路加福音 11:1-54
11 有 一 次 ，耶穌 喺 一 個 地方 禱告 。禱 完 告 ，有 一 個 門徒 同 佢 講 ：「主 啊 ，求 你 教 我哋 禱告 ，好似 約翰 教 佢 嘅 門徒 禱告 噉 吖 。」
2 耶穌 同 佢哋 講 ：「你哋 禱告 ，要 話 ：『爸爸 ，祈求 你 嘅 名 受到 尊重 ，被 視為 神聖 *。祈求 你 嘅 王國 嚟到 施行 統治 。
3 求 你 按 我哋 每日 嘅 需要 ，每日 賜 食物 俾 我哋 。
4 求 你 寬恕 我哋 嘅 罪 ，因為 我哋 都 寬恕 咗 得罪 我哋 嘅 人 *。面對 引誘 嗰陣 ，求 你 幫助 我哋 唔好 屈服 。』」
5 耶穌 又 同 佢哋 講 ：「假設 你 有 個 朋友 ，你 半夜 去 到 佢 嗰度 ，同 佢 講 ：『朋友 ，借 三 個 餅 俾 我 吖 。
6 我 有 個 朋友 啱啱 喺 其他 地方 嚟到 我 呢度 ，我 冇 咩 可以 招呼 佢 。』
7 不過 ，嗰個 人 喺 屋 入面 回答 話 ：『唔好 煩 我 嘞 。門 已經 鎖 咗 ，我 同 啲 小朋友 都 上 咗 床 瞓覺 嘞 ，我 唔 方便 起身 拎 餅 俾 你 呀 。』
8 我 話俾 你哋 聽 ，就算 嗰個 人 係 你 嘅 朋友 ，佢 都 唔 一定 會 起身 俾 啲 咩 你 ，但係 由於 你 大膽 堅持 ，佢 就 會 起身 將 你 需要 嘅 俾 你 。
9 所以 我 同 你哋 講 ，要 不斷 懇求 ，就 會 俾 你哋 ；不斷 去 搵 ，就 會 搵 到 ；不斷 敲門 ，就 會 開門 俾 你哋 。
10 因為 邊個 懇求 ，都 會 得到 ；邊個 去 搵 ，都 會 搵 到 ；邊個 敲門 ，都 會 開門 俾 佢 。
11 你哋 當中 做 爸爸 嘅 ，如果 你哋 嘅 仔 問 你 攞 條 魚 ，邊個 會 攞 條 蛇 當 魚 俾 佢 呢 ？
12 如果 你哋 嘅 仔 問 你 攞 隻 蛋 ，邊個 會 攞 蠍子 俾 佢 呢 ？
13 你哋 雖然 係 罪人 *，都 識得 送 好 嘅 嘢 俾 仔女 ，何況 天父 ，唔係 更加 會 將 神聖 力量 賜 俾 懇求 佢 嘅 人 咩 ？」
14 耶穌 驅逐 咗 一 個 令人 變 啞 嘅 邪靈 。邪靈 一 出嚟 ，嗰個 人 就 講 到 嘢 嘞 。大家 都 好 驚訝 。
15 不過 有 人 話 ：「佢 驅逐 邪靈 係 靠 住 邪靈 嘅 首領 別西卜 *嘅 啫 。」
16 仲有 人 想 試探 佢 ，要求 佢 奉 上帝 嘅 名 施行 一 個 神跡 *。
17 耶穌 知道 佢哋 嘅 諗法 ，就 同 佢哋 講 ：「一 個 國家 分裂 內訌 ，就 會 滅亡 ；一 個 家庭 分裂 內訌 ，就 會 破碎 。
18 如果 撒但 都 分裂 內訌 ，佢 嘅 國家 點 能夠 繼續 存在 呢 ？你哋 話 ，我 驅逐 邪靈 靠 嘅 係 別西卜 。
19 如果 我 驅逐 邪靈 係 靠 別西卜 ，噉 你哋 嘅 門徒 驅逐 邪靈 又 係 靠 邊個 呢 ？所以 ，你哋 嘅 門徒 會 證明 你哋 係 錯 㗎 *。
20 但係 ，如果 我 驅逐 邪靈 係 靠 住 上帝 嘅 力量 *，噉 上帝 嘅 王國 喺 你哋 冇 諗 過 嘅 時候 已經 嚟到 嘞 。
