羅馬書 7:1-25
7 各位 弟兄 ，我 對 識 法律 嘅 人 講 ，唔通 你哋 唔 知道 ，法典 係 喺 人 在生 嘅 時候 ，先至 對 佢 有 約束力 *咩 ？
2 舉個例 ，已婚 嘅 女人 ，只要 丈夫 仲 在生 ，法律 就 規定 佢 屬於 丈夫 。但係 ，如果 丈夫 死 咗 ，丈夫 嘅 法律 就 唔 能夠 再 約束 佢 。
3 所以 ，丈夫 在生 嘅 時候 ，妻子 如果 跟 咗 另 一 個 男人 ，就係 通姦 。但係 ，如果 丈夫 死 咗 ，妻子 就 唔 再 受 丈夫 嘅 法律 約束 ，即使 同 另 一 個 男人 結婚 ，都 唔 算 通姦 。
4 我 嘅 弟兄 ，你哋 嘅 情形 都 係 噉 ，由於 基督 犧牲 咗 佢 嘅 身體 ，你哋 都 好似 死 咗 一樣 ，唔 再 受 法典 約束 ，可以 屬於 另 一 個 人 ，即係 已經 死而復生 嗰位 ，噉 而家 我哋 嘅 行為 就 可以 得到 上帝 認可 *嘞 。
5 以往 我哋 順應 有 罪 嘅 本性 *生活 嗰陣 ，法典 令 我哋 清楚 睇 出 ，有 罪 嘅 慾望 喺 我哋 身上 發揮 作用 ，令 我哋 犯罪 而 死亡 *。
6 不過 ，而家 我哋 脫離 咗 法典 嘅 約束 ，唔 再 受 佢 限制 *，噉 我哋 就 唔 再 係 靠 住 法典 ，用 舊 嘅 方式 做 上帝 嘅 奴隸 *，而 係 靠 住 神聖力量 ，用 新 嘅 方式 做 奴隸 。
7 噉 我哋 想 講 嘅 係 乜嘢 呢 ？法典 係咪 有 缺陷 呢 *？梗係 唔 係 啦 ！如果 冇 法典 ，我 根本 唔 知道 乜嘢 係 罪 。例如 ，如果 唔 係 法典 話 「唔 可以 貪婪 」，我 都 唔 知道 乜嘢 係 貪婪 。
8 不過 ，罪 通過 呢 條 誡命 就 有機可乘 嘞 ，罪 令 我 身上 嘅 各 種 貪婪 顯露 出嚟 ，因為 冇 法典 嗰陣 ，罪 係 死 嘅 *。
9 以前 冇 法典 嘅 時候 ，我 係 活 著 嘅 。後嚟 有 咗 誡命 ，罪 就 活 著 ，而 我 就 死 咗 嘞 。
10 誡命 本來 係 要 令 人 得到 生命 ，但係 我 睇 出 佢 令 人 死亡 。
11 通過 誡命 ，罪 就 有機可乘 ，誘惑 我 ，殺 咗 我 。
12 其實 ，法典 本身 係 聖潔 嘅 ，誡命 亦 都 係 聖潔 、正義 、良善 嘅 。
13 噉 令 我 死 嘅 係咪 良善 嘅 法典 呢 ？梗係 唔 係 啦 ！令 我 死 嘅 係 罪 。罪 通過 良善 嘅 法典 ，令 我 死亡 ，噉 就 表明 罪 係 點樣 嘅 。誡命 亦 都 顯明 ，罪 係 對 人 非常 有 害 嘅 *。
14 我哋 知道 法典 嚟自 上帝 ，但係 我 只係 血肉之軀 ，已經 賣 咗 俾 罪 做 奴隸 。
15 我 做 嘅 事 ，自己 都 唔 明白 。我 想 做 嘅 事 ，冇 經常 去 做 ；我 憎恨 嘅 事 ，反而 走去 做 。
16 既然 我 做 嘅 ，其實 係 我 唔 想 做 嘅 事 ，噉 即係 話 我 承認 法典 係 好 嘅 。
17 而家 做 呢啲 惡事 嘅 ，唔 係 我 ，而 係 我 內在 嘅 罪 。
18 我 知道 我 只係 血肉之軀 ，喺 我 裡面 一啲 良善 都 冇 。雖然 我 有 行善 嘅 願望 ，但係 冇 行善 嘅 能力 。
19 我 想 做 好 嘅 事 *，我 冇 去 做 ；我 唔 想 做 壞 嘅 事 *，我 反而 經常 做 。
20 既然 我 做 嘅 ，係 我 唔 想 做 嘅 事 ，噉 做 呢啲 事 嘅 ，就 唔 係 我 ，而 係 我 內在 嘅 罪 。
21 我 發現 自己 受制於 一 種 法律 ：每當 我 想 做 啱 嘅 事 ，硬係 有 惡念 纏住 我 。
22 我 嘅 內心 *真係 好 鍾意 上帝 嘅 法律 ，
23 但係 我 睇 出 身體 裡面 有 另 一 種 法律 ，同 我 思想 嘅 法律 打 緊 仗 ，想 俘擄 我 ，令 我 受制於 身體 裡面 罪 嘅 法律 *。
24 我 真係 可憐 呀 ！呢個 身體 令 我 步向 死亡 *，邊個 嚟 救 我 呢 ？
25 感謝 上帝 通過 我哋 嘅 主 耶穌 基督 拯救 咗 我 ！由此可見 ，我 嘅 思想 聽命 於 上帝 嘅 法律 *，但係 我 嘅 身體 就 受 罪 嘅 法律 奴役 。
