羅馬書 6:1-23
6 噉 我哋 想 講 嘅 係 乜嘢 呢 ？我哋 係咪 應該 繼續 犯罪 ，令 分外恩典 越 嚟 越 多 呢 ？
2 梗係 唔 應該 啦 ！既然 我哋 喺 罪 嘅 事 上 已經 死 咗 *，又 點 能夠 喺 罪 嘅 事 上 繼續 活 著 呢 *？
3 唔通 你哋 唔 知道 ，我哋 所有 受浸 同 基督 耶穌 聯合 嘅 人 ，都 受浸 歸入 佢 嘅 死亡 咩 ？
4 我哋 受浸 歸入 佢 嘅 死亡 ，就 同 佢 一齊 埋葬 嘞 。所以 ，我哋 都 應該 過 新 嘅 生活 ，就 好似 基督 憑 住 天父 榮耀 嘅 大能 死而復生 一樣 。
5 既然 我哋 好似 基督 噉 死去 而 同 佢 聯合 ，亦 都 一定 會 好似 基督 噉樣 復活 而 同 佢 聯合 。
6 我哋 知道 ，我哋 嘅 舊 品格 已經 同 佢 一齊 釘 喺 木柱 上面 ，令 我哋 呢個 有 罪 嘅 身體 唔 能夠 再 控制 我哋 ，我哋 就 唔 再 係 罪 嘅 奴隸 。
7 因為 人 死 咗 就 獲得 釋放 ，脫離 罪 嘞 *。
8 另外 ，我哋 相信 ，既然 我哋 已經 同 基督 同 死 ，亦 都 會 同 佢 同 活 。
9 我哋 知道 ，基督 既然 死而復生 ，就 唔會 再 死 。死亡 唔 再 係 佢 嘅 主人 嘞 。
10 佢 死 係 為咗 除罪 而 死 ，只係 一 次 就 永遠 成事 ，佢 活 係 為咗 上帝 而 活 。
11 同樣 ，喺 罪 嘅 事 上 ，你哋 都 要 當 自己 死 咗 一樣 。不過 ，你哋 要 靠 住 基督 耶穌 ，為 上帝 而 活 。
12 所以 ，唔 好 俾 罪 繼續 好似 君王 一樣 轄制 你哋 一定 會 死 嘅 身體 ，令 你哋 服從 身體 嘅 慾望 。
13 你哋 亦 都 唔 好 再 將 身體 獻 俾 罪 ，做 唔 正義 嘅 事 *。身為 死而復生 嘅 人 ，你哋 要 將 自己 獻 俾 上帝 ，亦 都 要 將 身體 獻 俾 上帝 ，做 正義 嘅 事 *。
14 你哋 唔 再 喺 摩西 法典 之 下 ，而且 得到 上帝 嘅 分外恩典 ，所以 ，唔 可以 俾 罪 做 你哋 嘅 主人 轄制 你哋 。
15 噉 係咪 話 ，我哋 唔 喺 摩西 法典 之 下 ，而且 得到 分外恩典 ，就 可以 犯罪 呢 ？梗係 唔 係 啦 ！
16 你哋 服從 邊個 ，將 自己 獻 俾 邊個 做 奴隸 ，就係 邊個 嘅 奴隸 。你哋 一 係 做 罪 嘅 奴隸 ，結果 死亡 ，一 係 做 上帝 嘅 奴隸 ，服從 佢 ，結果 成為 正義 嘅 人 。呢 一 點 唔通 你哋 唔 知道 咩 ？
17 所以 我 感謝 上帝 ，你哋 雖然 曾經 係 罪 嘅 奴隸 ，但係 而家 衷心 服從 上帝 ，跟從 佢 嘅 教導 去 做 *。
18 你哋 既然 獲得 釋放 擺脫 咗 罪 ，就 成為 正義 嘅 奴隸 嘞 。
19 你哋 係 有 罪 而 軟弱 嘅 人 *，所以 我 就 用 一般 人 都 明白 嘅 措辭 同 你哋 講 。你哋 以前 將 身體 獻 俾 不潔 不法 嘅 事 做 奴隸 ，沉溺 於 不法 嘅 行為 ，而家 都 一樣 要 將 身體 獻 俾 正義 嘅 事 做 奴隸 ，過 聖潔 嘅 生活 。
20 你哋 以前 係 罪 嘅 奴隸 ，冇 受 正義 約束 ，好似 好 自由 。
21 噉 你哋 當時 嘅 行為 帶 嚟 乜嘢 後果 呢 ？就係 做出 一啲 令 你哋 而家 覺得 羞恥 嘅 事 ，而 做 嗰啲 事 嘅 結局 就係 死亡 。
22 不過 ，既然 你哋 獲得 釋放 擺脫 咗 罪 ，成為 上帝 嘅 奴隸 ，得到 嘅 成果 就係 聖潔 嘅 生活 ，而 結局 就係 永遠 嘅 生命 。
23 罪 俾 人 嘅 報酬 *係 死亡 ，但係 上帝 通過 我哋 嘅 主 基督 耶穌 俾 人 嘅 恩賜 *，就係 永遠 嘅 生命 。
