腓立比書 4:1-23
4 各位 弟兄 ，我 好 愛 你哋 ，亦 都 好 掛住 你哋 ，你哋 就係 我 嘅 喜樂 、我 嘅 冠冕 。我 親愛 嘅 朋友 ，你哋 要 繼續 堅定不移 噉 跟隨 主 *。
2 我 勸 友阿蝶 同 循都姬 ，要 保持 和睦 ，同心合意 為 主 *服務 。
3 同 我 一齊 忠貞 服務 嘅 同伴 *，請 你 繼續 幫 佢哋 ，因為 佢哋 同 克雷芒 ，仲有 我 其餘 嘅 同伴 ，一直 同 我 並肩 工作 ，努力 宣揚 好消息 。呢啲 人 嘅 名 都 記 喺 生命冊 嘞 。
4 要 經常 因為 自己 為 主 *服務 而 歡欣 。我 再 講 多 次 ，要 歡欣 ！
5 要 俾 所有 人 都 知道 你哋 通情達理 。主 *同 我哋 好 近 。
6 無論 乜嘢 事 都 唔好 憂慮 。要 通過 禱告 同埋 懇切 祈求 ，加上 感謝 ，將 你哋 嘅 請求 話 俾 上帝 知 。
7 噉樣 ，上帝 就 會 賜下 超越 人 能夠 理解 嘅 安寧 *。你哋 跟從 基督 耶穌 ，呢 種 安寧 會 守護 你哋 嘅 內心 同 思想 *。
8 最後 ，各位 弟兄 ，任何 真實 嘅 事 、任何 應該 受到 重視 嘅 事 、任何 正義 嘅 事 、任何 純潔 *嘅 事 、任何 激發 愛心 *嘅 事 、任何 受到 嘉許 嘅 事 、任何 顯出 美德 嘅 事 、任何 值得 讚頌 嘅 事 ，你哋 都 要 繼續 思考 *。
9 你哋 喺 我 身上 學 到 嘅 、領受 嘅 、聽 到 嘅 、睇 到 嘅 ，都 要 實踐 出嚟 。噉樣 ，賜 人 安寧 *嘅 上帝 就 會 同 你哋 同在 。
10 我 因為 你哋 再次 關心 我 而 感謝 主 *，亦 都 歡欣 快樂 。其實 你哋 一直 都 關心 我 ，只係 冇 機會 表達 啫 。
11 我 噉 講 唔係 因為 自己 缺乏 乜嘢 ，而 係 因為 我 已經 學 識 喺 任何 情況 下 都 保持 知足 。
12 我 知道 點樣 過 貧困 嘅 生活 ，點樣 過 富裕 嘅 日子 。無論 係 飽足 定係 飢餓 ，富裕 定係 匱乏 ，我 都 知道 祕訣 ，學 識 點樣 應付 。
13 我 靠 住 賜 我 力量 嘅 上帝 ，乜嘢 事 都 能夠 應付 。
14 不過 ，你哋 喺 我 遇 到 患難 嘅 時候 幫助 我 ，真係 做 得 好好 。
15 各位 腓立比 嘅 弟兄 ，你哋 都 知道 ，當初 你哋 認識 好消息 之後 ，我 離開 咗 馬其頓 。嗰陣時 只有 你哋 嘅 會眾 支持 我 。
16 我 喺 帖撒羅尼迦 嘅 時候 ，你哋 唔止 一 次 ，而 係 兩 次 送 一啲 嘢 過嚟 ，照顧 我 嘅 需要 。
17 而家 我 唔係 希望 得到 禮物 ，我 只係 希望 你哋 由於 施與 而 得到 獎賞 *。
18 我 需要 嘅 嘢 都 有 嘞 ，而且 多 到 用 唔 晒 ，因為 我 喺 以巴弗提 嗰度 收 到 你哋 送 嚟 嘅 禮物 。嗰啲 禮物 好似 香氣 噉樣 ，係 上帝 喜歡 嘅 祭物 。
19 我 嘅 上帝 所 擁有 嘅 非常 豐富 *，佢 會 通過 基督 耶穌 ，將 你哋 需要 嘅 一切 都 賜 俾 你哋 。
20 願 榮耀 永永遠遠 歸於 上帝 我哋 嘅 爸爸 。阿們 。
21 請 代 我 向 所有 同 基督 耶穌 聯合 嘅 聖民 問好 。同 我 一齊 嘅 弟兄 都 問候 你哋 。
22 所有 聖民 ，特別 係 凱撒 嘅 皇宮 裡面 嘅 人 ，都 問候 你哋 。
23 願 主 耶穌 基督 因為 你哋 有 正確 嘅 思想 態度 ，將 分外恩典 賜 俾 你哋 。
