喺 啲 老師 中間 ，一路 聽 一路 問 。
47 所有 聽 到 佢 講嘢 嘅 人 ，都 對 佢 嘅 理解力 同 對答 非常之 驚嘆 。
48 佢 父母 見 到 佢 喺度 ，就 好 驚訝 。佢 媽媽 同 佢 講 ：「仔 啊 ，點解 你 噉樣 對 我哋 呀 ？我 同 你 爸爸 好 心 急 ，周圍 去 搵 你 呀 ！」
49 佢 回答 話 ：「點解 你哋 要 周圍 搵 我 呢 ？你哋 唔 知 我 一定 喺 我 爸爸 屋企 咩 ？」
50 但係 佢哋 唔 理解 耶穌 講 嘅 係 咩 意思 。
51 耶穌 同 父母 一齊 落去 ，返 到 拿撒勒 。佢 繼續 順服 父母 。佢 媽媽 將 呢 一切 都 謹記 在 心 。
52 耶穌 逐漸 長大 ，越 嚟 越 有 智慧 ，更加 得到 上帝 同埋 人 嘅 喜愛 。
