路加福音 14:1-35
14 另 一 次 ，耶穌 喺 安息日 去 一 個 法利賽 派 首領 嘅 屋企 食飯 。在場 嘅 人 密切 注視 佢 。
2 咁 啱 有 個 患 咗 水腫 嘅 病人 喺 佢 面前 。
3 耶穌 就 問 精通 摩西 法典 嘅 人 同埋 法利賽 派 ：「喺 安息日 醫 病 ，合 唔 合法 呢 ？」
4 佢哋 唔 出聲 。耶穌 就 將 手 放 喺 嗰個 人 身上 ，醫好 佢 ，然後 請 佢 離開 。
5 耶穌 同 佢哋 講 ：「你哋 當中 有 邊個 喺 安息日 ，見 到 自己 個 仔 或者 公牛 跌 咗 落 井 ，唔 即刻 拉 返 佢 上嚟 呢 ？」
6 佢哋 無言以對 。
7 耶穌 留意 到 賓客 都 揀 最好 嘅 位 嚟 坐 ，就 同 佢哋 講 咗 個 比喻 ：
8 「你 受到 邀請 去 參加 婚宴 嗰陣 ，唔好 坐 喺 最好 嘅 位 。如果 唔係 ，到時 有 比 你 尊貴 嘅 人 都 受 邀請 ，
9 噉 邀請 你哋 兩 個 嘅 人 就 嚟 同 你 講 ：『請 讓座 俾 呢 一 位 吖 。』到時 ，你 就 會 好 尷尬 ，唯有 起身 ，坐 去 最 差 嘅 座位 嘞 。
10 你 受 邀請 嗰陣 ，要 坐 喺 最 差 嘅 位 ，噉 邀請 你 嘅 人 嚟到 ，就 會 同 你 講 ：『朋友 ，請 坐 去 好 啲 嘅 座位 吖 。』到時 ，你 喺 所有 賓客 面前 就 有 面 嘞 。
11 邊個 抬高 自己 ，就 會 被 貶低 ；邊個 內心 謙卑 ，就 會 被 抬高 。」
12 跟住 耶穌 同 邀請 佢 嘅 人 講 ：「你 安排 午宴 或者 晚宴 嗰陣 ，唔好 邀請 你 啲 朋友 、兄弟 、親戚 或者 有錢 嘅 鄰居 嚟 ，因為 佢哋 第 日 都 可能 會 請 返 你 ，你 就 得 到 回報 。
13 相反 ，你 安排 宴席 嘅 時候 ，要 請 窮 嘅 、跛 嘅 、盲 嘅 ，同埋 其他 有 殘疾 嘅 人 ，
14 噉 你 就 有 福 嘞 *，因為 佢哋 冇 咩 可以 回報 你 。正義 嘅 人 復活 嘅 時候 ，你 就 會 得到 回報 。」
15 有 個 賓客 聽 到 呢 一切 ，就 同 耶穌 講 ：「喺 上帝 王國 入面 享用 宴席 嘅 人 有 福 嘞 。」
16 耶穌 同 佢 講 ：「有 個 人 舉辦 咗 一 個 盛大 嘅 晚宴 ，邀請 咗 好 多 人 。
17 到 咗 晚宴 嘅 時候 ，佢 派 奴隸 去 同 受 邀請 嘅 人 講 ：『嚟 啦 ，所有 嘢 都 準備 好 嘞 。』
18 但係 佢哋 都 不約而同 噉 搵 理由 拒絕 。第 一 個 話 ：『我 買 咗 塊 田 ，要 去 睇 吓 。真係 唔好 意思 嘞 ，我 嚟 唔 到 *。』
19 另 一 個 話 ：『我 買 咗 十 隻 牛 *，要 去 檢查 吓 。真係 唔好 意思 嘞 ，我 嚟 唔 到 。』
20 仲有 一 個 話 ：『我 啱啱 結 咗 婚 ，所以 嚟 唔 到 呀 。』
21 奴隸 返嚟 將 所有 嘢 講 俾 主人 知 。主人 就 好 嬲 ，同 奴隸 講 ：『快 啲 去 城 入面 嘅 大街小巷 ，將 窮 嘅 、盲 嘅 、跛 嘅 ，同埋 其他 有 殘疾 嘅 人 都 帶 嚟 呢度 。』
22 後嚟 ，奴隸 話 ：『主人 ，我 已經 照 你 嘅 吩咐 去 做 ，不過 仲有 位 喎 。』
23 主人 同 奴隸 講 ：『你 去 外面 嘅 大路 同 小 徑 ，促請 啲 人 入 嚟 ，等 我 屋企 坐 滿 人 。
24 我 話俾 你哋 知 ，原本 受到 邀請 嘅 人 ，冇 一 個 可以 享用 我 嘅 晚宴 。』」
25 有 一 大 班 人 同 耶穌 一齊 行 。耶穌 擰轉身 同 佢哋 講 ：
26 「跟從 我 嘅 人 ，如果 愛 自己 嘅 爸爸 、媽媽 、太太 、仔女 、兄弟 、姊妹 ，甚至 自己 嘅 生命 ，多過 愛 我 *，就 唔 能夠 做 我 嘅 門徒 。
27 邊個 唔 孭 起 自己 嘅 苦刑柱 嚟 跟從 我 ，就 唔 能夠 做 我 嘅 門徒 。
28 例如 ，你哋 想起 一 座 塔 ，有 邊個 唔會 先 坐 低 計算 使 費 ，睇 吓 起 唔 起 得 成 呢 ？
29 如果 唔係 嘅 話 ，佢 可能 打 咗 地 基 ，但係 完 唔 到 工 ，旁觀 嘅 人 就 笑 佢 ，
30 話 ：『呢個 人 開始 咗 工程 ，但係 就 完成 唔 到 。』
31 又 例如 ，一 個 有 一萬 士兵 嘅 王 ，要 迎戰 一 個 率領 兩萬 士兵 嚟 攻打 佢 嘅 王 ，佢 點會 唔 先 坐 低 商議 ，睇 吓 抵 唔 抵抗 得到 呢 ？
32 如果 抵抗 唔 到 ，就 應該 趁 敵軍 仲 喺 好 遠 ，派 大使團 去 求和 。
33 同樣 ，你哋 邊個 唔 放棄 自己 嘅 所有 財物 *，就 唔 能夠 做 我 嘅 門徒 。
34 「鹽 本身 係 好 嘅 ，但係 如果 鹽 唔 再 鹹 嘅 話 ，點樣 令 佢 有 返 鹹 味 呢 ？
35 呢啲 鹽 唔 適合 撒 落 泥土 ，亦 都 唔 適合 加 落 肥料 度 ，人 就 唯有 揼 咗 佢 。有 耳仔 嘅 ，就 應該 留心 聽 。」
