羅馬書 9:1-33
9 我 跟從 基督 ，所以 我 講 嘅 係 真話 ，唔 係 大話 。我 嘅 良心 喺 神聖力量 引導 下 ，為 以下 嘅 事 作證 ：
2 我 內心 好 悲傷 ，一直 覺得 好 痛苦 。
3 為咗 我 啲 弟兄 ，即係 我 本族 嘅 同胞 ，如果 可以 嘅 話 ，我 寧願 代替 佢哋 受 咀咒 ，同 基督 隔絕 。
4 佢哋 係 以色列 人 ，俾 上帝 收養 做 仔女 ，得到 榮耀 、誓約 、法典 、敬奉 上帝 嘅 安排 ，同埋 上帝 嘅 承諾 。
5 按照 血統 嚟 講 ，幾 位 族長 係 佢哋 嘅 祖先 ，基督 都 係 呢啲 人 嘅 後代 。願 主宰 一切 嘅 上帝 永遠 受 讚美 。阿們 *。
6 噉 唔 係 話 上帝 嘅 承諾 *落空 ，因為 唔 係 所有 以色列 人 ，都 屬於 真正 嘅 「以色列 」。
7 佢哋 係 亞伯拉罕 嘅 後代 ，但係 噉 唔 代表 佢哋 都 係 佢 嘅 「仔女 」。聖經 話 ：「以撒 生 嘅 先至 會 稱為 『你 嘅 後代 』。」
8 噉 即係 話 ，亞伯拉罕 血統 上 嘅 仔女 ，唔 一定 真係 上帝 嘅 仔女 。由於 上帝 嘅 承諾 而 有 嘅 仔女 ，先至 算 係 「後代 」。
9 上帝 曾經 承諾 ：「到 咗 呢個 時候 ，我 就 會 返嚟 ，撒拉 會 生 一 個 仔 。」
10 呢個 唔 係 唯一 嘅 例子 。當 利百加 懷孕 ，為 我哋 嘅 祖先 以撒 佗 住 雙胞胎 嗰陣 ，情形 都 一樣 。
11 上帝 按照 佢 嘅 旨意 揀選 人 ，唔 係 根據 人 嘅 行為 ，而 係 根據 呢 位 呼召 人 嘅 上帝 嘅 意願 。所以 ，兩 個 小朋友 仲 未 出世 ，仲 未 做 過 好事 或者 壞事 ，
12 上帝 已經 同 利百加 講 ：「哥哥 會 做 細佬 嘅 奴隸 。」
13 聖經 話 ：「我 愛 雅各 ，不過 憎恨 以掃 。」
14 噉 我哋 想 講 嘅 係 乜嘢 呢 ？上帝 係咪 唔 公正 ？梗係 唔 係 啦 ！
15 上帝 同 摩西 講 ：「我 想 憐憫 邊個 ，就 憐憫 邊個 ；想 向 邊個 開恩 ，就 向 邊個 開恩 。」
16 由此可見 ，人 被 揀選 ，唔 在於 佢 嘅 願望 ，亦 都 唔 在於 佢 嘅 努力 *，而 係 在於 憐憫 人 嘅 上帝 。
17 聖經 記載 上帝 同 法老 講 *：「我 容許 你 生存 ，就係 要 喺 你 身上 顯示 我 嘅 力量 ，令 我 嘅 名 傳遍 天下 。」
18 由此可見 ，佢 想 憐憫 邊個 ，就 憐憫 邊個 ，邊個 頑固 ，佢 就 由得 邊個 頑固 。
19 既然 係 噉 ，你 可能 會 話 ：「點解 佢 仲 要 怪責 人 呢 ？邊個 能夠 違抗 佢 嘅 旨意 呢 ？」
20 不過 你 係 邊個 呢 ？你 只係 凡人 ，竟然 敢 反駁 上帝 ？唔通 被 塑造 嘅 器皿 可以 同 塑造 佢 嘅 陶匠 講 ，「點解 你 將 我 造成 噉 呀 」？
21 唔通 陶匠 冇 權 用 同 一 嚿 陶泥 做 兩 個 器皿 ，一 個 用 喺 體面 *嘅 事 ，一 個 用 喺 唔 體面 *嘅 事 咩 ？
22 同樣 道理 ，雖然 上帝 嘅 旨意 係 要 向 惡人 表明 佢 嘅 憤怒 ，彰顯 佢 嘅 力量 ，不過 佢 好 有 耐心 ，容忍 嗰啲 將會 承受 佢 憤怒 、應該 俾 佢 毀滅 嘅 器皿 ，噉 有 乜嘢 問題 呢 ？
23 上帝 噉樣 做 ，向 嗰啲 佢 憐憫 嘅 器皿 彰顯 佢 豐富 嘅 榮耀 ，又 有 乜嘢 問題 呢 ？上帝 一早 就 預備 要 令 呢啲 器皿 得到 榮耀 。
24 我哋 就係 呢啲 器皿 。上帝 唔單止 喺 猶太 人 當中 ，亦 都 喺 列國 嘅 人 當中 呼召 我哋 ，
25 正如 佢 喺 何西阿 嘅 書 講 過 ：「本來 唔 係 我 子民 嘅 ，我 要 將 佢哋 稱為 『我 嘅 子民 』；本來 唔 係 我 所 愛 嘅 ，我 要 將 佢 稱為 『我 所 愛 嘅 』。
26 以前 我 喺 邊度 同 佢哋 講 『你哋 唔 係 我 嘅 子民 』，將來 都 會 喺 嗰度 將 佢哋 稱為 『真神 *嘅 仔 』。」
27 另外 ，關於 以色列 ，以賽亞 宣告 話 ：「以色列 人 嘅 數目 雖然 好似 海 邊 嘅 沙 咁 多 ，但係 只有 少數 人 *會 得救 ，
28 因為 耶和華 *會 同 地上 嘅 人 算 帳 ，行動 徹底 而且 迅速 。」
29 以賽亞 都 講 過 ：「如果 唔 係 天軍 嘅 統帥 耶和華 *俾 我哋 嘅 後代 存留 ，我哋 一早 就 好似 所多瑪 、蛾摩拉 噉 嘞 。」
30 噉 我哋 想 講 嘅 係 乜嘢 呢 ？列國 嘅 人 雖然 冇 追求 正義 ，但係 由於 表現 信心 ，就 被 視為 正義 嘅 人 *。
31 不過 ，以色列 人 雖然 力求 遵守 正義 嘅 法律 ，但係 就 冇 完全 達到 法律 嘅 要求 。
32 點解 呢 ？因為 佢哋 覺得 可以 靠 住 行為 ，而 唔 係 靠 住 信心 達到 呢個 目標 。佢哋 因為 「絆腳石 」而 失足 跌倒 ，
33 正如 聖經 話 ：「睇吓 ！我 要 放 一 塊 絆腳石 ，一 塊 令 人 失足 *嘅 石頭 喺 錫安 。不過 ，信賴 佢 嘅 人 唔會 失望 。」
