羅馬書 15:1-33
15 不過 ，我哋 堅強 嘅 人 ，應該 包容 唔 堅強 嘅 人 嘅 弱點 ，而 唔 係 取悅 自己 *。
2 我哋 人人 做 嘅 事 都 應該 令 人 開心 ，得到 益處 ，受到 鼓勵 。
3 因為 連 基督 都 冇 取悅 自己 *，反而 好似 聖經 所 講 ：「有 人 出言 侮辱 你 ，呢啲 說話 都 落 喺 我 身上 。」
4 以前 寫 低 嘅 說話 ，全部 都 係 為咗 教導 我哋 而 寫 嘅 。我哋 懷 有 希望 ，係 因為 聖經 為 人 帶 嚟 安慰 ，幫 我哋 保持 忍耐 。
5 願 賜 人 忍耐 同 安慰 嘅 上帝 ，令 你哋 都 有 基督 耶穌 嘅 思想 態度 。
6 噉 你哋 就 能夠 團結一致 、異口同聲 噉 頌揚 *我哋 主 耶穌 基督 嘅 上帝 ，亦 即係 佢 嘅 爸爸 。
7 為咗 榮耀 上帝 ，你哋 要 彼此 接納 *，就 好似 基督 接納 咗 你哋 噉 。
8 我 想 你哋 知道 ，基督 成為 受 割禮 嘅 人 嘅 僕人 ，係 要 表明 上帝 真實 可靠 ，證實 上帝 對 佢哋 祖先 所 作 嘅 承諾 係 可信 嘅 ，
9 亦 都 係 要 令 列國 嘅 人 因為 上帝 憐憫 佢哋 而 頌揚 *佢 。聖經 話 ：「所以 我 要 喺 列國 當中 公開 承認 你 ，歌頌 你 嘅 聖名 。」
10 仲 話 ：「列國 嘅 人 啊 ，你哋 要 同 上帝 嘅 子民 一齊 歡欣 。」
11 又 話 ：「萬國 啊 ，你哋 要 讚美 耶和華 *，萬族 都 要 讚美 佢 。」
12 以賽亞 亦 都 講 過 ：「耶西 嘅 根 將會 出現 ，統治 列國 ，列國 嘅 人 會 寄 望 於 佢 。」
13 願 賜 人 希望 嘅 上帝 因為 你哋 信賴 佢 ，就 令 你哋 滿懷 喜樂 同 安寧 。噉樣 ，你哋 就 可以 因為 神聖力量 發揮 嘅 強大 作用 而 充滿 *希望 。
14 我 嘅 弟兄 ，我 深信 你哋 充滿 良善 ，有 足夠 嘅 知識 ，亦 都 能夠 彼此 教導 *。
15 不過 ，喺 我 寫 俾 你哋 嘅 呢 封 信 ，有啲 嘢 我 講 得 特別 率直 ，其實 係 想 再次 提醒 你哋 。噉 係 因為 上帝 賜 分外恩典 俾 我 ，
16 要 我 做 基督 耶穌 手下 嘅 公僕 ，為 列國 嘅 人 服務 。我 致力 於 神聖 嘅 工作 ，傳揚 上帝 嘅 好消息 ，係 想 令 列國 嘅 人 靠 住 神聖力量 成聖 *，可以 成為 上帝 接納 嘅 祭物 。
17 我 係 基督 耶穌 嘅 門徒 ，所以 有 理由 因為 上帝 嘅 事 而 歡喜 。
18 我 自己 做 過 嘅 事 ，我 就 唔 講 嘞 ，淨係 講 基督 點樣 通過 我 ，令 列國 嘅 人 服從 佢 。佢 通過 我 嘅 言行 ，
19 同埋 施行 神跡 奇事 *嘅 力量 ，仲有 憑 住 上帝 神聖力量 發揮 嘅 強大 作用 *，令 列國 嘅 人 服從 佢 。結果 ，我 由 耶路撒冷 起 周遊 各 地 ，直到 以利里古 行省 ，徹底 傳講 基督 嘅 好消息 。
20 於是 我 立下 目標 ，只要 係 有 人 聽 過 基督 嘅 名 嘅 地方 ，我 都 唔 去 嗰度 宣揚 好消息 ，噉 我 就 唔會 喺 其他 人 嘅 根基 上面 建造 ，
21 就 好似 聖經 所 講 ：「對 佢 聞所未聞 嘅 ，將會 睇見 ；未 聽 過 嘅 ，將會 明白 。」
22 由於 呢個 原因 ，我 好 多 次 想 去 你哋 嗰度 ，都 去 唔 成 。
23 不過 而家 我 已經 完成 咗 喺 呢 一帶 嘅 傳道 工作 ，而且 咁 多 年 嚟 *，我 一直 好 想 去 搵 你哋 。
24 所以 ，希望 喺 我 去 西班牙 途中 ，可以 探 吓 你哋 。享受 完 同 你哋 相聚 嘅 時光 之後 ，請 你哋 送 我 行 一 段 路 吖 。
25 不過 ，我 而家 要 去 耶路撒冷 執行 職務 先 ，援助 嗰度 嘅 聖民 。
26 馬其頓 同 亞該亞 嘅 人 樂意 捐款 ，援助 耶路撒冷 聖民 當中 嘅 窮人 。
27 捐款 嘅 人 本身 都 好 樂意 噉 做 ，不過 佢哋 作出 捐獻 亦 都 係 因為 感激 聖民 *。列國 嘅 人 既然 分享 到 呢啲 聖民 嘅 福分 *，就 有 義務 用 財物 援助 佢哋 *。
28 我 將 捐款 *順利 交 俾 佢哋 之後 ，就 會 經過 你哋 嗰度 去 西班牙 。
29 我 知道 ，我 去 探 你哋 嘅 時候 ，一定 會 將 基督 所 賜 嘅 豐厚 福分 帶 俾 你哋 。
30 各位 弟兄 ，我哋 都 相信 主 耶穌 基督 ，神聖力量 亦 都 令 我哋 彼此 相愛 ，所以 我 懇請 你哋 同 我 一齊 ，為 我 向 上帝 熱切 禱告 ，
31 祈求 我 可以 得到 解救 ，唔會 受 猶地亞 嗰啲 不信 嘅 人 阻礙 ，亦 祈求 我 為 耶路撒冷 *執行 嘅 職務 得到 聖民 嘅 接納 。
32 噉樣 ，如果 係 上帝 嘅 意思 ，我 就 能夠 開開心心 去 到 你哋 嗰度 ，大家 互相 鼓勵 。
33 願 賜 人 安寧 *嘅 上帝 同 你哋 所有 人 同在 。阿們 。