21 一 個 強壯 嘅 人 全副 武裝 ，守衛 自己 間 屋 ，冇 人 能夠 攞 走 佢 啲 財物 。
22 不過 ，如果 有 個 強壯 過 佢 嘅 人 嚟 攻擊 佢 ，打 贏 咗 佢 ，嗰個 人 就 會 將 佢 倚靠 嘅 全副 武裝 攞 走 ，仲 會 將 搶 返嚟 嘅 嘢 分 俾 其他 人 。
23 唔 企 喺 我 呢邊 嘅 ，即係 反對 我 ；唔 同 我 一齊 將 人 聚集 到 我 呢度 嘅 ，就係 將 人 驅散 。
24 「有 個 邪靈 *從 一 個 人 身上 出嚟 ，去 勻 乾旱 嘅 地方 ，想 搵 個 地方 休息 ，但係 搵 唔 到 ，就 話 ：『我 要 搬 返去 之前 嗰 間 屋 。』
25 佢 去 到 之後 ，發現 入面 打掃 乾淨 ，裝飾 好 晒 ，
26 就 去 帶 埋 七 個 比 自己 更 邪惡 嘅 靈體 入去 ，住 喺 裡面 。嗰個 人 最終 嘅 情況 就 比 之前 更加 差 嘞 。」
27 耶穌 講 呢啲 說話 嘅 時候 ，人群 當中 有 一 個 女人 大聲 同 佢 講 ：「懷胎 生 你 同埋 乳養 你 嘅 有 福 嘞 ！*」
28 耶穌 話 ：「唔係 ，聽見 上帝 嘅 話語 又 遵守 嘅 人 先至 有 福 呀 ！」
29 民眾 聚集 嘅 時候 ，耶穌 話 ：「呢 一 代 人 係 邪惡 㗎 ，佢哋 想 睇 神跡 *，但係 除 咗 約拿 嘅 神跡 ，佢哋 就 唔會 睇 到 其他 神跡 嘞 。
30 約拿 嘅 事 成為 咗 尼尼微 人 眼中 嘅 神跡 ，同樣 ，人子 嘅 事 都 會 成為 呢 一 代 人 眼中 嘅 神跡 。
31 審判 嘅 時候 ，南方 女王 會 同 呢 一 代 人 一齊 復活 ，而且 會 表明 呢 一 代 人 有 罪 ，因為 佢 曾經 由 遙遠 嘅 地方 *嚟到 ，要 聽 所羅門 嘅 智慧 之 言 。不過 你哋 睇 ，呢度 有 一 個 比 所羅門 更加 重要 嘅 人 。
32 審判 嘅 時候 ，尼尼微 人 會 同 呢 一 代 人 一齊 復活 ，而且 會 表明 呢 一 代 人 有 罪 ，因為 尼尼微 人 聽 咗 約拿 傳講 嘅 信息 就 悔改 。但係 你哋 睇 ，呢度 有 一 個 比 約拿 更 重要 嘅 人 。
33 人 點 完 燈 ，唔會 收埋 盞 燈 ，亦 都 唔會 用 籃 *冚 住 ，而 係 會 擺 喺 燈台 上面 ，等 入 嚟 嘅 人 見 到 光 。
34 眼睛 係 身體 嘅 燈 。如果 你 目光 專注 *喺 一樣 嘢 ，全身 就 會 光明 ；但係 如果 你 好 貪心 *，目光 放 喺 好 多 樣 嘢 上面 ，身體 就 會 黑暗 。
35 所以 你 要 小心 ，因為 你 裡面 嘅 光 可能 係 黑暗 嘅 。
36 你 全身 都 光明 ，一啲 黑暗 都 冇 ，就 會 光輝燦爛 ，好似 燈光 照耀 你 一樣 。」
37 耶穌 講完 呢啲 嘢 ，有 個 法利賽 派 嘅 人 邀請 佢 一齊 食飯 ，佢 就 入去 坐 低 *。
38 呢個 法利賽 派 嘅 人 見 佢 食飯 之前 ，冇 按照 傳統 去 洗手 *，就 覺得 奇怪 。
39 主 同 佢 講 ：「你哋 法利賽 派 洗 乾淨 杯 碟 嘅 外面 ，但係 心 裡面 就 充滿 貪婪 同埋 邪惡 。
