羅馬書 3:1-31
3 噉 猶太 人 有 乜嘢 優勢 呢 ？割禮 又 有 乜嘢 益處 呢 ？
2 從 各 方面 嚟 睇 都 有 好 多 。最 重要 嘅 一點 係 ，上帝 將 自己 嘅 信息 *託付 咗 俾 佢哋 。
3 就算 有啲 人 冇 信心 ，噉 又 點 呢 ？佢哋 冇 信心 ，係咪 就 代表 上帝 唔 再 值得 信賴 呢 ？
4 當然 唔 係 啦 ！就算 所有 人 都 講 大話 ，人人 都 仍然 可以 睇 出 上帝 係 真實 可靠 嘅 。正如 聖經 噉樣 寫 ：「你 講 嘅 說話 證明 你 係 正義 嘅 ，你 被 指控 嗰時 能夠 勝訴 。」
5 如果 我哋 嘅 唔 正義 反而 能夠 顯示 上帝 係 正義 嘅 ，噉 上帝 降怒 ，係咪 表示 佢 唔 公正 呢 ？（我 講 嘅 其實 係 一般 人 嘅 諗法 。）
6 當然 唔 係 啦 ！如果 上帝 唔 公正 ，佢 又 點 可以 審判 世界 呢 ？
7 仲有 ，如果 人 講 大話 能夠 突顯 上帝 係 講 真話 嘅 ，令 佢 得到 更 大 嘅 榮耀 ，有啲 人 可能 會 話 ，「點解 我 會 被 判 為 罪人 呢 ？」
8 噉 不如 索性 話 ，「我哋 做 壞事 啦 ，噉 就 會 有 好事 發生 嘞 」。有啲 人 竟然 聲稱 我哋 講 過 噉樣 嘅 說話 。呢啲 人 應該 被 定罪 。
9 噉 我哋 猶太 人 有 乜嘢 比 其他 人 優越 呢 ？當然 冇 啦 ！正如 頭先 講 過 ，無論 係 猶太 人 定係 希臘 人 *，全部 都 受罪 控制 。
10 聖經 話 ：「冇 人 係 正義 嘅 ，連 一 個 都 冇 。
11 冇 人 洞悉 事理 ，冇 人 尋求 上帝 。
12 所有 人 都 偏離 正路 ，全部 都 變 得 冇 用 。冇 人 對 人 仁慈 ，連 一 個 都 冇 。」
13 「佢哋 嘅 喉嚨 係 打開 嘅 墓穴 *，佢哋 用 舌頭 講 欺詐 嘅 說話 。」「佢哋 嘅 嘴 裡面 好似 有 蛇 嘅 毒液 。」
14 「佢哋 滿口 都 係 咀咒 同埋 惡毒 嘅 說話 。」
15 「佢哋 腳步 飛快 ，要 去 殺人流血 。」
16 「佢哋 所 做 嘅 ，都 帶 嚟 破壞 同 痛苦 ；
17 佢哋 唔 認識 和睦 之 道 。」
18 「佢哋 一啲 都 唔 畏懼 上帝 。」
19 我哋 知道 ，摩西 法典 嘅 一切 ，都 係 向 受 法典 約束 嘅 人 講 嘅 ，等 佢哋 唔 能夠 再 為 自己 搵 借口 ，而且 表明 全 世界 嘅 人 都 有 罪 ，應該 受 上帝 懲罰 。
20 法典 令 人 更加 清楚 知道 乜嘢 係 罪 。所以 ，冇 人 能夠 靠 遵守 法典 喺 上帝 面前 稱為 正義 嘅 人 *。
21 不過 ，正如 法典 同埋 先知書 預告 ，而家 上帝 嘅 正義 唔使 靠 法律 就 可以 顯示 出嚟 嘞 。
22 所有 對 耶穌 基督 有 信心 嘅 人 ，無論 係 咩 國族 都 冇 分別 ，只要 佢 有 信心 ，都 可以 喺 上帝 眼中 成為 正義 嘅 人 。
23 人人 都 有 罪 *，唔 能夠 完全 反映 上帝 嘅 榮耀 。
24 上帝 安排 基督 耶穌 獻出 贖價 ，作為 禮物 送 俾 人 *，令 人 得到 釋放 ，噉 人 靠 住 上帝 嘅 分外恩典 ，就 可以 稱為 正義 嘅 人 *。
25 上帝 安排 耶穌 成為 求恩 嘅 祭牲 ，令 對 耶穌 嘅 血 有 信心 嘅 人 同 上帝 和好 *。上帝 噉樣 做 ，係 要 表明 自己 嘅 正義 ，因為 以往 佢 一直 寬容 人 ，赦免 人 犯 嘅 罪 。
26 上帝 噉樣 做 ，亦 都 係 要 喺 呢個 時代 表明 自己 嘅 正義 ；而 佢 將 相信 耶穌 嘅 人 稱為 正義 嘅 人 *，都 表明 自己 係 正義 嘅 。
27 既然 係 噉 ，我哋 有 咩 值得 誇耀 呢 ？一啲 都 冇 。噉 邊 套 法律 令 人 冇 理由 誇耀 呢 ？係咪 講求 行為 嘅 法典 ？唔 係 ，係 講求 信心 嘅 法律 。
28 因為 我哋 知道 ，人 能夠 稱為 正義 嘅 人 *，憑 嘅 係 信心 ，而 唔 係 按照 法典 講 嘅 去 做 。
29 上帝 只係 猶太 人 嘅 上帝 咩 ？佢 唔 係 都 係 所有 國族 嘅 人 嘅 上帝 咩 ？冇 錯 ，佢 係 所有 國族 嘅 人 嘅 上帝 。
30 上帝 只有 一 位 。佢 將 受 咗 割禮 嘅 人 稱為 義人 *，係 因為 佢哋 有 信心 ；佢 將 冇 受 割禮 嘅 人 稱為 義人 ，亦 都 係 因為 佢哋 有 信心 。
31 噉 係咪 話 ，我哋 有 信心 就 廢除 咗 法典 呢 ？當然 唔 係 啦 ！相反 ，我哋 係 支持 法典 嘅 。
