腓立比書 1:1-30
1 呢 封 信 係 基督 耶穌 嘅 奴隸 保羅 同 提摩太 ，寫 俾 腓立比 所有 同 基督 耶穌 聯合 嘅 聖民 ，仲有 各位 監督 同 助理僕人 嘅 。
2 願 上帝 我哋 嘅 爸爸 ，仲有 主 耶穌 基督 ，賜 分外恩典 同 安寧 *俾 你哋 。
3 每 次 我 諗 起 你哋 ，為 你哋 所有 人 懇切 祈求 嘅 時候 ，都 感謝 我 嘅 上帝 。
4 我 每 次 懇切 祈求 ，都 好 開心 ，
5 因為 你哋 由 接受 好消息 嗰 一 日 到 而家 ，一直 努力 參與 宣揚 好消息 *嘅 工作 *。
6 我 深信 ，上帝 會 完成 喺 你哋 當中 已經 開始 嘅 美善 工作 ，直至 基督 耶穌 嘅 日子 嚟到 。
7 我 對 你哋 所有 人 有 噉樣 嘅 諗法 係 冇 錯 嘅 ，因為 我 深愛 你哋 ，而且 你哋 同 我 都 因為 分外恩典 而 得益 。無論 我 被 監禁 ，定係 為 好消息 辯護 ，通過 法律 途徑 確立 傳 好消息 嘅 權利 ，你哋 都 支持 我 。
8 上帝 知道 我 好 想 見 到 你哋 所有 人 ，我 對 你哋 充滿 溫情 ，就 好似 基督 耶穌 對 你哋 一樣 。
9 我 一直 禱告 ，希望 你哋 越 嚟 越 有 愛心 ，有 確切 嘅 知識 ，能夠 透徹 噉 明辨 事理 ，
10 睇 清楚 邊啲 事 更加 重要 ，純潔 無瑕 ，唔好 令 人 跌倒 *，直到 基督 嘅 日子 。
11 我 亦 都 希望 你哋 靠 住 耶穌 基督 嘅 幫助 ，結滿 正義 嘅 果實 ，令 上帝 得到 榮耀 同 讚美 。
12 各位 弟兄 *，我 想 話 俾 你哋 知 ，我 而家 嘅 處境 其實 有助於 宣揚 好消息 。
13 全體 禁衛軍 同 其他 人 ，都 知道 我 係 因為 基督 嘅 緣故 而 被 囚禁 。
14 我 被 囚禁 呢 件 事 ，亦 都 令 大多數 為 主 服務 嘅 弟兄 更 有 信心 ，更 有 勇氣 傳講 上帝 嘅 話語 。
15 有啲 人 的確 係 出於 妒忌 同 競爭 而 傳講 基督 嘅 好消息 ，不過 都 有啲 人 係 出於 正確 嘅 動機 *。
16 有 正確 動機 嘅 人 係 因為 愛 而 宣揚 基督 ，佢哋 知道 我 係 被 派 嚟 為 好消息 辯護 嘅 。
17 而 嗰啲 懷 有 競爭 心態 ，唔係 懷 住 正確 動機 嘅 人 ，佢哋 宣揚 基督 ，係 想 令 我 被 囚禁 嘅 時候 更加 痛苦 。
18 結果 呢 ？無論 佢哋 嘅 動機 係咪 正確 ，只要 基督 受到 宣揚 ，我 就 好 開心 嘞 。將來 我 都 會 咁 開心 ，
19 因為 我 知道 ，由於 你哋 嘅 懇切 祈求 ，加上 得到 耶穌 基督 嘅 力量 *，呢 件 事 最終 會 為 我 帶 嚟 拯救 *。
20 我 熱切 盼望 喺 任何 事 上 都 無愧於心 ，亦 都 深信 自己 可以 繼續 放膽 發言 。噉樣 ，無論 我 生存 定係 死去 ，而家 我 都 能夠 一如既往 噉 令 基督 得到 榮耀 *。
21 對 我 嚟 講 ，我 生存 係 為咗 基督 ，而 死去 係 更 有 益處 嘅 *。
22 如果 我 以 呢個 身體 繼續 生存 ，我 就 能夠 工作 ，結出 果實 。至於 要 揀 邊 樣 ，我 都 唔 知道 *。
23 呢 兩 件 事 令 我 好 難 取捨 ，其實 我 好 想 自己 嘅 身體 得到 釋放 ，能夠 同 基督 一齊 ，因為 噉樣 的確 好好 多 。
24 不過 ，為咗 你哋 嘅 益處 ，我 更加 應該 以 呢個 身體 生存 。
25 我 深信 呢 件 事 ，所以 我 知道 我 會 繼續 同 你哋 所有 人 一齊 ，幫助 你哋 進步 ，等 你哋 因為 有 信心 而 喜樂 。
26 噉 我 再次 同 你哋 見面 嘅 時候 ，就 可以 因為 大家 都 係 基督 耶穌 嘅 門徒 而 歡欣 快樂 。
27 我 只係 希望 ，你哋 處世為人 *配 得 上 基督 嘅 好消息 。噉樣 ，無論 我 可 唔 可以 嚟 見 你哋 *，都 聽 到 你哋 嘅 情況 ，知道 你哋 有 堅定 嘅 立場 同 團結 *嘅 精神 ，同心協力 *為 關於 好消息 嘅 信仰 並肩 奮鬥 ，
28 一啲 都 唔 怕 反對 嘅 人 。呢個 係 佢哋 會 滅亡 、你哋 會 得救 嘅 明證 ，係 出於 上帝 嘅 。
29 你哋 因為 基督 ，唔單止 有 殊榮 信從 佢 ，而且 有 殊榮 為 佢 受苦 。
30 你哋 而家 面對 嘅 考驗 ，我 以前 都 面對 過 ，當時 你哋 都 見 到 。而家 我 仲 面對 緊 同樣 嘅 考驗 。
