腓立比書 3:1-21
3 最後 ，我 嘅 弟兄 ，作為 主 嘅 僕人 ，你哋 要 繼續 歡欣 快樂 。我 唔 覺得 喺 信 入面 向 你哋 講 同樣 嘅 說話 係 麻煩 嘅 事 ，因為 噉 做 可以 保護 你哋 。
2 要 小心 嗰啲 好似 狗 嘅 人 ，小心 嗰啲 作惡 嘅 人 ，小心 嗰啲 鼓吹 割禮 嘅 人 *。
3 其實 ，我哋 先至 係 受 過 真 割禮 *嘅 人 。我哋 靠 住 上帝 嘅 神聖 力量 敬奉 上帝 ，所 誇耀 嘅 係 基督 耶穌 ，而 唔係 依賴 外在 嘅 條件 *。
4 其實 ，我 比 任何 人 都 有 理由 依賴 外在 嘅 條件 。
如果 有 人 認為 自己 可以 依賴 外在 嘅 條件 ，我 就 更加 可以 嘞 。
5 我 第 八 日 接受 割禮 ，屬於 以色列 民族 、便雅憫 部族 ，係 希伯來 人 生 嘅 希伯來 人 。我 係 法利賽 派 嘅 ，嚴格 遵守 法典 ；
6 我 曾經 充滿 熱誠 ，一心 迫害 會眾 ；我 按照 法典 做 啱 嘅 事 ，喺 呢 方面 無可指責 。
7 不過 ，以前 對 我 嚟 講 有 價值 嘅 嘢 *，而家 由於 基督 ，我 認為 係 一啲 價值 都 冇 *。
8 其實 ，我 認為 之前 放棄 嘅 所有 嘢 都 毫無 價值 ，因為 認識 我 主 基督 耶穌 實在 有 價值 得 多 。為咗 佢 ，我 甘願 放棄 *一切 ，將 呢啲 嘢 視為 垃圾 *，噉 就 可以 得到 基督 嘅 喜愛 *，
9 同 佢 聯合 。我 能夠 同 佢 聯合 ，唔係 因為 我 遵守 摩西 法典 而 令 自己 正義 ，而 係 因為 信從 基督 而 得到 正義 ，亦 即係 嚟自 上帝 、因為 信心 而 有 嘅 正義 。
10 我 嘅 目標 係 認識 基督 同埋 佢 復活 嘅 力量 ，受 佢 所 受 過 嘅 苦 。我 甚至 願意 經歷 佢 嗰 種 死亡 ，
11 希望 得到 較 早 嘅 復活 ，擺脫 死亡 。
12 噉 唔係 話 我 已經 得到 獎賞 ，已經 完美 。我 仍然 竭盡全力 ，希望 贏得 獎賞 。基督 耶穌 已經 揀選 我 去 得到 呢個 獎賞 嘞 。
13 各位 弟兄 ，我 冇 認為 自己 已經 贏得 獎賞 。但係 有 一 件 事 我 好 肯定 ，就係 要 忘記 背後 ，奮力 向 前 ，
14 向 住 目標 努力 奔跑 。我 噉 做 係 為咗 贏得 獎賞 ，亦 即係 上帝 通過 基督 耶穌 呼召 我 去 天上 。
15 所以 ，我哋 當中 成熟 嘅 人 ，都 要 有 呢 種 思想 態度 。如果 你哋 有 任何 人 唔係 噉 諗 ，上帝 就 會 令 你哋 知道 點樣 先 係 正確 嘅 態度 。
16 無論 我哋 進步 到 乜嘢 程度 ，都 應該 沿 住 同 一 條 路 ，井然有序 噉 繼續 前進 。
17 各位 弟兄 ，你哋 要 繼續 效法 我 ，亦 都 要 留意 嗰啲 效法 我哋 嘅 人 樹立 嘅 榜樣 。
18 但係 好 多 人 嘅 行為 ，就 表明 自己 藐視 基督 喺 苦刑柱 上 被 處死 呢 件 事 。我 以前 成日 提 到 佢哋 ，而家 又 流 住 眼淚 提 到 佢哋 。
19 佢哋 嘅 結局 係 滅亡 ，佢哋 嘅 神 就係 自己 嘅 慾望 *，佢哋 做 可恥 嘅 事 仲 引以為傲 ，佢哋 諗 嘅 都 係 地上 嘅 事 。
20 不過 我哋 係 天上 嘅 公民 。我哋 熱切 等候 嚟自 天上 嘅 救主 ，亦 即係 主 耶穌 基督 。
21 基督 擁有 大能大力 ，能夠 令 一切 都 順服 佢 。佢 會 運用 呢 種 能力 ，改變 我哋 卑微 嘅 身體 ，令 我哋 嘅 身體 同 佢 榮耀 嘅 身體 一樣 。
