路加福音 1:1-80
1 尊敬 嘅 提阿非羅 先生 ：有 好 多 人 已經 開始 將 我哋 確信不疑 嘅 事實 記錄 落嚟 。
2 呢啲 記錄 同 一 開始 就 親眼 見證 呢啲 事 嘅 人 所 講 嘅 一致 ，亦 都 同 宣講 上帝 信息 嘅 人 話俾 我哋 聽 嘅 一致 。
3 所以 我 亦 都 決定 將 所有 事 ，有 條理 噉 寫 落嚟 俾 你 ，因為 我 已經 將 呢 一切 由 頭 到 尾 考證 過 。
4 噉樣 你 就 會 清楚 知道 ，以前 口頭 教導 你 嘅 事 都 係 可信 㗎 。
5 猶地亞王 希律 *在位 期間 ，有 一 個 祭司 屬於 亞比雅 班次 ，叫 做 撒迦利亞 。佢 嘅 太太 係 亞倫 嘅 後人 ，叫 做 伊利莎白 。
6 佢哋 兩 個 喺 上帝 眼中 都 係 正義 嘅 人 ，按照 耶和華 *嘅 一切 誡命 律例 處世為人 *，無可指責 。
7 不過 ，佢哋 冇 仔女 ，因為 伊利莎白 不育 ，而 佢哋 兩 個 都 上 咗 年紀 嘞 。
8 有 一 次 ，撒迦利亞 當值 ，喺 上帝 面前 擔任 祭司 嘅 工作 。
9 按照 祭司 服務 嘅 慣例 ，呢 次 輪到 佢 入去 耶和華 *嘅 聖殿 獻 香 。
10 獻 香 嘅 時候 ，民眾 都 喺 外面 禱告 。
11 耶和華 *嘅 天使 出現 喺 佢 面前 ，企 喺 香壇 右邊 。
12 撒迦利亞 見 到 ，就 惶恐不安 。
13 天使 同 佢 講 ：「撒迦利亞 ，唔使 驚 ，上帝 已經 聽 到 你 嘅 懇切 祈求 嘞 。你 嘅 太太 伊利莎白 會 為 你 生 一 個 仔 ，你 要 幫 佢 改名 叫 約翰 。
14 你 會 歡欣 快樂 ，好 多 人 都 會 因為 佢 嘅 出世 而 喜樂 。
15 佢 喺 耶和華 *眼中 會 係 個 偉大 嘅 人 。佢 任何 酒 *都 唔 可以 飲 。佢 喺 媽媽 個 肚 裡面 就 已經 充滿 神聖 力量 。
16 佢 會 幫助 好 多 以色列 人 悔改 ，再次 服從 佢哋 嘅 上帝 耶和華 *。
17 佢 會 有 以利亞 嘅 精神 同埋 能力 ，行 喺 上帝 *前面 ，令 啲 爸爸 嘅 心 改變 ，好似 小朋友 嘅 心 一樣 *，令 叛逆 嘅 人 好似 正義 嘅 人 噉樣 處事 明智 ，佢 噉樣 做 就 可以 為 耶和華 *召集 一 班 做 好 準備 嘅 人 。」
18 撒迦利亞 同 天使 講 ：「我 點 知道 你 講 嘅 真係 會 發生 呀 ？我 老 嘞 ，我 老婆 年紀 都 唔 細 嘞 。」
19 天使 回答 話 ：「我 係 加百列 ，經常 喺 上帝 面前 服務 。係 上帝 派 我 嚟 搵 你 ，將 呢啲 好消息 講 俾 你 知 。
20 但係 ，既然 你 唔 相信 我 講 嘅 嘢 ，喺 呢 一切 發生 之前 ，你 都 會 講 唔 到 嘢 。到 咗 指定 嘅 時候 ，我 嘅 說話 就 會 實現 。」
21 呢個 時候 ，民眾 仲 喺 出面 等 緊 撒迦利亞 ，見 佢 喺 聖所 入面 咁 耐 都 唔 出嚟 ，就 覺得 好 奇怪 。
22 佢 出嚟 之後 ，想 講嘢 但係 講 唔 到 。大家 就 知道 佢 喺 聖所 入面 睇 到 異象 *。佢 不斷 打手勢 ，始終 講 唔 到 嘢 。
23 履行 神聖 職務 *嘅 日子 結束 之後 ，佢 就 返 屋企 嘞 。