40 不明事理 嘅 人 啊 ！創造 身體 嘅 嗰位 ，唔係 都 創造 咗 內心 咩 ？
41 要 發自 內心 向 窮人 施與 ，你哋 噉樣 做 就 完全 潔淨 嘞 。
42 你哋 法利賽 派 有 禍 嘞 ，因為 薄荷 、芸香 同埋 其他 *用 嚟 做 香料 嘅 植物 *，你哋 都 奉獻 十 分 之 一 ，但係 公正 *同埋 愛 上帝 嘅 心 ，你哋 反而 漠視 咗 ！前 一 類 嘅 事 係 你哋 應該 做 嘅 ，但 後 一 類 嘅 事 你哋 更加 唔 應該 漠視 。
43 你哋 法利賽 派 有 禍 嘞 ，因為 你哋 鍾意 坐 會堂 入面 最好 嘅 座位 *，鍾意 人 喺 市集 廣場 度 恭敬 噉 同 你哋 打招呼 ！
44 你哋 有 禍 嘞 ，因為 你哋 好似 唔 顯眼 *嘅 墳墓 ，人 喺 上面 行過 都 唔 知 ！」
45 有 個 精通 摩西 法典 嘅 人 噉樣 回應 耶穌 ：「老師 ，你 噉 講 ，連 我哋 都 侮辱 埋 喎 。」
46 耶穌 話 ：「你哋 精通 法典 嘅 人 都 有 禍 嘞 ，因為 你哋 叫 人 背負 重擔 ，但係 呢啲 重擔 ，你哋 連 用 一 隻 手指 去 掂 吓 都 唔 肯 *！
47 「你哋 有 禍 嘞 ，因為 你哋 為 先知 修建 墳墓 ，其實 嗰啲 先知 係 俾 你哋 祖先 殺死 㗎 ！
48 你哋 唔單止 清楚 你哋 祖先 嘅 所作所為 ，仲 認同 佢哋 。以前 佢哋 殺死 先知 ，而家 你哋 就 為 先知 修建 墳墓 。
49 所以 充滿 智慧 嘅 上帝 都 講 過 ：『我 會 派 先知 同 使徒 去 佢哋 嗰度 ，有啲 會 俾 佢哋 殺死 ，有啲 會 俾 佢哋 迫害 。
50 噉 從 世界 奠基 以 嚟 殺害 所有 先知 嘅 血債 ，都 要 向 呢 一 代 追討 ，
51 由 亞伯 嘅 血債 開始 ，去 到 喺 祭壇 同 聖殿 之 間 遇害 嘅 撒迦利亞 嘅 血債 為止 。』我 話俾 你哋 聽 ，佢哋 嘅 血債 要 向 呢 一 代 追討 。
52 「你哋 精通 法典 嘅 人 有 禍 嘞 ，因為 你哋 攞 走 咗 知識 嘅 鎖匙 ，自己 唔 入去 ，連 入 緊 去 嘅 人 ，你哋 都 要 阻止 ！」
53 耶穌 喺 嗰度 出嚟 之後 ，抄經士 同 法利賽 派 就 群 情 洶湧 ，不停 質問 佢 ，
54 想 搵 機會 由 佢 口 中 搵 把柄 。
腳注
^ 受到尊重，被視為神聖，又譯「彰顯為聖」或「被尊為聖」。
^ 直譯「欠我哋債嘅人」。
^ 直譯「邪惡嘅人」。
^ 呢個名指嘅係撒但。
^ 又譯「徵象」。
^ 直譯「佢哋會做你哋嘅審判官」。
^ 直譯「手指」。
^ 直譯「不潔嘅靈體」。
^ 又譯「快樂嘞」。
^ 又譯「徵象」。
^ 遙遠嘅地方，又譯「地極」。
^ 又譯「用嚟計算容量嘅籃」。
^ 又譯「你嘅眼睛焦點清晰」，直譯「眼睛簡單」。
^ 目光顯出貪慾，直譯「眼睛唔好」或「眼睛邪惡」。
^ 又譯「斜靠喺枱前」。
^ 意思係唔舉行洗手嘅儀式。
^ 又譯「所有其他種類嘅」。
^ 亦可以譯做「其他蔬菜」。
^ 又譯「上帝嘅正義審判」。
^ 又譯「前座」。
^ 又譯「冇標示出嚟」。
^ 可能指佢哋唔願意幫人減輕負擔。
