路加福音 13:1-35
13 喺 嗰個 時候 ，有 幾 個 在場 嘅 人 同 耶穌 講 ，有啲 加利利 人 喺 獻祭 嘅 時候 俾 彼拉多 殺 咗 。
2 耶穌 就 答 佢哋 ：「係咪 因為 呢啲 加利利 人 被 殺害 ，你哋 就 覺得 佢哋 嘅 罪 比 其他 加利利 人 更 大 呢 ？
3 我 同 你哋 講 ，錯 嘞 。如果 你哋 唔 悔改 ，都 係 會 死 。
4 西羅亞 嘅 塔樓 倒塌 嗰陣 ，壓死 咗 18個 人 ，你哋 係咪 就 覺得 佢哋 嘅 罪 比 耶路撒冷 其他 居民 更 大 呢 ？
5 我 同 你哋 講 ，錯 嘞 。如果 你哋 唔 悔改 ，都 係 會 死 。」
6 耶穌 又 講 咗 一 個 比喻 ：「有 個 人 喺 葡萄園 入面 種 咗 棵 無花果樹 。佢 嚟 睇 吓 有 冇 果實 ，但係 一 個 都 搵 唔 到 ，
7 佢 就 同 葡萄園 工人 講 ：『我 喺 呢 棵 無花果樹 搵 果實 ，已經 三 年 嘞 ，但係 一 個 都 搵 唔 到 。斬 咗 佢 啦 ！點解 要 掗 住 啲 土地 呢 ？』
8 葡萄園 工人 答 佢 ：『主人 ，留 多 一 年 啦 ，我 會 挖 鬆 棵 樹 周圍 嘅 泥土 施肥 。
9 如果 將來 結 到 果實 ，噉 好好 ，冇 嘅 話 ，先至 斬 咗 佢 啦 。』」
10 有 一 個 安息日 ，耶穌 喺 會堂 入面 教導 人 。
11 有 個 女人 18年 嚟 都 俾 邪靈 附身 ，身體 虛弱 *，彎腰 駝背 ，冇 辦法 企 直 。
12 耶穌 見 到 佢 ，就 同 佢 講 ：「你 嘅 病 已經 醫好 嘞 *。你 唔 再 虛弱 嘞 。」
13 耶穌 將 雙手 放 喺 佢 身上 ，佢 即刻 企 返 直 ，讚美 *上帝 。
14 但 會堂 主管 見 耶穌 喺 安息日 醫 病 ，就 好 嬲 ，同 民眾 講 ：「有 六 日 可以 做 嘢 ，你哋 大可以 喺 呢 六 日 嚟 睇 病 ，唔 應該 喺 安息日 噉 做 。」
15 主 同 佢 講 ：「你哋 呢啲 虛偽 嘅 人 ，唔通 你哋 喺 安息日 ，就 唔會 解開 棚 裡面 嘅 牛 驢 ，帶 佢哋 去 飲 水 咩 ？
16 呢個 女人 係 亞伯拉罕 嘅 子孫 ，佢 俾 撒但 捆綁 咗 18年 ，唔通 喺 安息日 唔 應該 解開 佢 嘅 枷鎖 咩 ？」
17 反對 耶穌 嘅 人 因為 佢 嘅 呢 番 說話 而 覺得 羞愧 。不過 民眾 因為 佢 所 做 一切 奇妙 嘅 事 而 覺得 好 開心 。
18 於是 耶穌 話 ：「上帝 嘅 王國 好似 乜嘢 呢 ？我 可以 將 佢 比喻 做 咩 呢 ？
19 佢 好似 一 粒 芥菜 嘅 種子 ，有 人 拎 去 種 喺 自己 塊 田 度 ，就 生長 成 一 棵 樹 ，天上 嘅 雀仔 都 喺 樹枝 上面 築巢 。」
20 耶穌 又 話 ：「我 可以 將 上帝 嘅 王國 比喻 做 乜嘢 呢 ？
21 佢 好似 酵 ，有 個 女人 拎 去 同 三 大 份 *麵粉 混合 埋 一齊 ，最終 成 個 麵團 都 發 咗 酵 。」
22 耶穌 喺 去 耶路撒冷 嘅 途中 ，逐城逐村 教導 人 。
23 有 個 人 同 佢 講 ：「主 啊 ，係咪 得 好 少 人 會 得救 呢 ？」佢 同 民眾 講 ：
24 「你哋 要 竭盡全力 ，穿 過 窄門 入去 。我 話俾 你哋 知 ，將來 有 好 多 人 想 入去 ，但係 入 唔 到 。
25 因為 間 屋 嘅 主人 起身 鎖 門 之後 ，你哋 會 企 喺 出面 敲門 話 ：『我 主 ，開門 俾 我哋 吖 。』不過 佢 會 答 ：『我 唔 知道 你哋 係 邊個 *。』
26 到時 你哋 會 話 ：『我哋 同 過 你 一齊 食飯 飲酒 ，你 都 喺 我哋 嘅 大街 教導 過 人 㗎 ！』
27 佢 會 同 你哋 講 ：『我 唔 知道 你哋 係 邊個 *。走開 ，你哋 呢啲 作惡 *嘅 人 ！』
28 你哋 見 到 亞伯拉罕 、以撒 、雅各 同埋 所有 先知 都 喺 上帝 嘅 王國 入面 ，而 自己 就 被 揼 咗 去 出面 ，你哋 就 會 喺 嗰度 痛哭 流淚 ，咬牙切齒 嘞 。
29 將來 會 有 人 喺 世界 各地 *嚟到 ，喺 上帝 嘅 王國 入面 享用 宴席 *。
30 有啲 人 而家 係 最後 嘅 ，將來 係 最先 嘅 ；亦 都 有啲 人 而家 係 最先 嘅 ，將來 係 最後 嘅 。」
31 就 喺 嗰個 時候 ，有 幾 個 法利賽 派 嘅 人 嚟 同 耶穌 講 ：「你 走 啦 ，離開 呢度 ，希律 想 殺死 你 呀 。」
32 耶穌 同 佢哋 講 ：「你哋 去 同 嗰 隻 狐狸 講 ：『今日 同 聽日 我 都 要 驅逐 邪靈 ，幫 人 醫 病 ，第 三 日 就 會 完成 我 要 做 嘅 。』
33 雖然 係 噉 ，我 今日 、聽日 、後 日 都 要 繼續 向前 行 ，因為 先知 唔 應該 喺 耶路撒冷 以外 嘅 地方 被 殺 。
34 耶路撒冷 ，耶路撒冷 ，你 經常 殺死 先知 ，又 用 石頭 打死 上帝 派 嚟 你 呢度 嘅 人 。我 好 多 次 想 將 你 嘅 仔女 聚集 埋 一齊 ，就 好似 母雞 將 雞 仔 聚集 到 佢 對 翼 下面 ！不過 ，你哋 唔 願意 。
35 睇 吓 ！你哋 嘅 聖殿 被 拋棄 ，留 返 俾 你哋 自己 嘞 。我 同 你哋 講 ，你哋 絕對 唔會 再 見 到 我 ，直到 你哋 講 ：『奉 耶和華 *嘅 名 而 嚟 嘅 嗰位 有 福 嘞 ！』」