24 一 段 時間 之後 ，佢 嘅 太太 伊利莎白 有 咗 身孕 。伊利莎白 有 五 個 月 冇 出門 。 佢 話 ：
25 「耶和華 *而家 眷顧 我 ，恩待 我 ，佢 令 我 喺 其他 人 面前 嘅 恥辱 都 冇 咗 嘞 。」
26 佢 懷孕 嘅 第 六 個 月 ，上帝 派 天使 加百列 去 到 加利利 一 座 叫 拿撒勒 嘅 城 ，
27 見 一 個 處女 。嗰個 處女 叫 做 馬利亞 ，已經 同 大衛 家族 一 個 叫 約瑟 嘅 人 訂 咗 婚 。
28 天使 去 到 佢 嗰度 ，同 佢 講 ：「你 好 ！上帝 特別 賜福 嘅 人 啊 ，耶和華 *與 你 同在 ！」
29 馬利亞 聽 到 天使 講 嘅 嘢 就 好 驚 ，好 不安 ，想 知道 天使 點解 噉 講 。
30 天使 同 佢 講 ：「馬利亞 ，唔使 驚 ，你 係 得到 上帝 賜福 嘅 人 。
31 你 會 懷孕 ，生 一 個 仔 。你 要 幫 佢 改名 叫 做 耶穌 。
32 佢 會 成為 偉大 嘅 人物 ，稱為 至高者 嘅 仔 。耶和華 *上帝 會 將 佢 祖先 大衛 嘅 寶座 賜 俾 佢 ，
33 佢 會 成為 君王 ，永遠 統治 雅各 嘅 子孫 ，佢 嘅 王國 無窮無盡 。」
34 馬利亞 同 天使 講 ：「點 可能 呢 ？我 從來 都 冇 同 男人 發生 過 關係 。」
35 天使 回答 話 ：「至高者 會 賜 神聖 力量 *俾 你 ，佢 嘅 力量 會 保護 你 ，所以 ，你 將會 生 嘅 仔 ，會 稱為 聖者 ，上帝 嘅 仔 。
36 你 嘅 親戚 伊利莎白 雖然 年紀 好 大 ，又 一向 俾 人 稱為 不育 嘅 女人 ，但係 佢 有 咗 ，而家 已經 有 六 個 月 身 己 嘞 ，佢 都 會 生 一 個 仔 。
37 上帝 所 講 嘅 ，一定 會 實現 *。」
38 馬利亞 就 話 ：「我 係 耶和華 *嘅 僕人 ！願 你 講 嘅 事 喺 我 身上 實現 。」跟住 天使 就 走 咗 嘞 。
39 之後 ，馬利亞 出發 ，趕去 猶大 山區 嘅 一 座 城 。
40 佢 入 咗 撒迦利亞 嘅 屋企 ，向 伊利莎白 問好 。
41 伊利莎白 一 聽 到 馬利亞 嘅 問候 ，腹 中 嘅 胎 就 跳動 ，伊利莎白 亦 都 充滿 神聖 力量 ，
42 佢 大聲 話 ：「你 喺 婦女 當中 真係 有 福 ，你 肚 裡面 嘅 胎 都 係 有 福 㗎 ！
43 我 主 嘅 媽媽 嚟 探 我 ，呢個 真係 我 嘅 榮幸 呀 ！
44 我 一 聽 到 你 同 我 打招呼 ，我 肚 裡面 嘅 胎 就 開心 到 跳 起 。
45 你 有 福 *亦 都 係 由於 你 有 信心 ，因為 耶和華 *話俾 你 知 嘅 事 ，一定 會 完全 實現 。」
46 馬利亞 話 ：「我 衷心 讚美 耶和華 *嘅 偉大 ，
47 我 嘅 心 因為 上帝 我 嘅 救主 而 非常 喜樂 ，
48 因為 佢 眷顧 我 呢個 卑微 嘅 僕人 。從今以後 ，世世代代 嘅 人 都 會 話 我 係 有 福 㗎 ，
49 噉 係 因為 大能 嘅 上帝 為 我 做 咗 偉大 嘅 事 。佢 嘅 名 係 神聖 㗎 。
50 佢 憐憫 敬畏 佢 嘅 人 ，直到 永遠 。
51 佢 伸出 手臂 施展 大能 ，驅散 心高氣傲 嘅 人 。
