路加福音 17:1-37
17 耶穌 同 門徒 講 ：「絆腳石 出現 係 無 可 避免 㗎 ，但係 將 絆腳石 帶 嚟 嘅 人 有 禍 嘞 ！
2 呢 種 人 頸 上面 掛 一 塊 大 磨石 ，俾 人 揼 落 海 ，都 好過 佢 令 呢度 一 個 卑微 嘅 人 跌倒 呀 。
3 你哋 要 小心 。你 嘅 弟兄 犯 咗 罪 ，你 就要 嚴厲 警告 佢 ；如果 佢 悔改 ，就要 寬恕 佢 。
4 就算 佢 一 日 得罪 你 七 次 ，每 一 次 都 返嚟 同 你 講 ，『我 悔改 嘞 』，你 都 要 寬恕 佢 。」
5 使徒 同 主 講 ：「求 你 令 我哋 有 更 堅強 嘅 信心 *吖 。」
6 主 就 話 ：「就算 你哋 嘅 信心 得 芥菜 種子 咁 細 ，只要 你哋 同 呢 棵 黑桑樹 講 ，『連根拔起 ，種 喺 海 入面 啦 』，棵 樹 都 會 服從 你哋 。
7 「當 奴隸 喺 田 度 犁 完 地 ，或者 佢 牧羊 返嚟 之後 ，你哋 有 邊個 會 同 佢 講 『快 啲 過嚟 坐 低 食飯 吖 』？
8 梗 係 唔會 啦 ，你 會 同 佢 講 『你 著 返 條 圍裙 ，同 我 準備 晚餐 ，服侍 我 。等 我 食 完 之後 ，你 先 可以 食 』。
9 奴隸 做 好 主人 派 佢 去 做 嘅 嘢 ，唔通 主人 要 同 佢 講 多謝 咩 ？
10 同樣 ，你哋 做 好 主人 委派 嘅 所有 嘢 ，都 要 講 ：『我哋 係 冇 用 嘅 奴隸 。我哋 做 嘅 ，只係 盡 本分 啫 。』」
11 耶穌 去 耶路撒冷 嘅 途中 ，經過 撒馬利亞 同 加利利 交界 嘅 地方 。
12 佢 去 到 一 個 村莊 ，有 十 個 痲瘋 病人 見 到 佢 ，不過 佢哋 都 離 遠 企 喺度 。
13 佢哋 大 嗌 ：「耶穌 啊 ，老師 ，可憐 吓 我哋 啦 ！」
14 耶穌 見 到 佢哋 ，就 同 佢哋 講 ：「你哋 去 俾 祭司 檢查 吓 。」佢哋 就 離開 ，途中 已經 好返 *。
15 其中 一 個 人 見 自己 好返 ，就 返嚟 大聲 讚美 *上帝 。
16 佢 跪 喺 耶穌 腳 前 下拜 ，多謝 耶穌 。呢個 人 係 撒馬利亞 人 。
17 耶穌 話 ：「唔係 有 十 個 人 醫好 咗 *嘅 咩 ？其餘 九 個 喺 邊 呢 ？
18 除 咗 呢個 外族人 ，冇 人 返嚟 讚美 *上帝 嘞 咩 ？」
19 耶穌 同 佢 講 ：「起身 ，走 啦 。你 嘅 信心 令 你 好返 嘞 。」
20 法利賽 派 嚟 問 耶穌 ，上帝 嘅 王國 會 喺 幾時 嚟到 。耶穌 答 佢哋 ：「上帝 嘅 王國 唔會 以 萬眾矚目 嘅 方式 嚟到 。
21 唔會 有 人 話 ，『你 睇 ，喺 呢度 』，亦 都 唔會 有 人 話 ，『喺 嗰度 』。睇 吓 ！上帝 嘅 王國 就 喺 你哋 當中 。」
22 佢 同 門徒 講 ：「時候 就 到 嘞 ！到時 你哋 會 好 想 見 到 人子 同 你哋 一齊 *，但係 你哋 係 唔會 見 到 嘅 。
23 有 人 會 同 你哋 講 ，『睇 吓 ，佢 喺 嗰度 』，或者 話 『睇 吓 ，佢 喺 呢度 』。你哋 唔好 出去 ，亦 都 唔好 追隨 佢哋 *。
24 閃電 點樣 由 天 呢邊 照射 到 天 嗰邊 ，人子 喺 嗰 一 日 *都 會 噉樣 。
25 不過 佢 一定 要 先 受 好 多 苦 ，俾 呢 一 代 人 棄絕 。
26 挪亞 嘅 時代 係 點樣 ，人子 嘅 時代 都 會 係 點樣 。
27 當時 啲 人 掛住 吃喝 嫁娶 ，直到 挪亞 入 方舟 嘅 嗰 一 日 ，大洪水 嚟到 ，將 佢哋 全部 毀滅 。
28 羅得 嘅 時代 都 係 噉樣 。人 掛住 吃喝 買賣 ，栽種 建造 ，
29 到 咗 羅得 離開 所多瑪 嗰 一 日 ，有 火 同 硫磺 從天而降 ，將 佢哋 全部 毀滅 。
30 人子 顯現 嗰 一 日 ，都 會 係 噉 。
31 「嗰 一 日 ，喺 屋頂 嘅 ，唔好 落嚟 返 入 屋 ，拎 入面 嘅 財物 ；同樣 ，喺 田 嗰度 嘅 ，都 唔好 返去 攞 返 啲 嘢 。
32 要 記住 羅得 太太 嘅 遭遇 。
33 邊個 想 保住 自己 嘅 生命 ，就 會 失去 生命 ；邊個 失去 生命 ，反而 保 得 住 自己 嘅 生命 。
34 我 同 你哋 講 ，喺 嗰 一 晚 ，兩 個 人 喺 一 張 床 上 面 休息 ，一 個 會 被 接走 ，一 個 會 被 捨棄 。
35 兩 個 女人 推 住 同 一個 磨 ，一 個 會 被 接走 ，一 個 會 被 捨棄 。」
36 －－－*
37 門徒 就 話 ：「主 啊 ，呢啲 事 會 喺 邊度 發生 呢 ？」耶穌 同 佢哋 講 ：「屍體 喺 邊度 ，鷹 就 聚集 喺 邊度 。」
