羅馬書 2:1-29
2 無論 你 係 邊個 ，都 冇 理由 妄自 批評 *其他 人 。你 批評 人哋 ，但係 自己 都 有 同樣 嘅 行為 ，你 噉樣 做 ，就係 定 自己 有 罪 。
2 我哋 知道 ，上帝 會 根據 事實 審判 有 呢啲 行為 嘅 人 ，定 佢哋 有 罪 。
3 你 批評 人 做 呢啲 嘢 ，但係 自己 又 噉樣 做 ，你 以為 自己 可以 逃避 到 上帝 嘅 判決 咩 ？
4 定係 你 唔 知道 上帝 咁 仁慈 ，係 想 引導 你 悔改 ，所以 你 輕視 佢 極大 嘅 仁慈 、寬容 同 耐心 呢 ？
5 你 頑固 不 化 ，唔 願意 悔改 ，就 令 上帝 對 你 嘅 憤怒 繼續 累積 落去 。喺 上帝 施行 正義 審判 嘅 日子 ，佢 會 降下 憤怒 。
6 佢 會 按照 各 人 嘅 行為 獎賞 或者 懲罰 佢哋 *：
7 如果 人 堅持不懈 噉 *行善 *，追求 榮耀 、尊貴 同埋 唔會 朽壞 嘅 生命 ，就 會 得到 永遠 嘅 生命 ；
8 如果 人 好辯 爭勝 ，唔 服從 真理 ，反而 做 唔 正義 嘅 事 ，就 會 承受 上帝 嘅 憤恨 同 怒氣 。
9 每 個 作惡 嘅 人 ，都 會 遭受 患難 同 痛苦 ，首先 係 猶太 人 ，然後 係 希臘 人 *；
10 每 個 行善 嘅 人 ，都 會 有 榮耀 、尊貴 、安寧 *，首先 係 猶太 人 ，然後 係 希臘 人 。
11 因為 上帝 係 唔 偏心 嘅 。
12 冇 上帝 嘅 法律 約束 嘅 人 犯 咗 罪 ，就算 冇 法律 ，都 係 會 死 ；而 受 上帝 嘅 法律 約束 嘅 人 犯 咗 罪 ，就要 根據 法律 受審 。
13 對 上帝 嚟 講 ，只係 聆聽 法律 嘅 唔 算 係 正義 嘅 人 ，遵守 法律 嘅 先 稱 得 上 係 正義 嘅 人 *。
14 外族人 *冇 上帝 嘅 法律 ，但係 如果 憑 天性 做 符合 法律 嘅 事 ，就算 冇 上帝 嘅 法律 ，自己 就係 約束 自己 嘅 法律 嘞 。
15 佢哋 嘅 情況 充分 表明 ，法律 嘅 本質 寫 喺 佢哋 心 裡面 ，佢哋 嘅 良心 同 佢哋 一齊 作證 。於是 ，佢哋 嘅 思想 指控 自己 有 罪 或者 裁定 自己 無 罪 。
16 正如 我 宣揚 嘅 好消息 提 到 ，上帝 會 通過 基督 耶穌 審判 人類 暗中 做 嘅 事 ，到 咗 嗰個 日子 ，呢啲 事 就 會 發生 。
17 你 話 自己 係 猶太 人 ，信賴 法典 ，炫耀 自己 同 上帝 嘅 特殊 關係 。
18 你 受 過 摩西 法典 嘅 教導 ，知道 上帝 想 你 做 乜嘢 ，明白 乜嘢 係 重要 嘅 *。
19 你 深信 自己 能夠 帶領 盲眼 嘅 人 ，照亮 身處 黑暗 嘅 人 。
20 你 仲 以為 自己 因為 掌握 咗 法典 嘅 基本 知識 同 真理 ，就 可以 糾正 不明事理 嘅 人 ，教導 好似 小朋友 一樣 愚昧 無知 嘅 人 。
21 不過 ，你 既然 教導 其他 人 ，點解 唔 教 吓 自己 呢 ？你 同 人 講 「唔 可以 偷竊 」，自己 竟然 去 偷 嘢 ？
22 你 話 「唔 可以 通姦 」，自己 竟然 通姦 ？你 憎恨 偶像 ，自己 竟然 盜取 廟宇 嘅 嘢 ？
23 你 因為 法典 而 自豪 ，自己 竟然 違反 法典 ，羞辱 上帝 ？
24 聖經 話 ：「上帝 嘅 聖名 因為 你哋 做 嘅 嘢 ，喺 列國 中 被 褻瀆 。」
25 其實 ，你 要 遵守 法典 ，割禮 *先至 有 價值 ；如果 你 違反 法典 ，受 咗 割禮 都 等於 冇 受 割禮 。
26 所以 ，如果 冇 受 割禮 嘅 人 遵守 法典 上 嘅 正義 規定 ，冇 受 割禮 唔 係 就 等於 受 咗 割禮 咩 ？
27 你 認識 法典 上 嘅 條文 ，亦 都 受 咗 割禮 ，但係 就 冇 遵守 法典 。所以 ，嗰啲 冇 受 割禮 嘅 人 如果 遵守 法典 ，就 可以 定 你 有 罪 嘞 。
28 表面上 係 猶太 人 嘅 ，唔 算 係 猶太 人 ；身體 上 外在 嘅 割禮 ，亦 都 唔 算 係 割禮 。
29 內心 係 猶太 人 嘅 ，先 算 係 猶太 人 。佢 嘅 割禮 係 喺 心 入面 嘅 ，靠 嘅 係 神聖力量 ，而 唔 係 法典 條文 。呢個 人 得到 嘅 稱讚 ，唔 係 嚟自 人 ，而 係 嚟自 上帝 。