52 佢 令 身居 高位 嘅 人 失去 權位 ，但係 令 卑微 嘅 人 受到 顯揚 ；
53 佢 令 飢餓 嘅 人 得到 飽足 ，但係 就 令 富有 嘅 人 空手而回 。
54 佢 冇 忘記 會 憐憫 人 呢個 承諾 ，幫助 自己 嘅 僕人 以色列 ，
55 就 好似 佢 同 我哋 嘅 祖先 講 過 嘅 一樣 ，要 永遠 憐憫 亞伯拉罕 同埋 佢 嘅 後代 *。」
56 馬利亞 同 伊利莎白 一齊 住 咗 大概 三 個 月 先至 返 屋企 。
57 伊利莎白 嘅 產期 到 咗 嘞 。佢 生 咗 個 仔 。
58 佢 啲 鄰居 同 親戚 聽 講 耶和華 *大大 憐憫 佢 ，就 同 佢 一齊 歡樂 。
59 第 八 日 ，即係 幫 個 小朋友 施行 割禮 *嘅 嗰 日 ，啲 鄰居 同 親戚 嚟到 ，想 跟 佢 爸爸 嘅 名 ，叫 佢 做 撒迦利亞 ，
60 佢 媽媽 就 話 ：「唔係 ，佢 要 叫 做 約翰 呀 。」
61 佢哋 同 伊利莎白 講 ：「你 啲 親戚 都 冇 人 叫 呢個 名 。」
62 佢哋 就 向 小朋友 嘅 爸爸 做 手勢 ，睇 吓 佢 想 叫 個 仔 做 咩 名 。
63 撒迦利亞 問 人 攞 咗 塊 寫字 板 ，佢 噉 寫 ：「佢 個 名 要 叫 做 約翰 。」大家 都 覺得 好 驚訝 。
64 突然間 ，撒迦利亞 開 到 口 講嘢 ，舌頭 鬆開 咗 ，恢復 返 講 說話 嘅 能力 ，佢 就 讚美 上帝 。
65 所有 鄰居 都 非常之 驚訝 。成 個 猶地亞 山區 嘅 人 都 喺度 講 緊 呢啲 事 。
66 所有 聽 到 呢啲 事 嘅 人 都 喺度 諗 ：「呢個 小朋友 大 個 咗 會 成為 點樣 嘅 人 呢 ？」因為 耶和華 *真係 同 佢 同在 *。
67 佢 嘅 爸爸 撒迦利亞 充滿 神聖 力量 ，開口 講 預言 話 ：
68 「願 以色列 嘅 上帝 耶和華 *受到 讚美 ，因為 佢 眷顧 佢 嘅 子民 ，拯救 佢哋 。
69 佢 為咗 我哋 ，使 一 位 大能 嘅 救主 *喺 佢 僕人 大衛 嘅 家族 出現 ，
70 就 好似 佢 通過 古代 忠心 先知 嘅 口 承諾 嘅 一樣 。
71 佢 話 過 會 救 我哋 脫離 敵人 ，擺脫 所有 憎恨 我哋 嘅 人 嘅 毒手 。
72 佢 會 因為 我哋 嘅 祖先 而 憐憫 我哋 ，亦 都 會 記得 佢 嘅 聖約 ，
73 即係 佢 向 我哋 祖先 亞伯拉罕 發過 嘅 誓 。
74 佢 將 我哋 從 敵人 手 裡面 救 出 嚟 之後 ，等 我哋 可以 勇敢 無懼 噉 敬奉 佢 ，
75 一生 喺 佢 面前 盡忠 行義 。
76 至於 你 ，我 嘅 仔 啊 ，你 會 被 稱為 至高者 嘅 先知 。耶和華 *會 派 你 行 喺 佢 前面 ，為 佢 準備 道路 ，
77 等 佢 嘅 子民 知道 ，佢 會 寬恕 佢哋 嘅 罪 ，使 佢哋 得到 拯救 ，
78 因為 我哋 嘅 上帝 充滿 溫情 。由於 佢 嘅 溫情 ，曙光 會 從 高天 照耀 我哋 ，
79 照耀 坐 喺 黑暗 同埋 死亡 陰影 之 下 嘅 人 ，引領 我哋 行走 平安 之 路 。」
80 呢個 小朋友 不斷 成長 ，信心 亦 都 越 嚟 越 堅強 。佢 一直 住 喺 曠野 ，直到 佢 向 以色列 人 公開 傳道 。
